د سويډن څارنوالانو د جمعې په ورځ (د ۲۰۱۷ کال د مارچ ۳۱مه نېټه) خبر ورکړ چې پر يوې سويډنۍ ښځې د جنسي تيري بشپړ فلم چې د مخه په فیسبوک کې خپور شوی وو تر لاسه کړی دی. دغه پیښه د روان ميلادي کال په لمړيو کې رامنځ ته شوې وه.
د سويډن څارنوال، منګوس برګرن په دې اړه وویل: « جزئیاتو په باب د څه ويلو پرته، لږ ترلږه دومره کولای شم ووايم چې دغه فلم کولای شي د دوسيه اسناد او شواهد ځواکمن کړي».
دوه افغان اتباع چې ۱۸ او ۲۱ کلونه عمرونه لري، تورن دي چې پر دغې ښځې يې جنسي تيری کړی دی. څارنوالانو د استهکلم په شمال کې د «اوپسالا» ښار محکمې ته وويل، که چيرې دغه کسان په خپل جرم محکوم شول افغانستان ته به اخراج او تر ۱۵ کلونو پورې به د سويډن خاورې د راتلو اجازه ونلري.
يو ۲۴ کلن سويډنۍ سړی هم په جنسي تيري کې د لاس لرو، د جنسي تيري پر وخت د فلم اخيستلو او ښځې ته د سپکو الفاظو د کارولو په تور نيول شوی دی.
پولیسو دغه درې تنه د جنورۍ مياشتې په ۲۲مه نيټه هغه مهال ونيول چې کله د جنسي تيري له قضيې او د فيسبوک په يوه خصوصي ګروپ کې یې د هغې د ويډيو د خپريدو په اړه مالومات ترلاسه کړل.
محکمې امر کړی دی چې د قضيې چارې دې د بندو دروازو تر شا ترسره شي.
د دغې پيښې انځورونه او د اتو تنو شاهدانو څرګندونې چې « ټوله يا يوه برخه د پيښې يې ليدلې» د دغې دوسيې د موثقو شواهدو څخه دي.
د سويډن څارنوال وويل د دغې قضيې قرباني ښځه چې ديرش کاله عمر لري، د جنسي تيری پر وخت د مخدره موادو او الکولو د اغيز له امله په ډیر بد روغتيايي حالت کې قرار لري.
پر ورته موضوع یو انځوريز البوم زموږ له آرشيف څخه (26.02.2017):
تر ټولو زيات قتلونه د نړۍ په کومو ښارونو کي؟
د نړۍ بعضي داسي ښارونه سته چي پکښي بېله جګړې قتل او وژنه ورځني جرمونه دي. هر کال د نفوس د هرو ۱۰۰ زرو کسانو پر سر په کوم ښار کي تر ټولو زيات قتلونه کيږي؟ په دغه انځوريز البوم کي يې وګورئ:
انځور: picture-alliance/dpa/CHROMORANGE/M. Memminger۱۶ مقام ـ بالتيمور، د امريکا متحده ايالات ـ ۵۵ قتلونه
د دغه انځوريز راپور معلومات «د عامه امنيت له پاره د مکسيکو ولسي کونسل» د ۲۰۱۴ کال له راپور څخه او له بريتانوۍ ورځپاڼي اندپندنت له وېبپاڼي څخه د ۲۰۱۷ کال د فبرورۍ په ۲۶مه نېټه اخيستل سوي دي. له صفر اعشاريه ۵ څخه جګې شمېرې ۱ او کمې صفر ته اړول سوي. [ترتيب کوونکی: احمدولي اڅکزی]
۱۵ مقام ـ کولياکان، مکسيکو او ماکيو، برازيل ـ ۵۶ قتلونه
۱۴ مقام ـ خوآ پېسوآ، برازيل ـ ۵۸ قتلونه
۱۳ مقام ـ سانت لويس، د امريکا متحده ايالات ـ ۵۹ قتلونه
۱۲ مقام ـ سالوادور، فوتالېسا او ناتال، برازيل ـ ۶۱ قتلونه
۱۱ مقام ـ سيوداد ګيانا، وينيزويلا ـ ۶۲ قتلونه
۱۰ مقام ـ کالي، کولمبيا ـ ۶۴ قتلونه
۹ مقام ـ کېپ ټاون، سويلي افريقا ـ ۶۶ قتلونه
۸ مقام ـ پالميرا، کولمبيا ـ ۸۱ قتلونه
۷ مقام ـ والېنسيا، وينيزويلا ـ ۸۲ قتلونه
۶ مقام ـ ديستريتو څېنترال، هوندوراس ـ ۸۴ قتلونه
۵ مقام ـ ماتورين، وينيزويلا ـ ۸۶ قتلونه
۴ مقام ـ اکاپولکو، مکسيکو ـ ۱۰۵ قتلونه
۳ مقام ـ سان سالوادور، اېل سالوادور ـ ۱۰۹ قتلونه
۲ مقام ـ سان پېدرو سولا، هوندوراس ـ ۱۱۱ قتلونه
۱ مقام ـ کاراکاس، وينيزويلا ـ ۱۲۰ قتلونه
د دغه انځوريز راپور معلومات «د عامه امنيت له پاره د مکسيکو ولسي کونسل» د ۲۰۱۴ کال له راپور څخه او له بريتانوۍ ورځپاڼي اندپندنت له وېبپاڼي څخه د ۲۰۱۷ کال د فبرورۍ په ۲۶مه نېټه اخيستل سوي دي. له صفر اعشاريه ۵ څخه جګې شمېرې ۱ او کمې صفر ته اړول سوي. [ترتيب کوونکی: احمدولي اڅکزی]
