پاکستان: د شپنۍ روزنې پر مهال مو بالستیک توغندی ازمویلی
۱۳۹۸ شهریور ۷, پنجشنبه
د پاکستان پوځ ویلي چې د شپې پر مهال د روزنې په ترڅ کې له ځمکې څخه د ځمکې پر سر هدف ویشتونکي بالستیک توغندي ازموینه یې تر سره کړې ده. دغه ازموینه په داسې وخت کې کیږي چې د کشمیر پر سر د هند او پاکستان اړیکې ترینګلې دي.
د پاکستان له لوري دغه توغندی په یوه داسې وخت کې ازمویل کیږي چې د هند له لوري د دوی تر ادارې لاندې کشمیر څخه د ځانګړي نیمه خپلواکه حیثیت د اخیستو وروسته د دواړو هیوادونو تر منځ اړیکې سختې ترینګلې دي.
دواړو هیوادونو چې اوس د اتومي قدرت درلودونکي هم دي د کشمیر پر سر درې وارې جګړې هم کړي دي.
پاکستان د هند دغه ګام سخت په غوسه کړی دی او له دغه هیواد سره یې د ترانسپورتي او اقتصادي اړیکو پر پریکون سربیره له خپل هیواد څخه د هند سفیر هم ایستلی دی.
پاکستان د ۱۰۰ او ۱۲۰ تر منځ اتومي وسلو درلودونکې دی. کله چې پاکستان په ۱۹۹۸ کال کې اټوم بم جوړ کړ تر هغه وروسته د پاکستان او هند تر منځ کومه جگړه نه ده رامنځته شوې. مخکې تر دې د هند او پاکستان تر منځ دری جنگونه ترسره شوې دي. که څه هم پاکستان وایې چې د دوی اټومي وسلې د دفاعي مقاصدو له پاره دي، خو څارونکي ویره لري که د دغو دواړو هیوادونو تر منځ جگړه رامنځته شي، نو کیدای شي پر یوې اټومي جگړې واوړي.
انځور: picture-alliance/AP
هندوستان
په ۱۹۷۴ کال کې د لومړي ځل او په ۱۹۹۸ کال کې د دویم ځل له پاره د اټومي وسلو ازمیښت ترسره کونکی هیواد هندوستان له ۹۰ څخه تر ۱۱۰ پورې اوټوم بمونه لري. له چین او پاکستان سره د سرحدي پولو پر سر د شخړې سربیره هندوستان ژمنه کړی چې دغه هیواد به د اتوم بم د کارونې په برخه کې هیڅ کله هم لومړيتوب ونه کړي.
انځور: Reuters
اسرائیل
له ۱۹۴۸ څخه تر۱۹۷۳ کاله پورې له عربي هیوادونو سره دری واره جنگیدلې هیواد اسرائيل ۸۰ اټومي وسلې لري. د اسرائیلو د اټومي پروگرامو په برخه کې ډیر لږ معلومات موجود دي.
انځور: Reuters/B. Ratner
شمالي کوریا
د اټکلونو له مخې شمالي کوریا لږ ترلږه ۶ اټومي بمونه لري. که څه هم شمالي کوریا له جنوبي کوریا سره شخړه لري، خو د دغه هیواد اټومي پروگرامونو لویدیځ هیوادونه هم اندیښمن کړي دي. د ملگرو ملتونو له خوا د لگول شوو بندیزونو سربیره هم دغه کمونستي هیواد په ۲۰۰۶ کال کې د اټومي وسلو ازمیښت ترسره کړ.
