آلمان د موټر چلوونکو له پاره په هر ملي لیتر وينه کې د ۳ اعشاريه ۵ نانوګرام بنګو د استفادې محدودیت ټاکلی دی. خو ځينې محدودیتونه لا هم موجود دي، له هغې جملې نوي موټر چلوونکي نشي کولی سيګريټی ووهي.
آلمان د موټر چلوونکو له پاره په هر ملي لیتر وينه کې د ۳ اعشاريه ۵ نانوګرام بنګو د استفادې محدودیت ټاکلی دیانځور: Christian Mang/REUTERS
اعلان
د بوندیستاګ یا د آلمان مرکزي پارلمان د چرسو اړوند رسمي ټولنو ته د موټر چلوونکو له پاره د چرسو د استفادې نهايي حد معرفي کړی دی. د چرسو د استفادې نهايي حد یا مقدار د موټرچلونکو د هر یو ملی لیټر وينې په سر درې نیم نانوګرامه ټاکل شوی دی.
داسې ښکاري چې دغه ټاکل شوی حد، د ۱۰۰ ملي ليتر وينې پر سر د ۲۰ ملي ګرامه الکولو معادل وي کوم چې په آلمان کې قانوني دی.
دغه اقدام د آلمان د ترانسپورت وزارت له لوري يوه مجرب پلاوي ته تر سپارښتنې وروسته شوی دی.
خو موټر چلوونکي نشي کولی هم چرس او هم الکول دواړه وڅښي. کوم موټر چلوونکي چې له چرسو استفاده کوي، پر هغوی د الکولو څښاک مطلق ممنوع دي، هغه په دې دليل چې د دوو مخدره موادو د ګډې استفادې له کبله د رامنځ ته کېدونکو خطرونو مخه نيول شوې وي. همدارنګه د نوو موټرچلونکو له پاره د چرسو څکول ممنوع دي.
د آلمان محافظه پال اپوزیسیون (سي ډي او) بیا د موټرچلونکو له پاره د بنګ یا چرسو د استفادي د بشپړ ممنوعیت غوښتنه کړې او ويلي ېې دي چې دا دې پر خپل حال پاته وي، خو دغه غوښتنه ېې رد شوې ده.
د آلمان د قانون مطابق خلک کولی شي تر درو بوټو پورې چرس په کور کې وکريانځور: Emmanuele Contini/NurPhoto/picture alliance
د موټر چلونې پر قوانیو علاوه، د پارلمان غړو د آلمان په ایالتونو کې د بنګو د پالنې رسمي ټولنو ته د لا ډېرو اختیاراتو ورکړې ته هم رايې ورکړي دي. دغه ټولنې د جولای له لومړۍ د بنګو د کرکېلې او عرضې خدمات وړاندې کوي.
تر کلونو بحثونو وروسته، د صدراعظم اولاف شولڅ په مشرۍ د آلمان ائتلافي حکومت، په فبروري میاشت کې د بنګو د استفادې قانون پاس کړ چې له مخې ېې بالغ آلمانان کولی شي د قانون مطابق ټاکلی مقدار بنګ له ځانه سره ولري، وڅکوي او په کورونو کې ېې بوټی وکري. خو د دې باوجود په دې برخه کې شدید مقررات لا هم عملي کيږي.
د قانون له مخې چې د اپريل له لومړۍ نېټې اجرايي شوی، ځوانان کولی شي تر ۲۵ ګرامه پورې چرس له ځانه سره بهر وګرځوي او تر ۵۰ ګرامو پورې په کور کې وساتي. دوی دغه راز کولی شي تر درو بوټو پورې چرس په کور کې وکري.
mks/nz/mf/jsi (AFP, dpa)
له آرشیف څخه (13.05.2020):
د بنګو د استعمال ګټي؛ البته په اعتدال سره
که تاسې پر بنګو روږدي یاست، نو دا ستاسې ژوند په خطر کې اچولی شي. خو څیړونکي وایي چې که تاسې په اعتدال سره له بنګو استفاده وکړئ، نو ځینې ګټې هم لري. نور تفصیل په انځوریز رپوټ کې لوستلی شئ:
انځور: Novartis Vaccine
۱- د مِرګي خطر کموي
د امریکا په وىرجینیا ایالت کې د کامن ویلت پوهنتون له خوا په ۲۰۱۳م کال کې د یوې څیړنې په پایله کې ویل شوي وو چې د چرسو او بنګو متوازنه استفاده کولی شي د مرګي او ځینې نورو عصبي ناروغیو څخه د ژغورل کیدو په برخه کې مرسته وکړي. البته په هغه صورت کې چې له دغو موادو څخه د نشې په ډول نه، بلکې د درملو په توګه استفاده وشي.
«دي جرنل آف الزایمر ډیزیز» مجله کې د چاپ شوي یوه رپوټ په اساس چرس په ډیرې چټکۍ سره د عصبي فعالیتونو د کمیدو یا بطي کیدو مخه نیسي. د دې استعمال د الزایمر یا هیرې ناروغۍ خطر هم کموي، البته په هغه صورت کې چې د درملو په شکل کې استعمال کړای شي، نه د نیشې په ډول.
انځور: Colourbox
۴- د سرطان خطر هم کموي
په امریکا کې د سرطاني ناروغیو اړوند یوه انټرنټ پاڼه «کینسر ډاټ آرګ» کې په ۲۰۱۵م کال کې د خپور شوي یوه رپوټ پر بنسټ، چرس یا بنګ پر سرطان د اخته کیدو خطر کې د کمښت راوستلو او ژغورنې په برخه کې مهم رول لوبولی.
انځور: Imago/Science Photo Library
۵- د کیمو تیراپي د زیان کمښت
د «یو اس ایجنسي فار ډرګ ایډمنستریشن» په حواله چرس د سرطانو له ناروغانو سره په یو بل ډول مرسته کوي. د سرطان ناروغان باید اکثره وخت د علاج له پاره کیموتیراپي وکړي، او چرس د دې تیراپي د مضره اثراتو په کمښت کې مرسته کوي.
انځور: Frederic J. Brown/AFP/Getty Images
۶- د فلج خطر کموي
د بریتانیې د نوټنګهم پوهنتون محقیقین په دې اند دي چې چرس یا بنګ دماغ صحتمند ساتي چې له امله یې د فلج خطر کمیږي. البته دا باید د درملو په شکل استعمال شي نه د نیشې په ډول.
انځور: Colourbox
۷- له درده نجات
د شکر د لوړیدو په صورت کې مریض په خپل بدن او اندامونو کې شدید درد احساسوي. د کالیفورنیا پوهنتون د څيړونکو په حواله چرس د دوی په تکلیف کې د کمښت سبب کیدلی شي.
۸- د تور زیړي په جانبي عوارضو کې کمښټ
چرس د هیپيټایټس سي یا تور زیړي په جانبي عوارضو کې هم د کمښت سبب کیږي. د بنګو له محدود استعمال سره د دې مضرې ناروغۍ په جانني عوارضو کې تر ۸ سلنه کموالی لیدل شوی دی. لکه څرنګه چې په یو شمیر درملو کې له دغو نیشه توکو څخه استفاده کیږي، په دې ټولو مواردو کې باید د ډاکټر د سپارښتنې مطابق باید عمل وشي.
