په جرمني کې یوې محکمې موندلې ده چې د ایران دولتي سازمانونه د دې دسیسې تر شا ول. د جرمني د بهرنیو چارو وزارت د سه شنبې په ورځ له هغه وروسته د ایران سفارت شارژدافیر احضار کړ چې محکمې ته د دې معلومات ورکړل شول چې د ایران دولتي ادارې تیر کال پر یوه کنیسه باندې د اور اچوونکو موادو په مرسته د حملې په طرحه کې لاس درلود.
د جرمني د بهرنیو چارو وزارت په ایکس یا ټویټر پاڼه لیکلي: «موږ په جرمني کې له بهره کنټرول کېدونکی هېڅ ډول تاوتریخوالی نه زغمو.»
هغه مهال تورن «بابک ج» غوښتل چې په بوخم ښار کې پر یوه کنیسه برید وکړي، خو یوه ښوونځي ته یې اور اچوونکي مواد وغورځول. د دغه ښوونځي ودانۍ زیانمنه شوې وه خو چاته ځاني ریان نه وه اوښتی.
محکمې څه ویلي؟
دغې محکمې ویلي دي چې تورن کس په دې خاطر پر ښوونځي برید کړی وو، چې د عبادت ځای امنیت ډېر ښه نیول شوی وو.
محکمې په دې قضیه کې د حکم د صادرولو پر مهال ویلي دي چې «دا برید د ایران د دولتي آژانسونو» په مرسته طراحي شوی وو.
محکمه دا شک هم لري چې تیر کال په ایسن ښار کې د خاخام د کور د سوځولو او ډزو قضیه هم په بوخم ښار کې د پلان شوي برید سره تړاو لري.
هامبورګ کې د ځانمرګي برید د پلانولو په تور دوه سوريايي وړونه نيول شوي
د جرمني د بهرنیو چارو وزارت ویلي دي چې دوی به دغه حکم په دقت سره بررسي کړي، څو ومومي چې "د اروپايي اتحادیې په کچه راتلونکي ګامونه" څه کیدای شي.
انځوریز رپوټ: ایران د جنګي الوتکو له پاره د ځمکې لاندې اډه جوړه کړې
له سنګر ماتونکو احتمالي بریدونو څخه د ژغورنې په موخه دغه هوایي اډه د ځمکې په عمق کې جوړه شوې ده. دلته ولاړې جنګي الوتکې پر اوږد واټن ویشتونکو کروز توغندیو سمبالې دي. د دې هوایي اډې نوم «عقاب ۴۴» ایښودل شوی دی.
انځور: Iranian Army/WANA/REUTERS ایران د ۲۰۲۳م کال د فیبرورۍ په ۷ نیټه د ځمکې لاندې هوایي اډې پرانیسته وکړه. د ایرنا خبري آژانس په حواله دا د دغه هیواد د پوځ یوه له مهمو هوایي اډو څخه ده.
انځور: Iranian Army/WANA/REUTERS له ایران سره اکثره د پخواني شوروي اتحاد د دور روسي ميګ او سخویې جنګي الوتکې دي. له دغه هیواد سره یو شمیر چینایي الوتکې هم شته چې په هغو کې د F-۷ الوتکې هم شاملې دي. د ایران له هوایي ځواکونو سره له اسلامي انقلاب څخه د مخکې دورې یو شمیر F-۴ او F-۵ جنګي الوتکې هم موجودې دي.
انځور: Iranian Army/WANA/REUTERS د ایران له خوا د دې بیس یا اډې دننه انځورونه او ویډیوګانې هم خپرې شوې دي. د ایران خبري آژانس په حواله «په دې اډه کې د بې پیلوټه الوتکو سربیره هر ډول جنګي او بم غورځونکې الوتکې ساتل کیدلی شي.»
انځور: Iranian Army/WANA/REUTERS دا چې دغه بیس په کوم ځای کې موقعیت لري هیڅ ډول معلومات نه دي ورکړل شوي، خو د ایران په دولتي تلویزون کې خپره شوې اعلامیه کې ویل شوي چې «دغه بیس د غرونو لاندې په لسګونو متره ژوروالي کې جوړ شوی دی او دا د امریکا له ستراتیژیکو جنګي بمونو سره د مقابلې توان لري.»
انځور: Iranian Army/WANA/REUTERS د ایران دولتي رسنیو د دې محرمې هوایې اډې د پرانیستې د مراسمو په ورځ د دغه هیواد د وسله والو ځواکونو لوی درستیز تورن جنرال محمد باقري او د پوځ لوی درستیز جنرال عبدالرحیم موسوي په دې اډه کې وښودل.
انځور: Iranian Army/WANA/REUTERS د دولتي رسنیو په حواله ایران د دا ډول پټو اډو په وسیله خپلې جنګي الوتکې له «احتمالي بریدونو سره د مقابلې» په خاطر اماده کولی شي، لکه امریکا او اسرائیل چې د خپلو وروستیو پوځي تمرینونو پر مهال کړي ول.
انځور: Iranian Army/WANA/REUTERS
په وروستیو کلونو کې په آلمان کې د يهودو ضد کړنو زور اخيستی دی. د اسرائيل او حماس ترمنځ جګړې له پیل راهیسې، وضعیت نور هم اندېښمن شوی دی.
