په آلمان کي د دوه تابعيته سونزه پر ميرکل د فشار سبب شوې
۱۳۹۵ آذر ۱۸, پنجشنبه
په داسې حال کې چې راتلونکی کال په آلمان کې پارلماني ټاکنې کیږي، د دغه هیواد صدراعظمه د نورو چلينجونو ترڅنګ په دغه هیواد کې د دوه تابعیته ستونزي له امله تر سخت فشار لاندې ده.
انځور: picture-alliance/dpa/B. Pedersen
اعلان
د آلمان د صدر اعظمي انګلا ميرکل مسیحي دیموکرات اتحاد ګوند یا «سي. ډي. یو» یوې کوچنۍ څانګې د دوه تابعیته مسلې په اړه پر ميرکل فشار راوړی او غواړي چې هغه دې موضوع ته په جدي توګه د حل لار پیدا کړي. دغه فشار څرګندوي چې محافظه کاران د ښی اړخو پر لار روان دي.
د مسیحي دیموکرات اتحاد ګوند یا «سي. ډي. یو» د چهارشنبې په ورځ پر یوه داسې موضوع رایه ورکړه چې له مخې یې د بهرنیو وګړو ماشومانو ته چې په آلمان کې وزیږي حق ورکول کیږي چې په ۲۳ کلنۍ کې د خپل مور او پلار او یا هم د آلمان تابعیت ترلاسه کړي. دوی اړ دي چې له دواړو څخه یو انتخاب کړي.
د دغې رایې په پایله کې په ۲۰۱۴م کال کې د ښی او کیڼ اړخو ایتلاف له خوا د دوه تابعیته قانون په هکله د اصلاحاتو وړاندیز رد شو.
که څه هم دغه رایې تر ډیره لږ توپیر درلود چې پکې د سي ډي یو وکیلانو د وړاندیز شوي قانون په ګټه ۳۱۹ رایې او په ورته وخته کې یې د رد له پاره ۳۰۰ رایې ترلاسه کړې.
په داسې حال کې چې په راتلونکې کال کې په آلمان کې پارلماني انتخابات ترسره کیږي، دغه رایې د دې ښکارندويي کوي چې انګلا ميرکل له څه نا څه چيلنجونو سره مخامخ ده.
د آلمان د کورنیو چارو وزیر، توماس دیمیزیر د چهارشنبې په ورځ له «اس. پې. ډې» سره د بیلتون په هکله خبردارۍ ورکړ او ویې وویل چې په داسې حال کې چې آلمان د مهاجرو د ادغام له ستونزې سره مخامخ دی، دغه کار د مهاجرو د ماشومانو له پاره ستره ستونزه ده. په ۲۰۱۳م کال کې د ټاکنو پرمهال د دوه تابعیته درلودل د اس. پې. ډې یو له عمده غوښتنو څخه وو.
په دې نوې تګلارې سره به تر ډیره د ترکیې هغه مهاجر چې په ۱۹۶۰ او ۱۹۷۰ کلونو کې آلمان ته راغلي، زیانمن شي. دغه کورنۍ آلمان ته د میلمه کارګرو په توګه راغلي وې چې بیا وروسته په آلمان کې پاتې شولې او په دې هیواد کې یې خپلې کورنۍ جوړې کړې.
په آلمان کې د ترکي ټولني د ادارې مشر، ګویکی سوفیوګلو نه یوازې د سي. ډي. یو، پر دغې رایې نیوکه کوي، بلکي هغه وايي چې په دې کار سره دې ګوند خپل ارزښت هم له لاسه ورکړی دی.
نور مطالب:
کوم پاسپورت تر ټولو زیات سرحدونه درته پرانیزي؟
ډیر کم پاسپورتونه داسې دي چې سړی پرې هر چیري او هر کله چې وغواړي پرته له ویزې سفر کولای شي. دلته هغه پاسپورته کتلای شئ چې ډير سرحدونه ورته پرانيستي دي او هغه هم چې د زیاترو هیوادونو سرحدونه یې پرمخ تړلي دي.
انځور: picture-alliance/dpa/M. Becker
«جرمني ته ښه راغلاست»
آلمانیانو ته د نړۍ دروازې پرانستي دي. د لندن د مشورتي شرکت «هینلې او پارتنر» د معلوماتو په حواله آلمانان ۱۷۷ هیوادونو ته بې له ویزې سفر کولای شي. له دې سره آلمان په پرله پسې دریم کال لومړی ځای خپل کړی.
انځور: picture-alliance/dpa/R. B. Fishman
له خپل وطن سره مینه او نړۍ ته غیږ پرانستي
دوهم ځای سویډن لري. د ښایسته کلیو او ښکلي طبیعت خاوند دغه هیواد د نوري نړۍ د سیلانیانو له پاره یو په زړه پورې ځای دی. خو سویډنیان خپله هم ډیر د سفر شوقیان دي. د دوی د ټولو خارجي سفرونو ۷۱ سلنه د سیاحت په موخه ترسره کیږي. د نړۍ د ۱۷۶ هیوادونو دروازې دوی ته پرانيستي دي او پرته له ویزې ورته سفر کولای شي.
