ډېر غذايي رژيم او ورزش د چاغښت مخنيوی نه کوي. حتي ځيني ډاکتران لا د غذايي رژيم د توصيې په برخه کي تيروتنه کوي. کارپوهان د غذايي رژيم په برخه کي ۴ تيروتنو ته اشاره کوي.
انځور: Colourbox
اعلان
دا يو ډېر تريخ حقيقت دی چي د ډنگروالي له پاره د غذايي رژيم نيولو په سلو کي۹۰ سلنه ئې له ناکامۍ سره مخامخ کيږي. نو په دې برخه کي حتماً تيروتنه سته چي نه سي کولای د چاعښت مخه ونيسي. لږ کالوري او د بدن ډېر فعاليت نور د ډنگرېدو ساده لاره نه ده.
د ځينو کارپوهانو په نظر د تغذيې په برخه کي هغه فکر چي له ځينو سره سته چي وايي غذايي رژيم د چاغښت او ډنگرېدو سبب کيږي، يوه تيروتنه ده.
مهمي تيروتني کومي دي؟
لومړۍ تيروتنه: په ځينو مواردو کي ويل کيږي چي يو څوک بايد له ځينو مشخصو خوراکي موادو څخه ډډه وکړي او پرځای ئې نور غذايي مواد ډېر مصرف کړي. دا يوه ستره تيروتنه ده. ځکه کيدای سي دغه شان رژيم په لومړي سر کي نتيجه ورکړي، خو دوې اوونۍ وروسته بدن له دغو نوو غذايي موادو سره ځان عياروي او نور نو د ډنگرېدو پروسه کار نه کوي.
دوهمه تيروتنه: د کارپوهانو په اند دا بې تفاوته ده چي تاسو څرنگه غذايي رژيم پيل کړی دئ، ځکه هغه لږ وخت وروسته خپل اغېزه له لاسه ورکوي. د انسان بدن له هر ډول خوارکي شرايطو سره ځان بدلوي او په ۱۴ ورځو کي له هر ډول تغذيې سره ځان عياروي.
دريمه تيروتنه: بدني فعاليت ستاسو له روغتيا سره مرسته کوي، خو ستاسو د ډنگرېدو له پاره کيدای سي مناسب روش نه وي. که چيري تاسي د بېلگې په توگه د تنيس په يوه لوبه کي په ساعت کي ۶۵۰ کالوري له لاسه ورکړی بيا به هم ډنگر نه سئ. که تر دغي لوبي وروسته تاسي خپل ځان وتلئ نو يو کيلو وزن به مو لږ سوی وي خو دا په دې معنی نه ده چي ستاسو وازگه کمه سوې ده، بلکي د بدن اوبه مو لږ سوي دي. يو شی دلته ډېر مهم دی، که تاسي په رښتيا هم غواړی چي په ورزش او بدني فعاليت سره ځان ډنگر کړئ، نو د ورځي دوه ساعته مو بايد بدن حرکت او فعاليت ولري.
څلورمه تيروتنه: يوه خبره بايد له ياده ونه باسو، هغه دا چي ستاسو چاغښت کيدای سي ژنتيکي عامل ولري. د ځينو کسانو بدونه داسي وي چي له غذا څخه ډېره گټه اخلي په دې برخه کي نو که د ورځي ۱۲۰۰ کالوري هم مصرف کړي بيا به هم ډنگر نه سي. ځکه د دې اصلي دليل ژنتيکي عوامل دي.
نو که موږ له دغو تيروتونو سره آشنا سو، کولای سو چي د مناسب وزن د په لاس راوړلو له پاره سمه لار انتخاب کړو. د وزن د کمښت له پاره يوه رښتينې لار غوره کړئ. ځان ډېر وږی مه ساتئ او اوږدمهاله خوراکي رژيم مه نيسئ. لارښوونه کیږي چي پخپل غذايي رژيم کي لږ څنډ روالی، څو بدن مو د کالوري له کمښت سره ځان عيار کړي او ستاسو د بدن له وازگي څخه کار واخلي.
د بدن د وازگي کمولو له پاره، لامبو، ځغاسته او بايسکل ځغلول مناسب دي. کارپوهان سپارښتنه کوي چي هغه څوک چي له چاغښت څخه رنځ وړي ځان ته دي مناسب ورزش انتخاب کړي.
