وینزویلا: حکومت او اپوزیسون د تعزیراتو نرمولو فیصله وکړه
۱۴۰۱ آذر ۶, یکشنبه![Venezuela Wirtschaftskrise Petro](https://static.dw.com/image/57173609_800.webp)
اعلان
لکه څنگه چي وینزویلايي ورځپاڼي »ال ناسیونال« پرون شنبه ماښام د محل په وخت رپوټ ورکړ، دواړو خواوو د غذايي موادو د تهیې او اجتماعي پروژو پخاطر د درو ملیارډو ډالرو پر آزادولو باندي موافقه وکړه. د دې دپاره به یو صندوق جوړیږي، چي هغه به بیا د ملگرو ملتونو لخوا اداره کیږي.
دغه پیسې د دنیا په مختلفو اکاونټونو کي پرتې دي او د نیکولاس مادورو پر حکومت باندي د تعزیراتو په سبب کنگل سوي وې. د امریکا متحده ایالاتو هم اوس د تیلو په څانگه کي تعزیرات نرم کړل او پدې ډول سره امریکايي د انرژۍ شرکت شیورون کولای سي په وینزویلا کي د تیلو د استحصال په برخه کي فعالیت تر یوه حده پوري بیرته شروع کړي.