د پاکستان په بهاولپور کې په لویه لار باندې د تیلو د یوه ټانکر د چپه کیدو او اور اخیستنې له امله له سلو ډیر کسان وژل شوي. دغه کسان په داسې حال کې وژل شوي چې له چپه شوي ټانکر څخه یې تیل ایستل او تیلو اور اخیستی.
اعلان
ځايي رسنیو د یکشنبې په ورځ رپوټ ورکړی چې د یکشنبې په ورځ د پاکستان په بهاولپور کې په یوه لویه لار د تیلو د ټانکر د چپه کیدو او اور اخیستنې په پیښه کې له سلو ډیر کسان وژل شوي او له ۷۵ ډیر کسان بیا سخت ټپي شوي دي.
په عین حال کې د ژغورنې د ځايي ډلې یو چارواکی، رضوان نصیر بیا وايي چې ځینې مړي ان د پیژندلو نه دي. په سیمه کې د ژغورنې عملیات ادامه لري او د اور وژنې ډلې وکولای شول چې اور مړ کړي.
په پاکستان کې د خرابو سړکونو او د موټر چلوونکو د بې پامۍ له امله وخت نا وخت ترافیکي حادثې پیښیږي. په ۲۰۱۵م کال کې لږ تر لږه ۶۲ کسان د پاکستان په جنوب کې هغه وخت ووژل شول چې د سپرلیو یو بس د تیلو له یو ټانکر سره ټکر وکړ.
پر ورته موضوع یو انځوريز البوم زموږ له آرشيف څخه (14.04.2015):
له آسماني ډبرو څخه د مځکي د دفاع ازمويني
د فضايي چارو کارپوهان تل د داسي آسماني اجسامو په لټه کي وي چي و مځکي ته د رانژدې کېدو يا حتی ورسره د ټکر امکان يې موجود وي. د ناسا او ايسا ادارې غواړي چي په او کالو کي په دې ترڅ کي ازمويني وکړي.
انځور: ESA–Science Office
غبرګولي ډبري د توجه مرکز
د ايسا اداره غواړي چي په ۲۰۲۰م کال و ديدوموس نومي آسماني ډبري ته يوه سپوږمکۍ ولېږي. دغه ډبره ۸۰۰ متره قطر لري او يوه بله کوچنۍ ډبره هم ورسره ملگرې ده. دغه آسماني ډبري يوه کوچنۍ سپوږمکۍ بدرگه کوي.
انځور: ESA–Science Office
پر آسماني ډبري ناسته
دغه سپوږمکۍ چي ورته د AIM نوم ورکړل سوی دی چي ديدوموس و مدار ته به ورداخله سي او د يادي ډبري پر سطحه به يو روبوت کښته کړي. دغه روبوت به بيا مځکي ته معلومات راليږي.
انځور: ESA–Science Office
په نخښه کول او...
په ۲۰۲۲م کال به د غبرګولي ډبري دغه جوړه له مځکي څخه په تقريباً ۱۱ ميليونه کلومترۍ کي تېره سي چي په نسبي توګه ډېر ليري واټن نه دی. په دغه وخت کي به ناسا هغه کوچنی ډبره په نخښه کړي...
انځور: ESA–Science Office
کړاپ....
په دغه وخت کي به و کوچنۍ ډبري ته يو ګوذار ورکول سي او په دې توګه به د هغې په مدار کي تغير راسي. پر دغه جوړه ډبرو ګردش کوونکې سپوږمکۍ به ډېر دقيق انځورونه بيا مځکي ته راولېږدوي. له دې څخه به څرګنده سي چي که يوه آسماني دبره د مځکي پر طرف راروان وي، نو ايا د هغه استقامت ته داسي تغير ورکول کېدلای سي چي د مځکي له پاره ګواښ له منځه ولاړ سي که څرنګه.
انځور: ESA–Science Office
ډېره لويه ډبره
په آسمان کي ګڼ شمېر ډبري د حرکت په حال کي دي. په دوی کي بعضي داسي هم سته چي قطر يې څو کلومتره لوی وي. خو تر اوسه ساينسپوهانو داسي آسماني ډبره نه ده موندلې چي په راتلونکو ۱۰۰ کالو کي دي له مځکي سره ټکر وکړي.
انځور: picture-alliance/ dpa
ميترويت بې خطره نه دي
هغه لويه ډبره چي له آسمان څخه د مځکي پر لور راسي او پر مځکه راولويږي، ميترويت ورته ويل کيږي. که دغه ډبره لو وي ډېر زيات خطرونه رامنځ ته کولای سي.
انځور: cc-by/LarryBloom
ډېر نژدې
د ۲۰۱۳م کال په فبرورۍ مياشت کي ۱۳۰ زره ټنه آسماني ډبره چي 2012DA14 نومېده، و مځکي ته ډېره نژدې تيره سوه. هغې له مځکي څخه ۲۷۰۰۰ کلومتره فاصله لرله او په دې توګه تر ځينو سپوږمکيو لا و مځکي ته نژدې وه.
انځور: NASA/Science dpa
ډېر لوی ميترويت
نژدې ۶۵ ميليونه کاله دمخه د يوکاتان پر ټاپو يو ميتوريت ولګېد چي پر مځکه يې د ۳۰۰ کلومتره ډب جوړ کړ او ديناساوريا يې له مځکي ورک کړل.
انځور: NASA/Don Davis
توري ډبري
ميترويت د جوړښت له مخي د مځکي و ډبرو ته ډېر ورته يي، خو له دباندي خوا داسي معلوميږي لکه سوځلي چي وي. دغه سطحه هغه وخت رامنځ ته کيږي چي د مځکي و فضا ته د راننوتلو پر وخت دغه ډبره ډېره زياته ګرمه او باندنۍ سطحه يې ويلي سي.