سمه تغذیه او د وزن کمول هغه هدفونه دي چی هرڅوک غواړی هغو ته ځان ورسوي. خو په دې لاره کی کله کله سړی کامیابه او کله هم له ناکامۍ سره مخامخ سي. نوموړي هدف ته د رسیدو له پاره په دغو انځورونو کی ځینی لارښوونې سوي دي
انځور: margo555/Fotolia
د پلاستیکی لوښو استعمال ته باید پام وسی. پلټنو ښودلې چی په هغو کی د "بیسفنول ای" (BPA) په نامه یو ډول کیمیاوي ترکیب موجود دی چی په بدن کی د هورمونو د بدلون او سرطان سبب گرځي. په بدن کی د بیسفنول زیاتیدل چاغښت رامنځته کوي.
انځور: Fotolia/photo 5000
د میوې اوبه د چاغښت سبب گرځي. که له یوې خوا په هغو کی ډیر ویټامینونه سته ، خو د بلی خوا بیا ډیره کالوري هم لري.یوې خبری ته باید پام ونیسي چی د تازې میوې ځای هیڅکله د میوې اوبه نه نیسي.
انځور: Fotolia/cut
سترس یا د کار فشار د چاغښت سبب گرځي. کله چی یو څوک ډیر ستریس ولري نو د هغه بدن آدرنالین ترشح کوي چی دا کار د زړه د ضربان او وینی د فشار د لوړیدو باعث گرځي. په دې ډول نو د کورتیزول هورمون په بدن کی آزاد کیږي او همدغه کورتیزول بیا ډیره اشتها رامنځته کوي.
انځور: Fotolia/lassedesignen
ځینی کسان بیا د شپې له خوا ډوډۍ نه خوري او یوازی اوبه چښي. مهمه خبره داده چی بدن باید ۱۴ ساعته استراحت وکړي او مجبور نه سي چی د خوب پر وخت ډوډۍ هضم کړي.
انځور: Fotolia/karandaev
هغه کسان چی غواړی وزن یې کم سي باید هرومرو سپورت وکړي. که د سم سپورت له پاره کافي وخت نه لري نو کولای سي د ورځني عادی کار په جریان کی خپلو عضلاتو ته حرکت ورکړي او یا د مثال په ډول د زینو څخه پورته او کښته سي. ۲۰ دقیقې د زینو سپورت په بدن کی د ۱۰۰ کالوری د سوځولو سبب گرځي.
انځور: Colourbox/Click Images/Jean Vaillancourt
پروتین د بدن له پاره ډیر مهم دي او د وزن په کمولو کی مهم رول لوبوي . هغوی نه یوازی عضلې جوړوي بلکی بدن ته انرژي هم ورکوي . همدارنگه د کابوهایدراتو په مقایسه په بدن کی تر ډیره وخته پوری پاته وي او سړی موړ ساتي.
انځور: Fotolia
ځینی کسان لوږې او تندې ته په یوه سترگه گوري خو د اوبو چښل ډیر ضروري دي. په اوبو کی د لیمو اضافه کول که څه هم د وزن د کمیدو سبب نه گرځي خو بدن ته ویټامین C رسوي چی دا کار د بدن دفاعي سیستم تقویه کوي.
انځور: imago/Chromorange
رنگونه هم د اشتها د له منځه وړلو سبب گرځي. علمی څېړنو ښوولې چی ژیړ ، نارنجی او سره رنگونه اشتها تحریکوي او شنه او زرغونه رنگونه بیا هغه راکموي.
انځور: picture alliance/chromorange/Steeger
ځینی داسي غذایی مواد هم سته چی حجم یې ډیر وي خو کالوری یې کمه وي.هندوانه د هغو میوو څخه شمیرل کیږي چی ډیرې اوبه او کمه شیریني لري. له همدې کبله هندوانه د اشتها په کمولو کی مهم نقش درلودای سي.
انځور: Colourbox/tofumax
د خوشحالۍ او رضایت د رامنځته کولو هورمونونه هم د وزن په کمیدو کی خپل نقش لوبوي. په هغو غذایی موادو کی چی په زیاته پیمانه تریپتوفان او یو څه پروتئین موجود وي د سروتونین په نامه د خوښۍ هورمون په بدن کی ترشح کوي. په دې اړه خرما، اانځرو ، وچې میوې ،او ترخه کاکاو ته کولای سو اشاره وکړو.
