د آلمان خبري آژانس (dpa) په حواله، دغه پاکستاني سرتيري هغه مهال ووژل شول چې وسله والو د ناکراره ایالت بلوچستان د زرغون مارګيت په سيمه کې پر یوه نوې جوړه شوې امنيتي پوسته بريد وکړ.
د پاکستان د پوځ مطبوعاتي څانګې (ISPR) په یوه اعلاميه کې ويلي دي چې د تروریستانو ېوې ډلې پر يوه امنيتي پوسته چې «په سیمه کې د ډبرو سکرو له کانونو څخه د شوکو اخیستو د مخنيوي او تفتیش په موخه» جوړه شوې وه، حمله کړې ده.
ورته نور ولولئ: د پاکستان پوځ: د بلوڅ اورپکو مشر مو نيولی دی
په اعلاميه کې زیاته شوې چې د دواړو لورو ترمنځ د رامنځ ته شوې سختې نښتې په جریان کې د تروریستانو یو غړی هم وژل شوی دی.
تر دغې حملې یوه ورځ مخکې په بلوچستان کې د پاکستان د تر ټولو ستر اسلامي سیاسي ګوند پر یوې مظاهرې یو ځانمرګي برید هم شوی وو.
بلوچستان چې د پاکستان تر ټولو لوی ایالت دی او له افغانستان او ایران سره هم ګډې پولې لري، ډېری وخت د خونړیو حملو شاهد وي. دغه حملې چې تر ډېره په کې امنيتي ځواکونه په نخښه کيږي، د اسلامپاله افراطي او وسله والو ډلو او همدارنګه د بلوچ بيلتون غوښتونکو له خوا ترسره کيږي.
ورته نور ولولئ: په بلوچستان کې ۹ پاکستاني عسکر وژل شوي دي
په بریدونو کې ډیری ېې د چين له لوېې اقتصادي پروژې سره تړاو لري کوم چې د چين سين کیانګ ایالت د اورګاډۍ پټلۍ او سړکونو له طريقه له عربي سمندر سره نښلوي.
پاکستان په عین حال کې د روانې ميلادي میاشتې په پيل کې د پخواني صدراعظم، عمران خان، له نيول کېدو راهیسې له سیاسي ګډوډيو سره هم مخ دی. د عمران خان د نېولو په غبرګون کې د هغه پلویانو د پاکستان په مختلفو ښارونو کې د تاوتريخوالو ډګې مظاهرې وکړې. حکومت بیا د تاوتريخجنو مظاهرو او پر پوځي تاسیساتو د یورش وروړلو په غبرګون کې د خان ګوند پورې اړوند په سلونو کسان نيولي دي. خان چې په ضمانت آزاد شوی، روانه اوونۍ ېې دويچه ويله سره په یوه مرکه کې وويل چې کېدای شي بیا ونیول شي.
ورته نور ولولئ: پاکستاني طالبان خپل فعالیتونه نوو سیمو ته غځوي
(dpa)mks/mns
دلته زموږ له آرشیف څخه د پاکستان اړوند یو انځوریز البوم هم کتلی شئ:
په بلوچستان کې هزاره لږکۍ: ویره، حوصله او پر ځان باور
هغه هزاره ګان چې د پاکستان په بلوچستان ایالت کې ژوند کوي، د ترهګرو د بریدونو له ویرې مجبوره دي ځانونه د لوړو دیوالونو تر شا پټ کړي. خو سربیره پر دې د دې اقلیت پورې اړوندې ټولنې خپل دود دستور او کلتور ساتلی دی. انځور: Reuters/A. Soomro د هزاره لږکۍ سوداګر د کویټې ښار د مرکزي مارکیټ پر لور روان دي. د دوی د استوګنې د سیمي چارچاپيره یو لوی دیوال درول شوی، څو دوی د ترهګرو له بریدونو وژغوري. مارکیټ ته د تګ راتګ پر مهال دوی د پاکستاني پوځیانو له خوا بدرقه کیږي.
