ولې له خوراک وروسته خوب راځي؟
۱۴۰۲ شهریور ۲, پنجشنبه![Symbolbild Schlaf, Computer](https://static.dw.com/image/64311242_800.webp)
د طبي ژورنال په وینا، له خوراک وروسته د لږ وخت له پاره د ستړیا احساس کول عادي خبره ده، خو که دا حالت اوږد شي او له خوراک وروسته سمدستي خوب ته اړ شئ، لاملونه یې په دې راپور کې ولولئ.
د کاربوهایډریټ او غوړ مصرف
ژر پاخه شوي خواړه یقینا خوندور دي، خو که چیرې دوی ډیر غوړ او کاربوهایډریټ ولري، نو ډېری وختونه تاسو د سستۍ احساس کوئ. هورمون »سي سی کا« چې له کوچنيو کولمو څخه پټیږي ډير کله ستونزه رامنځته کوي، دا هورمون د هاضمي سیسټم کې تولید او خوشې کیږي او د پروټین او غوړ په هضم کې مرسته کوي.
ځینې څېړنو ښودلې ده چې د ډير غوړ لرونکو خوړو وروسته د »سي سی کا« د تولید زیاتوالي او څو ساعته وروسته د سستوالي يا خوب احساس کولو ترمنځ اړیکه شته.
همدارنګه، کله چې تاسو خواړه وخورئ لکه سره غوښه یا خواږه چې التهاب زياتوي له خوب سره تړاو لري. دغه هورمون په جهاز هاضمه کي خوشي کيږي او د پروتينو له هضم او غوړسره مرسته کوي. ستاسي بدن کولې شي سيتوکين «چې د بدن ايمني حجرې له يو بل سره په اړيکو کي مرسته کوي لکه ايتترلوکين۱ ازاد کړي.«
د سختو خوړو خوړل
ځینې وختونه له خوړلو وروسته د ستړیا احساس په دې پورې اړه لري چې تاسو څومره خواړه خورئ. لامل یې ساده دی: څومره چې خواړه ډير وي، هومره انرژي د ميده کولو له پاره اخلي. د دې ټولې انرژي کارول د ستړیا لامل کیدی شي، نو هڅه وکړئ د خپلو خوړو اندازه ټیټه وساتئ او که تاسو د خوړو ترمنځ وږی شئ نو ډير پروټین لرونکي خواړه ترلاسه کړئ.
د خوړو نه قبلول
ستاسي بدن د خوړو عدم برداشت، یا حتی د خوړو الرجی، ډېر وختونه د هاضمي له ستونزو سره تړاو لري. خو ستړیا هم باید د نښو په نوملړ کې اضافه شي. د بيلگې په توګه، که تاسو د ګلوټین الرجي یا سیلیک ناروغي لرئ، تاسواحتمالا د ګلوټین لرونکي غذا خوړلو وروسته به د ستړیا احساس وکړئ، ځکه چې دا کولی شي الرجیک غبرگون رامنځ ته کړي.
د نورو ناروغیو شتون
که تاسو نور ټول انتخابونه کړي وي او تاسو لاهم د خوړلو وروسته ستړي یاست، نو دا وخت رارسیدلی چې خپل ډاکټر سره خبرې وکړئ، ترڅو وګورئ چې آیا یو اساسي حالت ستاسو د نښو تر شا کیدی شي. ځینې ناروغۍ کولی شيد خوړوڅخه د مغذي موادو په جذب کې اغيزه وکړي. لکه انیمیا، په دې حالت کې تاسو به احتمالا د ستړیا احساس وکړئ. برسېره پردې، د هورمونونو نا انډولي، د انسولین حساسیت یا د ایډیپاتیک پوسټ پرانډیل سنډروم او نور.