انځور: Fotolia/photocrew
ځینی روحي لارښوونی هم سته چی د وزن د کمیدو سبب گرځي. د مثال په ډول کله چی مو د خوږو شیانو خوړولو ته اشتها راسي ، نو یو څو څاڅکی عطر پر یوه دستمال ووهی او هغه بوی کړی.دا کار تر یوې اندازی پوری د اشتها د کمیدو سبب گرځي.
انځور: Fotolia/DigitalGenetics
اوبه د اشتها په کمیدو کی مهم نقش لوبوي. پس له دې چی له خوبه پاڅیدلی او مخکی تر سبا ناری د اوبو چښل د اشتها د کمیدو سبب گرځي. همدارنگه نور وخت هم تر ډوډۍ دمخه د اوبو چښل ددې باعث کیږي چی سړی ډیرخوراک ونه کړي.
انځور: picture-alliance/dpa/B. Pedersen
انځورونه1 | 12
په سالمو خوړو سره د وزن کمول
د زون کمښت بې له دي چي سړی د نه خوړو رژيم هم ونه نيسي امکان لري. داسي ډېري لاري سته چي سړی خوراک هم وکړي ولي وزن ئې لږ سي. په دې انځوريز راپور کي داسي ته څو لاري ښوول کیږي چي خپل وزن څرنگه لږ کړئ.
فيزيکي فعاليت بدن گړندی کوي. ضرور نه ده چي په ساعتونو په لوبغالو کي سړی وځغلي او خولې توی کړی. تاسي کولای سئ د ورځي خپل ځان ته يو وخت وټاکی او پياده کښتی وکړئ. پياده گښتي د وازگي ويلي کولو سبب کيږي.
انځور: Colourbox
د کچالو پر ځای سبزيجات
د سره کړو کچالانو له خوراکه ډډه وکړئ. د هغه پر ځای د ورځي دوې ميوې او سبزي وخورئ.
انځور: picture-alliance/beyond/Junos
ډوډۍ کرار وخورئ
له خوړو خوند واخلئ. هره گوله کرار وژووئ او په ډېرو لږ خوړو سره مړېدلای هم سئ.
انځور: Colourbox/E.Audras
د خوراک پروسه مو وليکئ
يوه کوچنۍ کتابچه ولرئ او هر څه چي د ورځي خورئ هغه وليکئ. د دې له پاره چي روښانه وي، څه مو څومره اندازه خوړلي دي. څو ورځي وروسته بيا له دغو ياداښتونو سره د پرتلې له مخي کولای سئ خپل ځان ته د خوړو وخت تنظیم کړئ.
انځور: Deyan Georgiev/Colourbox
ښه بديل
پر مکرونيو باندي د غوړ تر تويولو به ښه وي چي د روميانو روب ورسره وخوړل سي.
انځور: Laurin Rinder - Fotolia
سبوس ډوډۍ وکاروئ
د سپيني ډوډۍ پر ځای سبوس ډوډۍ وخورئ، ځکه چي سپينه ډوډۍ خوراکي ارزښت نه لري خو سبوس ډوډۍ بيا قند او غوړ زېرمه کوي او سړی ډېر لږ د لوږي احساس کوي.
انځور: Fotolia/sterneleben
له قنده پرهيز وکړئ
کوښښ وگړئ چي د قند پر ځای شات وکاروئ.
انځور: Fotolia/Monika Wisniewska
منظم خوب
لږ خوب په بدن کي کي د سترس سبب گرځي. که سړی سم خوب ونه کړي په بدن کي د سترس (کورتيزول) هورمون توليديږي او په دې سره وزن زياتيږي. هر انسان بايد د شپې له ۷ تر ۸ ساعتونو پوري خوب وکړي. اوږد خوب د وزن د کمښت سبب کيږي. منظم خوب د وزن د کمښت سبب کيږي.
انځور: Colourbox/Monkey Business Images
د شپې خواړه
د سپې له خوا د وچي ډوډۍ، کروني او کچالانو پر ځای حبوبات وخورئ. دغه شان له هغو هورمونو سره مرسته کوي چي د خوب پر وخت فعاله کيږي.
