یو افغان شرکت په دې هڅه او هیله دی چې افغانو نجونو او ښځو ته د ترکیې، روسیې او اروپا په پوهنتونونو کې د زده کړې فرصتونه برابر کړي. دغه شرکت چي ښځو جوړ کړی، موخه يې په ټولنه کې د نارینه وو حاکمیت را کمول بلله شوې ده.
انځور: Getty Images/Hulton Archive/Zh. Angelov
اعلان
مرجانه سعدي چې ۲۱ کلنه ده له تیر یوه کال راهیسې یې د کابل په زړه کې یو سیاحتي شرکت جوړ کړی دی. په دې سیاحتي شرکت کې اوسمهال اته ښځي کار کوي او سیاحتي خدمتونو پیرودونکو ته وړاندې کوي.
میرمن سعدي دغه شرکت له هغه وروسته جوړ کړ چې د کار موندنې او د بهرنیو هیوادونو په پوهنتونونو کې د زده کړې په هکله یې د ښځو ډیر شکایتونو واوریدل. تر اوسه پوري د هغې شرکت په دې توانیدلی چې ۳۵ مېرمنو ته د نورو هيوادونو په پوهنتونونو کې امکانات برابر کړي.
میرمن سعدي د تامسن رویترز بنسټ ته له کابل څخه په تليفوني خبرو کې وویل چې «ما درې کاله په راډيو کې کار وکړ او تل به مې دا اوریدل چې ځینې کارونه یوازي د نارينه وو له پاره وي او د داسې کارونو له پاره میرمنې مناسبې او مسلکي نه دي.» هغه زیاتوي چې له همدې امله ما پریکړه وکړه چې زه خپل شرکت جوړ کړم.
هغې زیاته کړه چې پلار او ورور یې د بانو سیاحتي شرکت د جوړولو له پاره ورته۵۰ زره امریکايي ډالر برابر کړل. نوموړې زیاتوي چې د افغانستان د ښځو چارو په وزارت کې یې ملګرو له هغې سره مرسته وکړه، څو خپل شرکت د بهرنیو هیوادونو له پوهنتونونو سره وصل کړي او له دې لاري میرمنو ته په نورو هیوادونو کې د زده کړې فرصتونه مساعد کړي.
د افغانستان پرونۍ او نننۍ څېره ډېره توپير لري
نژدې څلور لسيږي ترمخه افغانستان د مدرن کولو پر لور پياوړي پرمختگونه کول، خو د پخواني شوروي اتحاد په مداخلې، کورنيو جنگونو او طالبانو د دغه هیواد د مدرن کولو بهير په ټپه ودراوه. په دې انځوريز راپور کي د هغه وخت حال وگورئ.
انځور: Getty Images/AFP
د افغانستان د معاصر تاريخ يوه برخه جنگ او ناآرامي ده، خو ډېر لږ وخت دمخه دغه هیواد د مدرن کولو پر لور گړندی پرمختگ کاوه.
د نړیوال بانک د یوه رپوټ په حواله، په افغانستان کې ۷۶ سلنه داسي میرمنې بې سواده دي چې سنونه یې تر ۱۵ کلنۍ لوړ دي. که څه له ۲۰۰۱م کال را وروسته چي د طالبانو سخت دريځه رژیم نسکور شوی، افغان میرمنو او نجونو دا حق ترلاسه کړی چې ښوونځیو ته ولاړي شي، رای وکاروي او کار وکړي. بل لوري ته بیا د افغانستان اقتصادي او امنیتي کړکیچ هم د میرمنو او نجونو د زده کړو په مخکې یو لوی خنډ ګڼل کیږي.
د بهرنیو محصلانو له پاره د آلمان په زړه پوري پوهنتونونه
آلمان د بهرنیو محصلیونو له پاره یو ډیر په زړه پوری هیواد دی. له دې پلوه آلمان په هغو هیوادونو کې چې انگلیسې په کښې نه ویل کیږي لومړی مقام لري. په دې البوم کې د آلمان لس مشهوره پوهنتونه ښودل شوي دي.
انځور: Peter Himsel
د محبوبیت له پلوه په لسمه درجه کې د کولون پوهنتون
دا پوهنتون د آلمان په هغه ښار کې موقعیت لري چې د دغه هیواد تر ټولو لوی کلتوري جشن «کارنیوال» ترسره کیږي. د دغه ښار اوسیدونکي د آلمان د نورو ښارونو په نسبت دوستانه چلند لري. د نړۍ له گوټ گوټ څخه دې پوهنتون ته محصلان راځي. له دغه ښار څخه د اروپا نورو لویو ښارونو لکه امستردام، بروکسل، او پاریس ته سړی د ریل په وسیله په څو ساعتونو کې رسیږي.
انځور: picture-alliance/dpa
د محبوبیت له پلوه په نهمه درجه کي د فرانکفورت پوهنتون
دا پوهنتون د آلمان د یو مشهور شاعر یوهان وولفگنگ فون گویتا، په نوم نومول شوی دی. فرانکفورت یو کثیرالثقافتي ښار دی او د لوړو ودانیو له امله شهرت لري. د ډیرو مالي ادراو او بانکونو مرکزي ادارې په دغه ښار کې دي.
