پاکستان د سه شنبې په ورځ په رسمي توگه ویلي دي چې د ناټو اکمالاتو ته ئې د هوایي لارې د انتقالولو اجازه ورکړې. چې دغه اکمالات به د پاکستان د هوایي قلمرو څخه افغانستان ته انتقال شي. شاو خوا دوه میاشتې کیږي چې پاکستان د ناټو پر اکمالاتي کتارونو بندیز لگولی دئ. د پاکستان د دفاع وزارت چارواکو د دفاع وزیر له قوله ویلي دي چې دغه اجازه د خوراکي توکو د انتقال له پاره ورکړل شوې ده. یوه اونۍ وړاندې په اسلام آباد کې د متحده ایالاتو سفیر کیمرون مونټر ویلي وو چې د هوا له لارې به ناټو ځواکونو ته اکمالات ادامه ولري.