په آلمان کي يو افغان صاحب منصب په تعليقي بند محکوم سو
۱۳۹۸ مرداد ۴, جمعه![Kriegsverbrecher-Prozess gegen ehemaligen afghanischen Offizier](https://static.dw.com/image/49472089_800.webp)
اعلان
د آلمان لويې څارنوالۍ حتي د ربړونې او شکنجې شواهد هم وړاندې کړي ول، خو محکمې دغه نظر تائيد نه کړ. د جمعې د ورځې د تعليقي جزا حکم لا حقوقي اعتبار نه لري.
تورن کس په اوس وخت کې په آزادانه توګه د محکمې له تالار څخه وتلی دی. په هغه باندې وضع شوی تحقيقاتي بند هم په سملاسي توګه لغو اعلان شو. خو د تعليقي مجازاتو معياد درې کاله وټاکل شو.
شپږ کاله پخوا په افغانستان کې دغه عسکر چې هغه مهال ۲۱ کلن وو، د محکمې په نظر د يوه نيول شوي کس سر په يوه لرګين دېوال پورې وهلی وو. يو کال وروسته يې بيا د يوه طالب قوماندان مړی کوم چېرته ځوړند کړی وو.
(N.S/N.Z(dpa