د افریقا د سترې صحرا په جنوب کې په پرتو هيوادونو کې د نجونو په کم سن کې ودولو رواج ډیر دیانځور: picture alliance/dpa/O.Cicek
نورو هلو ځلو ته اړتيا ده
يونيسف وايي د کم سن ماشومانو د ودولو شمير د کښته کيدو دليل د تعليم د کچې لوړ والی او د حکومت له خوا مناسب اقدمات، د مثال په توگه عامه کمپاينونه، په لاره اچول دي. خو دغه اداره وايي چې پر تازه تمايلاتو سربيره هم لا زياتو هلو ځلو ته اړتيا ده څو د دوامدار پرمختگ د ۲۰۳۰م کال د اجنډا د ټاکل شويو اهدافو څخه یې يو د ماشومانو د ودونو له منځه وړل، ترلاسه شي.
اوس هم په نړۍ کې د هر پنځم واده پر وخت يوه ناوې کم سنه وي. د اټکلونو پر اساس په نړيواله کچه ۶۵۰ ميليونه ښځې په کم سن کې واده شوي دي. د يونيسف د شميرو له مخې اوس هم هر کال شا او خوا دولس ميليونه نورې کم سنه نجونه وديږي. تر ۲۰۳۰م کال پورې به تر ۱۵۰ ميليون زياتې نجونې اغیزمنې شوي وي.
Hk/kle(dpa,kann) B.S/N.Z
زموږ له آرشيف څخه:
نني ماشومان خو د راتلونکي احتمالي پاچهان وپېژنئ
په ۲۱مه پېړۍ کي لا هم په زياتو هيوادونو کي پاچاهۍ نظامونه سته او د شاهي کورنۍ زیات مراعت کيږي. دلته د شاهي کورنیو هغه غړي وپېژنئ چي ښايي په راتلونکي کي پاچهان او يا د کابینې غړي وي.
انځور: AFP/Getty Images/F. Senna
شهزاده جارج (بريتانيا)
د بريتانيې د شهزاده جارج انځورونه په نړيوالو رسنيو کي زيات خپاره سوي دي. دغه شهزاده د ۲۰۱۳ کال د جولای مياشتي په ۲۲مه نېټه پيدا سوی دی. هغه د شهزاده چارلس لمسی او د شهزاده ويليم زوی دی. نوموړی د بريتانيې د تاج د وليعهدانو په قطار کي د خپل نيکه او پلار وروسته پر دريم مقام کې دی.
انځور: Getty Images/R. Pohle
شهزادګۍ شارلټ (بريتانيه)
شهزادګۍ شارلټ د شهزاده ويليم دويم ماشوم دی. شارلټ له خپل وروره څخه دوه کاله کشره ده او د بريتانيې د تاج د وليعهدانو په قطار کي د خپل ورور جارج وروسته او په دې توګه په څلورم نمبر ده.
په بلجيم کي هم پاچاهي نظام دی او فيليپ پاچا دی. د هغه وروسته د تخت وارثه د نوموړي لور ايليزابېت ده. دغه شهزادګۍ د ۲۰۰۱ کال د اکتوبر په ۲۵مه نېټه زېږېدلې ده.
انځور: picture alliance/DPR
شهزادګۍ ايميليا (لکسمبورگ)
شهزادګۍ ايميليا د لکسمبورگ د پاچا فيليکس تر تولو مشر اولاد دی. هغه د ۲۰۱۴ کال د جون په ۱۵مه زېږېدلې ده او د پلار د پاچهۍ وارثه ده.
انځور: Getty Images
شهزادګۍ اينګريد اليکزاندرا (ناروې)
شهزادګۍ اينګريد اليکزاندرا د ۲۰۰۴ کال د جون په ۲۱مه نېټه زېږېدلې ده. هغه د وليعهد هاکون په اولادونو کي تر ټولو مشره او د خپل نیکه پاچا هېرالډ پنځم د تخت په وارثينو کي پر پنځم نمبر ده.
انځور: Getty Images/N. Waldron
شهزاده کرستيان (دنمارک)
د دنمارک د وليعهدې فريديک څلور اولادونه دي چي پکښي کرستيان تر ټولو مشر دی. هغه د ۲۰۰۵ کال د اکتوبر په ۱۵مه نېټه زېږېدلی دی. کرستيان د خپلې انا او موجوده ملکې د تخت د وارثانو په کتار کي پر دريم مقام دی.
انځور: picture alliance/Scanpix Denmark
شهزاده حسن بن محمد (مراکش)
شهزاده مولای حسن بن محمد د ۲۰۰۳ کال د می مياشي په ۸مه نېټه زېږېدلی دی. هغه له ۲۰۱۵ کال راهيسي د خپل پلار او پاچا محمد شپږم سره په عام محضر کي راڅرګندېدل پېل کړل. هغه د خپل پلار د تخت وارث دی.