انځور: Getty Images/AFP/B. Khan هزاره ګان د نسل له پلوه د افغانستان یوه قومي ډله ده، خو نږدې یو میلیونه هزاګان په پاکستان کې میشت دي او دغه هیواد خپل ټاټوبی بولي. په لسګونو هزاګان د پاکستان په پوځ کې دنده ترسره کوي او د دوی د استوګنې په مختلفو سیمو کې د پاکستان بیرغ تر سترګو کیږي. دوی زیاتره د کویټې په هزاره او مري آباد ټاون کې میشت دي.
انځور: Reuters/A. Soomro نويد علي پر خپلې سیني لیکلي دي«پر خپل طاقت باور ولره». د دې یو هدف د بهرنیو بریدونو پر وړاندې مقاومت کول هم دی. ۲۳ کلن نويد په هزاره ټاون کې د« بدن ښکلاء» ورزش کوي.
انځور: Reuters/A. Soomro په سوله ایزه توګه له ځان څخه دفاع هرکله چې هزاره ګان د خپلو حقونو او حفاظت له پاره احتجاج کوي په پر امنه طریقه یي کوي. «هزاره دیموکراتیک ګوند» په سوله ایزه توګه د احتجاج پر سیاست باور لري. دوی په ایالتي پارلمان کې دوه چوکۍ لري. د کونفو ورزش استاد مبارک علي په خبره له امن سره به د هزاګانو په محبت کې کمبود رامنځته نه شي.
انځور: Reuters/A. Soomro ۳۰ کلن وکیل او د بشري حقونو کارکونکی سردار سهیل له خپلې مور سره د سحر چای یا ناشتې پر مهال وایي:«مونږ د څو کلونو راهیسې د محاصرې په وضعیت کې ژوند کوو. زمونږ د حفاظت له پاره شاوخوا امنیتي پوستې جوړې شوي دي چې له امله یي مونږ له نورو سیمو څخه جلا شوي یو.»
انځور: Reuters/A. Soomro هزاره نسل د مغولستان سیمې پورې تعلق لري نو له همدې امله دوی له لیري ځایه له څیرو څخه پيژندل کیږي چې ترهګر له دې ځانګړتیا ګټه پورته کوي. سردار سهیل له کوره د وتلو پر مهال همیشه خپله توفنچه له ځان سره وړي. سردار سهیل وایي چې د دې ایمان ورته قوت وربخښي او له کوره د وتلو پر مهال تل د خپلې مور لاسونه ښکولوي.
انځور: Reuters/A. Soomro په کویټه کې میشت هزاره ګان خپل تاریخ، موسیقۍ او کلتور ته ډیر ارزښت ورکوي. د بلوچستان وزیر اعلی جام کمال خان د جون میاشتې په پای کې د همداسې یوې کلتوري میلې پرانیسته وکړه. کمال خان او د دغو مراسمو نورو ګډون کونکو د هزاره ګانو دودیزې خولې په سر کړې وې.
انځور: Reuters/A. Soomro دودونه نوي نسل ته سپارل کیږي په دې دودیزه میله کې یوه کوچنۍ نجلۍ لیدل کیږي چې خامک دوزي کوي. په داسې حال کې چې له دودیزو جامو سره دا پخپله هم د هنر یوه نمونه ښکاري.
انځور: Reuters/A. Soomro د محمد آصف له نظره تعلیم تر ټولو مهم دی. هغه په مري آباد کې یو ښوونځي جوړ کړی دی. ماشومان د سحر د دعاء له پاره راټول شوي دي. د محمد آصف په حواله هغه د تنکیو ځوانانو له پاره په ټولنه کې د ښه فرصتونو د پيدا کولو په لټه کې دی.
انځور: Reuters/A. Soomro د ماري آباد په سیمه کې د دې ماشومې راتلونکی یوازې او یوازې پر دوی د ترسره کیدونکو بریدونو په بندیدلو پورې منحصره ده. د هزازه لږکۍ آزادي او حفاظت د دوی د روښانه مستقبل ضمانت کولی شي.
انځور: Reuters/A. Soomro
