پاکستان غواړي مظاهره کوونکي پوځي محکمو ته حاضر کړي
۱۴۰۲ اردیبهشت ۲۷, چهارشنبه
په پاکستان کي د پخواني لومړي وزير خان تر مؤقتي بندیگرت وروسته باید اوس په زرنو مظاهره کوونکي د پوځي محکمو مخي ته حاضر کړای سي. حکومت او پوځ د سه شنبه په ماښام ناوخته اعلان وکړ چي په دې هکله به شاته تگ و نه کړي.
انځور: Khurram Amin/AA/picture alliance
اعلان
د جنوبي آسیا په هیواد پاکستان کي تیره اونۍ پس له هغه لاریونونه رامنځته سول چي د اپوزیسیون مشر په اسلام اباد کي له محکمې څخه وایستل سو. مظاهره کوونکو پر ډېرو پوځي ودانيو بريدونه وکړل. د پولیسو په حواله څه د پاسه ۴۰۰۰ انسانان ونیول سول. زیاتره یې اوس هم په زندانونو کي دي.عمران خان په دې ترڅ کي بیرته خوشي سوی دی.
د بشري حقونو سازمانونو پر دغه ډول اعلان باندي انتقادونه کړي دي. د بخښني نړیوال سازمان څرگنده کړې ده: «پوځي محکمو ته د ملکي کسانو حاضرول له نړیوالو قوانینو سره مطابقت نه لري.» دا د اپوزیسیون پر وړاندي «د بیري یو خاص تاکتیک» دی.
د پاکستان د بشري حقونو سازمان کمېسیون، د سیاستوال عمران خان د گوند د غړو د پرخپلسر نیول کیدو خبره کړې ده. همدارنگه د تیرکال تر اپریل مياشتي پوري د خان د تقریباً څلورکلني دورې پر وخت هم ملکي کسانو باید پوځي محکمو ته جواب ویلی وای.
نوموړی پخوانی لومړی وزير د سترې محکمې د امر پر اساس اوس بیرته له بنده آزاد سوی دی. د کريکټ د دغه پخواني ستوري بیرته نیول کیدل هم له امکانه لیري نه بریښي.
له هغه وروسته چي عمران خان د نه باور رایو له امله گوښه سو، قضايي ادارې په تکرار سره پر هغه باندي تورونه لگولي دي. څارونکي د دې کار لامل سیاسي دلایل بولي.
عمران خان پخپله په وار وار سره پر واکمن پوځ تور لگولی دی چي د ده پرضد په دسیسه کي لاس لري. نوموړی ۷۰ کلن بیا هم د سیاسي راستنیدو په تمه دی.
GP/NZ/AG
پاکستان څه ډول توغندي لري؟
د پاکستان د اتومي انرژۍ کمېسيون، کهوټا تحقيقاتي ادارې، سپارکو او د دفاعي علومو او تکنالوژۍ سازمان په ګډه د توغنديو پر تخنيک څېړنې پېل کړې وې. په دې ګالرۍ کې د پاکستاني توغنديو په اړه جزيات ترلاسه کولی شئ:
انځور: ISPR
پاکستاني توغندي او واټن یې
د پاکستان د بالستيک ميزايل پروګرام له نزدې واټن څخه نيولې تر منځني واټن ويشتلو پوري وړتيا لرونکي ميزايل لري.
حتف يو میزايل
حتف ون يا حتف يو د لنډ واټن لومړی بالستېک میزايل وو چې پاکستان جوړ کړی وو او په لومړي سر کې یې له ۷۰ تر ۱۰۰ کلوميترو پورې واټن وهلای شوای. دا ميزايل د سپارکو شرکت د نورو په مرسته په ۱۹۸۹م کال کې جوړ کړی وو. دا په ۱۹۹۲م کال کې د پاکستان پوځ ته وسپارل شو.
انځور: ISPR
حتف اته، رعد کروز توغندی
حتف اته يا رعد دوه توربو جېټ پاور کروز ميزايل دی. پاکستان د ۲۰۰۷م کال په اګست کې د دې آزموينه پيل کړې وه. د رپوټونو په حواله تر يو شمير تجربو وروسته د ۲۰۱۶م کال په جنورۍ کې ترسره شوې تجربه یې تر اوسه تر ټولو بريالۍ وه. دا ميزايل تر ۳۵۰ کيلومترو پوري واټن وهي.
