ټیسټ کرېکټ: بنګله دیش پاکستان ته تاریخي ماتې ورکړه
۱۴۰۳ شهریور ۴, یکشنبه![Cricket Testspiel | Bangladesch - Pakistan](https://static.dw.com/image/70043507_800.webp)
راولپنډي ټيسټ لوبو کې بنګله دیش پاکستان ته د ۱۰ ویکټو په توپير ماتې ورکړې ده.
په راولپنډۍ کې د ترسره شوي دغې لومړې ټيسټ لوبې په دویم اننګز(د سیالۍ دویم پړاو) کې د پاکستان لوبډله وتوانیدله چې یوازې ۱۴۶ منډې جوړې کړي او خپل ټول لوبغاړي له لاسه ورکړي یا په بله اصطلاح وسوزیدل.
کله چې پاکستان د یوې ویکټې په نقصان سره خپل اننګز پیل کړ، نو کپتان شان مسعود یوازې ۵ منډې جوړې کړې، بابر اعظم ۲۲، عبدالله شفیق ۳۷، شاهین شاه افریدي ۲، نسیم شاه ۳ او سعود شکیل، سلمان علي آغا او محمد علي په صفر باندې اوټ شول. د بنګله دیش لوبډلې ته یوازې د ۳۰ منډو هدف ورکړل شوی وو.
محمد رضوان د ۵۱ منډو اننګز ولوبولو، د هغې په اننګز کې ۶ څلوریزې هم شاملې وې.
د یادونې وړ ده چې د پنډي ټيسټ لوبو د لومړي اننګز یا پړاو په څلورمه ورځ بنګله دیش د خپل لومړي نامکمله اننګز پیل په ۳۱۶ منډو او ۵ لوبغاړو په سوزیدو سره کړی وو او د پاکستان د ۴۴۸ منډو په ځواب کې یې ۵۶۵ منډې جوړې کړې او ټول لوبغاړي یې وسوزیدل.
په دې توګه میلمه لوبډلې په لومړي اننګز کې د ۱۱۷ منډو برتري ترلاسه کړه، په داسې حال کې چې د پاکستان ملي لوبډلې د څلورمې ورځې تر پایه پورې په خپل دویم اننګز کې د یوې ویکټې په نقصان سره ۲۳ منډې جوړې کړې وې.
دغه لوبه درې ورځې مخکې د پاکستان په کوربتوب د دغه هیواد په راولپېنډۍ کرېکټ لوبغالي کې پیل شوې وه او یکشنبه(د اګست ۲۵نیټه) د بنګله دېش په بریا سره پای ته ورسېده.