د نویه اوسنابروکر سایتونګ په نامه یوې آلمانۍ ورځپاڼې د شنبې ورځې په یوه خپاره شوي رپوټ کې د آلمان د کورنیو چارو وزارت د شمیرو په حواله ویلي چې تیر کال په آلمان کې پر مسلمانانو او اسلامي بنسټونو لږ تر لږه ۹۵۰ بریدونه شوي.
اعلان
د دې بریدونو په اړه د آلمان د کورنیو چارو د وزارت شمیرو ته په کتو سره په دې بریدونو کې لږ تر لږه ۳۳ کسان ټپیان شوي. په رپوټ کې همدا راز زیاته شوي چې تقریباً ټول دغه بریدونه د ډیر ښي اړخو لخوا ترسره شوي دي. د کورنیو چارو وزارت له لوري دغه شمیرې وروسته له هغې وړاندې کیږي چې کيڼ ګوند له حکومت څخه د دې شمیرو غوښتنه وکړه.
د آلمان خبري آژانس په خپل رپوټ کې همدا راز لیکلي چې د دې بریدونو له ډلې څخه په ۶۰ پیښو کې بریدونه شوي او یا هم جوماتونو او د مسلمانانو نورو بنسټونو ته زیان رسیدلی دی. په دې بریدونو کې [د مسلمانانو اړوند] ودانیو باندې د خوګ یا خنځیز وېني مښل هم شامل دي.
د آلمان حکومت د تیر کال له پیل راهیسې د مسلمانانو ضد د بریدونو د شمیرو په ټولولو پیل کړی نو له همدې کبله د ۲۰۱۶م کال په پرتله مقایسوي شمیر موجود نه دی.
د آلمان د فدرالي حکومت له لوري د دغه بریدونو په تړاو په راټولو شوو شمیرو کې د مسلمانانو ضد د نفرت پارونې، تهدیدي لیکونه، پر داسې میرمنونو بریدونه چې پړوني یا ټکري یې په سر کړي وي او همدا راز په جوماتونو او [د مسلمانانو] پر نورو ودانیو باندې د نازیانو اړوند رسامۍ شاملې دي.
په عین وخت کې په آلمان کې د مسلمانانو د مرکزي شوری مشر ایمن مازیک یادې آلمانۍ ورځپاڼې ته ویلي چې هغه ډاډه دي چې په دې شمیرو کې ټول هغه جرمونه چې د مسلمانانو پر ضد ترسره شوي، نه دي ثبت او راټول شوي.
په مسکو کي تيره ورځ يو ستر مسجد پرانيستل سو. دغه مسجد چي پر ۲۰۰۰۰ ميتره مربع مځکي جوړ سوی په یوه وخت کي ۱۰۰۰۰ انسانان پکښې ځايږي. په دې انځوريز راپور کي د نړۍ نور ستر مسجدونه هم ښوول کيږي.
انځور: Reuters/M. Zmeyev
په مکه کي الحرام مسجد
دا په مکه شريفه کي د مسلمانانو تر ټولو مهم مسجد دئ. دغه مسجد پر ۳۵۰۰۰۰ متره مربع مځکه جوړ سوی او په نړۍ کي تر ټولو ستر مسجد دئ. مسجد په ۱۶مه مېلادي پېړۍ کي جو سوی او نهه مناره لري. پر مسجد اوس هم کار روان دئ او په بشپړېدو سره به ئې په يوه وخت کي تر يو ميليون ډېر انسانان لمونځ پکښې وکړای سي.
انځور: picture-alliance/dAP Photo/K. Mohammed
په مدينه کي نبوي مسجد
تر الحرام مسجد وروسته په مدينه کي نبوي مسجد د مسلمانانو له پاره دوهم مقدس مسجد دئ، ځکه چي هلته د حضرت محمد (ص) زيارت دئ. مسجد په ۶۲۲م مېلادي کال کي جوړ سوی او په يوه وخت کي ۶۰۰۰۰۰ انسانان پکښې ځايږي. د دغه مسجد منارونه ۱۵۰ متره لوړوالی لري.
انځور: picture-alliance/epa
په بيت المقدس کي الاقصي مسجد
الاقصي مسجد د بيت المقدس د زاړه ښار په هغه سیمي کي جوړ سوی چي د مسلمانانو او يهوديانو له پاره سپېڅلی دئ، جوړ سوی دي. که څه هم چي دغه مسجد په يوه وخت کي ۵۰۰۰ انسانان ځايوي او دومره ستر نه دئ، خو په ډبريني او طلايي گنبدي سره تر الحرام او نبوي مسجد وروسته د مسلمانانو له پاره ډېر قدرمن دئ. دغه مسجد په ۷۱۷م کال کي پرانيستل سوی.
انځور: picture alliance/CPA Media
په کازابلانکا کي د دوهم حسن مسجد
د انتلانتیک سمندر د ساحل پر غاړه دغه مسجد د مراکش د پخواني پاچا دوهم حسن په نوم دئ. دغه مسجد په ۱۹۹۳م کال کي د هغه د ۶۰ کلنۍ پرمهال پرانيستل سو. په نړۍ کي تر دې ډېر ستر مسجدونه سته، خو هغه څه چي دغه مسجد ته لومړيتوب ورکوي هغه د مسجد هسک منار دئ، چي ۲۱۰ ميره جگ دئ. په نړۍ کي بل دغه شان هسک منار نسته.
انځور: picture alliance/Arco Images
په ابوظبی کي د شېخ زايد مسجد
دغه مسجد په ۲۰۰۷ کال کي پرانيستل سو او په نړۍ کي اتم ستر مسجد دئ. د مسجد غولی ۲۲۴ واري ۱۷۵ متره دئ او منارونه ئې ۱۰۷ متره لوړ دي. د مسجد ځانگړتيا په گنبده کي ده چي ۳۲ متره قطر لري چي دا به نړۍ کي تر ټولو ستره گنبده ده. په دغه مسجد کي په لاس اودل سوې ۵۰۰۰ متره مربع غالۍ هم اواره ده چي دا په نړۍ کي تر ټولو ستره بلل کیږي.
انځور: imago/T. Müller
په روم کي مسجد
د نړۍ د کاتوليکانو په مرکز روم کي هم ستر مسجد سته. دغه مسجد پر ۳۰۰۰۰ متره مربع مځکه جوړ سوی او په اروپا کي ترټولو ستر مسجد بلل کيږي. د دغه مسجد جوړولو کار تر لس کاله ډېر دوام وکړ او په ۱۹۹۵م کال کي پرانيستل سو.
انځور: picture-alliance/akg-images
په گروزني کي د احمد قديروف مسجد
دغه مسجد د چيچنيا د پخواني مفتي او جمهور رئيس چي په ۲۰۰۴م کال کي په يوه چاودنه کي ووژل سو، په نوم دئ. د مسجد د جوړېدو کار په دغه هيواد کي د جنگونو له کبله څو واري وځنډېد. مسجد په ۲۰۰۸م کال کي پرانيستل سو. دغه مسجد د زلزلې مقاومت هم لري.