اسرائیل پر حزبالله تور لګوي چې د اوربند له موافقې یې ګڼې سرغړونې کړې دي. د رسمي شمېرو له مخې، د مارچ میاشتې له پیل راهیسې په لبنان کې له ۴۰۰۰ څخه زیات کسان وژل شوي او تر ۱۲ زرو ډېر نور ټپیان شوي دي.
دوبۍ هوايي ډګر د نړیوالو الوتنو لپاره د سیمې تر ټولو بوخت مرکز دی. خو د جګړې له امله ډېر ځله الوتکې پر ځمکه پاته کېدو ته اړې دي. د خلیج نور هوايي ډګرونه هم یا جزوي تړل شوي یا په محدود ظرفیت کار کوي، ځکه د ایران د ډرون او توغندیو بریدونه ادامه لري.
انځور: AFP/Getty Images
تش ساحلونه
مرغان د دوبۍ د نوي لوکس هوټل «جمیرا مرسا العرب» مخې ته لوبې کوي او ساحل یوازې د هغوی په واک کې دی. د نړیوال ګرځندوی شورا اټکل کوي چې د سفرونو د کمېدو له امله د خلیج سیمه هره ورځ لږ تر لږه ۶۰۰ میلیونه ډالر له لاسه ورکوي. ګرځندویي د متحده عربي اماراتو د اقتصاد مهمه ستنه ده او په ۲۰۲۵ کال کې یې شاوخوا ۱۲ سلنه ناخالص کورنی تولید جوړاوه.
انځور: Fatima Shbair/AP Photo/picture alliance
زیانمن شوی اعتبار
دا وضعیت د هوټلونو، رستورانتونو او دوکانونو لپاره هم يوه سخت ضربه ده. لکه د «السیف» بازار دغه کارکوونکی، چې عموماً د دوبۍ له مهمو سیاحتي سیمو څخه دی. له ایران سره جګړه نه یوازې مالي زیانونه رامنځته کوي، بلکې د سیمې اعتبار هم سخت زیانمنوي.
انځور: Fatima Shbair/AP/dpa/picture alliance
نور خوندي ځای نشته
د کلونو لپاره، د خلیج سیمه، په ځانګړي ډول دوبۍ، ځان د پانګه والو، سوداګرو او نړیوالو شتمنو لپاره د خوندي ځای په توګه معرفي کړی و او د تېلو وروسته راتلونکي ته یې تیاری نیوه. یوازې په ۲۰۲۵ کال کې شاوخوا ۹۸۰۰ میلیونران متحده عربي اماراتو ته کډه شوي چې د نړۍ له هر بل هېواد څخه ډېر دي.
انځور: Fatima Shbair/AP Photo/picture alliance
تش ښار
دوبۍ د نړۍ له شتمنو ښارونو څخه ده: د مالیې پراخ معافیتونه، ساده بيوروکراسي او د «طلایي ویزې» پروګرام دا ښار د شتمنو بهرنیانو او شرکتونو لپاره جذاب کړی دی. خو اوس د «جمیرا بیچ ریزیدنسي» کوڅې، چې د فارس خلیج پر غاړه د استوګنې او هوټلونو لوی کمپلکس دی، تشې پرتې دي.
خو ځینې بیا باور لري چې هر څه له لاسه نه دي وتلي. د آلمان د ګرځندوی مطالعاتو ټولنې مشر یورګن شموده عامه ټلویزیون زېډ ډي اف ته وویل: «سیلانیان لنډه حافظه لري.» هغه زیاته کړه که جګړه ډېره اوږده نه شي، نو دغه هدف هېواد به له جدي زیان سره مخ نه شي.