پارلماني ټاکنې تر يکشنبې پورې وغځول شوې
۱۳۹۷ مهر ۲۸, شنبه![Afghanistan Parlamentswahl | Stimmabgabe in Masar-e Scharif](https://static.dw.com/image/45966677_800.webp)
اعلان
د چارواکو په حواله د راټوکېدلو ستونزو له کبله رای ورکوونکي نه شي کولای چې خپله رايه د نن ورځې په ترڅ کې لا وکاروي.
د انتخاباتو د خپلواک کمېسيون مشر عبدالبديع صياد، وويل چې ټاکنې به په هغو ځايونو کې تر سبا پورې وغځول شي چې د انتخاباتو چارواکي يا ټاکنيز مواد په سم وخت کې نه دي ور رسېدلي.
د بايومټريک آلاتو له لاري د رای ورکوونکو د ثبتولو پر سر ګډوډي، او د ځينو ټاکنيز مرکزونه پر وخت نه پرانيستل او د ټاکنيزو توکو کمښت ډېر رای ورکوونکي قهرولي دي.