د یکشنبې (د نومبر ۱۹ نیټه) په ورځ د پاریس په یوه لیلام خونه کې د فرانسې د امپراتور ناپیلیون بوناپارټ، یوه خولۍ د ریکارټ په کچه لوړه بیه یعنې ۲ میلیونه او ۱۱ زره ډالره وپلورل شوه. دا یوه تور رنګه دوه کُنجه یا څنډې لرونکي خولې ده.
د دروت په لیلام خونه کې په لومړیو کې اټکل کیده چې دغه خولۍ به له ۶ تر۸ سوه زره یورو پورې وپلورل شي. پر دې خولې د فرانسې د بیرغ رنګ لرونکی (آبي، سپین او سور رنګه) مډال هم نصب دی.
مخکې تر دې دغه خوله له یوه فرانسوي سوداګر ژان لوئس نوزیز، سره وه چې تیر کال مړ شوی دی. د خولۍ د پیرونکي هویت پټ ساتل شوی دی.
د دې لیلام خونې یوه چارواکي وویل چې په وروستي ځل د ناپیلیون یوه بله خولۍ په ۲۰۱۴م کال کې د سویلي کوریا یوه سوداګر په ۱۸۸۴۰۰۰ یورو پيرلې وه او په دې ترتیب سره دغه پخوانی ریکارډ هم مات شو.
د دروت په نیلام خونه کې په لومړیو کې اټکل کیده چې دغه خولۍ به له ۶ تر۸ سوه زره یورو پورې وپلورل شي.انځور: Mohamad Salaheldin Abdelg Alsayed/Anadolu/picture alliance د دې خولۍ ارزښت په څه کې دی؟ د دې خولۍلیلامونکي ژان پیئر اوسنټ، د رویټرز خبري آژانس ته وویل چې دغې خولې ناپیلیون ته د یوه سوداګریزې نښې یا ټریډ مارک حیثیت درلود او هغه داسې ۱۲۰ خولې درلودلې. اوسنټ وویل: «دغه خولۍ د هغه انځور یوه برخه ده، چې هغه ځانته پنځولی وو.»
اوسنټ دا هم وویل چې ناپیلیون به دا خولې داسې په سروله چې کُنجونه یا څنډې به یې تل له اوږو سره مطابق کولو، په داسې حال کې چې په هغه وخت کې به اکثرو خلکو د هغه څنډې د مخ او شا په طرف په سرولې.
د فرانسې د انقلاب پر مهال ناپیلیون یو مهم شخصیت وو. په ۱۸۰۴م کال کې د امپراتور په توګه له خدمت کولو مخکې هغه د قونسل په توګه هم دنده ترسره کړې وه او د امپراتورۍ تر رامنځته کیدو وروسته یې د اروپا په ډیرو برخو کې د پوځ مشري هم کړې ده.
د هغه پر ژوند جوړ یو نوی فلم به ډیر زر سنیماګانو کې نندارې ته وړاندې شي، په کوم کې چې جوکوئن فینکس د ناپیلیون رول لوبولی دی.
آژانسونه: ش.ن/ ا.و.ا
فرانسوی امپراتور، ناپيلیون بناپارت یو بې رحمه خو پرمختګ غوښتونکی جنرال وو چې تر مړينې مخکې يې نیمايي اروپا فتحه کړه. هغه ۲۰۰ کاله مخکې په جلاوطنۍ کې ومړ. انځورونه ېې له لنډو معلوماتو سره وګورئ. انځور: imago images ناپيليون د ۱۷۶۹ کال د اګست په ۱۵مه د کرس جزيرې په آژاکسیو کې وزيږيد. هغه د یو بې وزله کورنۍ د غړي په توګه وتوانيد چې د شاهي بورس په ترلاسه کولو سره د برين (Brienne) په پوځي ښوونځي کې شامل شي.
انځور: La Villette ناپيليون د فرانسې د ۱۷۸۹ کال په انقلاب کې د خپل کرير مدیون وو. هغه په ۱۷۹۳ کال کې د شاهانو پر ضد انقلاب کې د توپخانه يي ځواک مشري وکړه چې ډيرې لاسته راوړنې يې وکړې. دې سره هغه جنرال شو او د یو ځوان پوځي په توګه وستایل شو.
انځور: picture-alliance/HIP/The Print Collector/Art Media څنګه چې په انځور کې لیدل کيږي، ناپيليون دغه ډول د یو انتیک ستايل خولۍ دود کړه او د خپلو معاصرو خلکو خلاف دغه خوله خوښوله او په سر کوله يې. هغه به هر کال له دغو خولیو څو نمونې پواپيرد هتتر (Poupard hatter) ته د ۴۰ فرانکو په بیه فرمایش کولې.
انځور: picture-alliance/aka-images د ناپيلیون بناپارت په اړه ويل شوي چې هغه له مرګ ویره نه درلوده، ځکه چې خپل ځان يې د خدای غوره او تل پاتې شخصيت ګاڼه. په دې ترتيب هغه به تل د جګړې پر وخت د خپلو سرتيرو څخه مخکې روان وو. د اتلانو د بنسټ ډبرې پرستۍ کلتور چې د ناپيليون له خوا رايج شوی، په ايټالیا کې د اتریشيانو پر ضد د ۱۷۶۹ کال درې ورځنۍ جګړې څخه دی.
