ويل شوي چې په دې ترڅ کې د هوايي چلن له اصولو سرغړونه شوې ده او همدا راز د کرونا بندیزونه هم نه دي مراعت شوي او هیچا ماسک نه وو تړلی او ټولنیز واټن هم نه دی مراعت شوی.
د رپوټونو په حواله د هند ملکي هوايي چلن ادارې مشر د «سپايس جټ» په نامه دغه شرکت څخه غوښتنه کړې ده چې د واده شوې جوړې او د هغوی د مېلمنو په اړه دې اقدام وکړي. کيدای شي پر ټولو په مسافر وړونکو الوتکو د سفر بندیز ولګول شي.
ياد شرکت ويلي دي چې دا الوتکه يوه کميشن کار کرایه کړې وه. د دغه شرکت وياند زياته کړې ده چې کميشن کار او مېلمنو ته د ټولنیز واټن او د نورو حفاظتي اقداماتو د مراعاتولو په اړه لارښووني شوي وې.
په هند کې په دې وروستيو کې د کرونا ويروس د پېښو زياتېدو له کبله کلک بندیزونه لګول شوي دي او تر اوسه تر ۳۰۰ زرو ډېر کسان له دې کبله مړه شوي دي.
د کرونا د ۲۶ ميلیونو پېښو په درلودو سره د هند روغتونونه تر سخت فشار لاندي دي. کارپوهان وايي چې په کرونا د اخته کسانو او همدا راز د مړو شمير ښايي تر دې هم لوړ وي.
ب. ص/ ن. ز (AFP)
زموږ له آرشيف څخه:
د اړتیا وړو اوبو پوره کولو له پاره ودونه
د وچکالۍ پر مهال د هند د ځنیو سیمو خلک د اوبو په یوه غوړپ پسې زوریږي. په هند کې د دینگانمل کلي یو شمیر نارینه له همدې امله دوه یا دری ودونه هم کوي. دغه ښځې باید د کور د اړتیا وړ اوبه برابرې کړي.
انځور: Reuters/Danish Siddiqui
یو خاوند او دری میرمنې
د ۶۶ کلن ساکها رام بهگت د میرمنو شمیر لوړ شوې. هغه وایې:« زما لومړۍ ښځې باید د ماشومانو پالنه کړی وای، کله چې زما دویمه ښځه ناروغه شوه او د اوبو دراوړلو له پاره نور څوک نه وو بیا نو زه مجبوره شوم دریم واده وکړم.»