انځور: Goethe Universität Frankfurt
د محبوبیت له پلوه په اتمه درجه کې د دوئس بورگ ایسن پوهنتون
په دې پوهنتون کې ۳۷ زره محصلان خپلې لوړي زده کړي پر مخ بیاې چې د آلمان له لویو پوهنتونو څخه شمیرل کیږي. په ۲۰۰۳ کال کې د ایس او دوئس بورگ پوهنتونونه یوځای شول.
انځور: Klaus Lemke/SSC
۷ درجه د هایډل بیرگ پوهنتون
په ۱۳۶۴ م کال د دغه پوهنتون بسټ ایښودل شوی دی چې د آلمان له پخوانیو پوهنتونونو څخه شمیرل کیږي. د پاکستان یو مشهور ملي شاعر علامه اقبال هم په دې پوهنتون کې د یو څه وخت له پاره زده کړي کړي دي.
انځور: picture-alliance/dpa
په برلین کې د یومبولډ پوهنتون
دغه تعلیمي بنسټ هم د آلمان له تاریخي ادارو څخه شمیرل کیږي. د دې پوهنتون څو تنه فارغ التحصیلان ډیر مشهوره شول، چې له امله يي دغي ادارې ته هم د ممتاز درجه ورکړل شوه. برلین د آلمان د پلازمېني ترڅنگ یو تورستي ښار هم دی.
انځور: picture-alliance/dpa
د برلین «ټیکنیکل یونیورسټي» ۵ درجه
په پينځم درجه بیا هم د برلین «ټیکنیکل یونیورسټي» ځای لري. د سیلانیانو ترڅنگ محصلان هم له دې ښار سره مینه لري. نه یوازي د انجینرۍ له امله د دغه پوهنتون معیار ډیر لوړ دی، بلکي د نورو لویدیځو اروپايي ښارونو په پرتله په دې ښار کې مصارف هم کم دي.
انځور: TU Berlin/Dahl
د اخن پوهنتون(آر ډبلیو ټي ایچ) ۴ درجه
اخن ښار د بلجیم او هالینډ سرحد ته نږدې موقعیت لري. دغه تخنیکي پوهنتون د آلمان د لوړو انجینري ادارو څخه شمیرل کیږي. د دې ادارې شعار دی«د راتلونکي په هکله فکر وکړه» او په حقیقت کې هم دغه اداره همداسې کوي.
انځور: Peter Winandy
د مونشن تخنیکي پوهنتون ۳ درجه
د آلمان په لوی کلتوري ښار مونشن کې دوه لوی پوهنتونونه دي چې یو پکښې تخنیکي پوهنتون دی. د دغه پوهنتون د ادارې د تیرکال د ارقامو له مخي په هرو ۵ تنو محصلانو کې یو يي بهرنی دی.
انځور: Albert Scharger
د مونشن د ڷدویگ ماکسي میلین پوهنتون
د مونشن دغه پوهنتون هم د آلمان له تاریخي پوهنتونونو څخه شمیرل کیږي. د نوبل د جایزې ۳۴ تنه گټونکو په دغه پوهتون کې درس لوستی دی. «لایف سټایل میگزین» تیر کال دغه ښار د ژوند د بهترین طرز درلونکي ښار وباله.
انځور: picture-alliance/dpa
د برلین فرائی (آزاد) پوهنتون اوله درجه
په آلمان کې د برلین فرائی يا آزاد پوهنتون بنسټ په ۱۹۴۸ کال کې ایښودل شوی دی. دغه پوهنتون د بهرنیو زده کوونکو له امله هم ډیر شهرت لري. په برلین کې د یومبولډ پوهنتون برعکس دا د روسيي په زون کې نه شامل له همدې امله د دې نوم فرائی یا آزداد پوهتون ایښودل شوې وو.
انځور: Peter Himsel
انځورونه1 | 10
سربیره پر دې د روان کال په می میاشت کې په افغانستان کې د میرمنو له خوا مدیریت کیدونکي لومړني تلویزیون هم په خپرونو پیل وکړ. په دې تلویزیون کې د خپرونو له چمتو کوونکو تر وړاندې کوونکو ټولې میرمنې کار کوي. د دې ترڅنګ یوې بلې افغاني پیلوټې ښایسته واعظ هغه وخت د نړیوالو او رسنیو پام ځان ته واړاوه چې د لومړنۍ افغان میرمنې په توګه په خپله یوه کوچنۍ الوتکه کې يې د نړۍ ډيرو هیوادونو ته سفر وکړي.
دا په داسې حال کې ده چې میرمن سعدي په بهرني هیواد کې زده کړې نه دي کړي او یوازې هندوستان او ترکیې ته یې سفرونه کړي. هغه هیله منه ده چې ډیر ژر به هغه هم د نورو نجونو په څیر یوه بهرني هیواد ته د لوړو زده کړو په موخه ولاړه شي او خپل نوی کاري ژوند پیل کړي.
هغې په پای کې وویل چې «د خپل سیاحتي شرکت له لاري، زه په پام کې لرم چې د راتلونکو دوو کلونو په اوږدو کې زه د سوداګرۍ او مدیریت په برخه کې لوړي زده کړې وکړم.» هغه زیاتوي چې یا هندوستان او یا هم ترکیې ته د دې هدف د ترلاسه کولو له پاره چمتو والی نیسم.