انځور: Public Domain ژوزفین بوهارنه د ناپيليون میرمن یا د فرانسې ملکه وه. نوموړې له ناپيلیون څخه شپږ کاله مشره وه. که څه هم ناپيليون پر بوهارنه باندې لیونی عاشق شوی وو خو هغې ورڅخه طلاق واخیست. د هغې پخوانی خاوند جنرال الکساندر دي بوارنیه وو. د فرانسې دغه وخت ته د ترور زمانه هم وایي چې د ګیوتن دستګاه په ذریعه اعدامونه په کې کيدل. بوهارنه خپل پخوانی میړه د ګیوتن دستګاه پورې تعقیب کړ، خو په نهایت کې سره جلا شول.
انځور: akg-images/picture alliance ناپيليون تر خپل واده کاله وروسته په ۱۷۹۸ کې د انقلابي حکومت د حکم پر اساس د خپل بدنامه مصري سفر عزم وکړ. په نیل کې د هغه مبارزې بریالۍ شوې. هغه بریالی شو چې مصر د عثمانيه امپراطورۍ څخه خلاص خارج کړي.
انځور: VISIOARS/akg-images/picture-alliance ناپليون باندې د یو ځواکمند شخصیت حساب کېده چې کولای يې شول فرانسه له بدبختۍ څخه وژغوري. هغه په ۱۷۹۹ کال کې هغه د یوې کودتا له لارې واک تر لاسه کړ او د انقلاب اعلان يې وکړ. هغه خپل ځان جمهوري ریاست د لومړي قونسل په توګه انتخاب کړ او د قضا، پوځ او زده کړو په سکتورونو کې اصلاحات پيل کړل.
انځور: imago images د هغه له پاره لومړنی قونسل کافي نه وو. هغه په ۱۸۰۴م کال کې ځان امپراطور اعلان کړ. ناپلیون حتی د پاریس ښار په نامتو کلیسا نوتردام کې په ناببره توګه د پاپ له سره تاج واخیست او په خپل سر يې کيښود.
انځور: Matteo Nardone/Pacific Press/picture alliance د ناپلیون جګړیزو مبارزو د فرانسې خزانې ته پیسې پمپ کړې. هغه تر ۱۸۱۵ کال پورې د اتریش، پروسیا، روسيې، بریتانيا او د هغو د متحدانو پر ضد دوامداره جګړې وکړې. هغه ټوله اروپا په شا کړه. د رومیانو ۹۰۰ کلنې مقدسې امپراطوري هم سقوط وکړ. د ايټاليا د روم او د آلمان د کولن په څير ښارونه فرانسه کې ورګډ شول.
انځور: Thomas Rowlandson/Heritage Art/Heritage Images/picture alliance په ۱۸۱۲ کال کې پر روسیه باندې د ناپلیون یرغل د هغه د ناکامۍ پيل سبب وګرځيد. کله چې د هغه عسکر مسکو ته ورسيدل نو له يو متروکه يا پريښودل شوي ښار سره مخ شول. د هغه قوا ډير ژر په سوړ ژمي کې له منځه ولاړل. ډير لږ شمیر عسکر په دې بریالي شول چې بیرته فرانسې ته ستانه شي.
انځور: Fine Art Images/Heritage Images/picture alliance په مسکو کې د ناپلیون تر ماتې وروسته، تزار روسیې له پروسیا او اتریش سره خپل اتحاد اعلان کړ. چې بیا په لیبزیک کې د ۱۸۱۳ کال د «ملتونو په جګړه» کې سره مخ شول. ناپلیون په دغې جګړه کې خپله ماتې ومنله.
انځور: picture-alliance/akg-images د ناپلیون تر ماتې وروسته، ګټونکو قدرتونو د ويانا کانګریس راوباله تر څو د اروپا پوځي اتحادونو ته بیا سازمان ورکړی او د واک توازن رامنځ ته کړي، خو فرانسويان په ناڅاپي توګه بیا راڅرګند شول او جګړه پيل شوه. هغه لومړۍ جګړه وګټله خو د بلجیم په واترلو کې د انګلیسي جنرال (the Duke of Wellington) ځواکونو له خوا له وځپل شو.
انځور: Olivier Hoslet/dpa/picture alliance بریتانیا تر هغه وروسته ناپیليون د سويلی انتلانتیک په منځ کې د سنت هلن جزیرې ته تبعید کړ. دغه انځور د ۲۰۱۲م کال دی. فرانسوي جنرال تر هغه وروسته بیا ونه توانید چې متحدان بیا حیران کړي. ناپيليون همدغه ځای کې د ۱۸۲۱م کال د می په ۵مه د ۵۱ کلونو په عمر مړ شو. احتمالا هغه د معدې د سرطان له کبله مړ شو.
انځور: Sampers Erik/ABACA/picture alliance
