د کانګريس ګوند په ۲۰۱۲ کال کې ريکها او ساچين تندولکر راجيا سبها ته ولېږل. پر دواړو دغو ايکټرانو سخت انتقادونه وسول ځکه چي د شورا په ناستو کي يې برخه نه اخيستله. ريکها هيڅکله په دغه شورا کي نه کومه پوښتنه مطرح کړه او نه يې په کوم بحث کي ګډون وکړ.
انځور: GettyImages/AFP/P. Paranjpe
راج ببر
د هندي او پنجابي فلمونو مشهور ايکټر راج ببر د سماج وادي ګوند او بيا د کانګريس ګوند له پاره سياست وکړ. نوموړی درې ځله د لوک سبها (ولسي جرګه) په ټاکنو کي او دوه ځله د راجيا سبها (سنا) له پاره په ټاکنو کي چوکۍ وګټلې.
انځور: picture-alliance/dpa/F. Khan
جيا بچن
جيا بچن په ۲۰۰۴ کال د سماج وادي ګوند په ټکټ د لومړي ځل له پاره په ټاکنو کي وټاکل سوه. جيا بچن څلور ځله وټاکل سوه او په دې توګه يې سياسي موده تر خپل مېړه امېتاب بچن ډېره اوږده وه. جيا و سياست ته د امېتاب بچن د راتگ پرېکړه احساساتي بولي.
انځور: Prabhakar Mani Tewari
جيا پرادا
جيا پرادا چي د هندي فلمونو تر څنګ يې د هند د نورو ژبو په فلمونو کي هم کار کړی، د ۲۰۰۴ کال څخه تر ۲۰۱۴ کال پوري د اترپردېش له رامپور څخه استازې پاته سوې ده.
انځور: UNI
شبانه اعظمي
شبانه اعظمي نه يوازي فلمونه جوړ کړي بلکه په تلويزيون او تياتر کي يې هم زياتي برياولي لرلي دي. دغه ايکټره چي د ملګرو ملتونو د امن استازې هم ده، د ۱۹۹۷ او ۲۰۰۳ کال تر منځ د هند د سنا غړي پاته سوې ده.
انځور: dapd
ميتن چکروتي
ميتن چکروتي چي اصلي نوم يې ګورنګ چکرابورتي دی د هندي فلمونو يو له مشهورو ايکټرانو څخه دی. هغه نه يوازي سندري ويلي، ټولنيز خدمات يې تر سره کړي بلکه پخپله يې هم فلمونه پروډيوس کړي دي. نوموړی له ۲۰۱۴ کال څخه د سنا غړی ؤ خو په ۲۰۱۶ کال يې له دغې دندې استعفی وکړه.
انځور: STR/AFP/Getty Images
ګوويندا
ګوويندا په ۸۰يمه لسيزه کي د خپل هنري ژوند پېل وکړ او په بيلو کردارونو کي يې ځان ته نوم وګاټه. سياست ته د هغه راتګ زيات خلک حيران کړل. نومړي په ۲۰۰۴ کال کې د کانګريس ګوند په ټکټ د ممبی په شمال څخه د پارلمان چوکۍ وګټله. د هغه وروسته نوموړي ته د ټاکنو له پاره ټکټ نه ورکول سو او هغه له سياست څخه ووت.
انځور: DW
سمريتي ايراني
سمريتي ايراني د مادلې، تلويزيون د ايکټري او د تيلګو او بنګالي فلمونو د ايکټري په توګه کار کړی دی. هغې د بي جي پي ګوند غړيتوب واخيست او د ګجرات ايالت له خوا د هند د سنا غړې سوه.
انځور: Imago
پاريش روال
د بي جي پي ګوند غړي او ايکټر پاريش روال په تيرو وختونو کي د اله آباد ختيځ په سيمه کي ځان په يو سياسي مشر بدل کړی دی. دغه ايکټر چي په زياته د خپلو کاميدي تمثيلونو له پاره ډېر مشهور دی، په تياتر کي يې هم زيات کار کړی دی.