د فرانسې د کورنيو چارو وزارت تر اوسه پورې د دغو پېښو په هکله څه نه دي ويلي. په خبره يې د قانون له مخې منع ده چې له انتخاباتو مخکې داسې څرګندونې وشي چې ښايي د انتخاباتو پر پايله باندې تاثيرات ولري.
د قناعت ورکوونکو ويناو د لارې ژن لوک مېلنشون، په دغو انتخاباتي منډو تړرو کې د خلکو زړونه وګټل. هغه په خپلو خبرو کې د داسې يوې ټولنې تصور وړاندې کوي چې جګړه، استثمار او د وسلو تجارت پکې نه وي. که اروپا د ده په خبره دغه خيال ته چمتو نه وي، نو دی غواړي چې فرانسه دې له اروپايي ټولنې ووځي يعنې «فرېکسيټ» وکړي.
انځور: Reuters/R. Duvignau
بې چانسه کانديد
بېنوا هامون غوښتل چې له حاکم ولسمشر او خپل ګوندي ملګري، فرانسوا اولاند، څخه فاصله ونيسي. خو د کيڼ اړخو دريځونو له کبله د ده محبوبيت اوس په نظر پوښتنو کې خورا ټيټ شوی دی.
انځور: picture alliance/dpa/K. Zihnioglu
د ګوليستانو مخکښ
نيکولا دوپون اينان له ښي اړخه پر څلورو مخکښو کانديدانو لفظي بريدونه کوي. د شارل دې ګول په دود دی يوه خپلواکه فرانسه غواړي. دا په يوويشتمه پېړۍ کې دا معنی لري چې له اروپا سره لږ پيوستون، خپلواک بهرنی سياست او د اقتصادي چارو زيات کنترول.
انځور: Getty Images/AFP/S. Samson
تلپاته کانديد
ژاک چېميناد په دريم ځل د فرانسې ولسمشرۍ ته کانديديږي. چېميناد غواړي چې فرانسه دې له نړيوال مالي سيستم څخه بېلتون ايجاد کړي، له اروپايي ټولنې ووځي او د يورو پولي واحد هم له لاسه ورکړي.
انځور: Reuters/L. Bonaventure
د سړې سينې خاوند
په تلويزيوني مناظرو او مناقشو کې ژن لاسال خپل اصل نه پټوي. د فرانسې د جنوب لويديځ په لهجې هغه د دغه هېواد د اطرافيانو ننګه کوي. د هغه اصلي غوښتنه دا ده چې زراعت ته دې زياتې پيسې بېلې شي. پرته له دې دغه خپلواک کانديد له منځلاري سياست څخه استازيتوب کوي.
انځور: Getty Images/AFP/B. Horvat
ملت پال ناسيوناليست
فرانسوا اسېلينو، نه ځان ښي اړخی او نه ځان کيڼ اړخی ګڼي. خو د ملت پالنې په برخه کې هغه له مارين لې پېن څخه حتی مخکې کيږي. نوموړی ۵۹ غواړي چې هېواد يې له اروپايي ټولنې، ناټو او د يورو له پولي واحد سره مخه ښه وکړي.
