په آلمان کې پر مسجدونو باندې، شکمنو پلان سوو بریدونو ته په کتو سره، د مسلمانانو زیاتره ټولنې خبردارې ورکوي چې مسلمانان نور ځانونه ډاډمن نه احساسوي او له همدې کبله د دولت له خوا د هغوی د لا زیات ملاتړ غوښتنه کوي.
انځور: picture-alliance/dpa/S. Jonek
اعلان
د تُرک اسلامي اتحاد يا ديتيپ او د ملي گوروش په نامه اسلامی ټولنې، د مسجدونو په وړاندې وروستیو بمي گواښونو او په آلمان کې د ښي اړخه له خوا پلان سوو بریدونو ته په کتو سره د یوې پراخې امنیتي مسودې غوښتنه کوي.
د مسلمانانو د مرکزي شورا عمومي منشي عبدالصمد ال یزیدي د ښي اړخو له خوا په هدفمندانه ډول پر مسجدونو د بريدونو شکمنو پلانونو ته په کتو سره ،له یوې داسي پدیدې څخه خبرې کوي چې تر اوسه یې ساری نه درلود.
ال یزیدي دویچه ویله ته وویل چې «مسلمانان په هیڅ ډول ډاډمن نه دي. هغوی ځانونه یوازې پریښودل سوي احساسوي. هغوی په دې فکر کې دي چې څه باید وکړي تر څو یې عبادت ځایونه وساتل سي. هغه څه چې هغوی ډیر نامطمین کړي او د بیری احساس یې ورته پیدا کړی، دادي چې په دې اړه په ټولنه کې هیڅ ډول بحثونه نه کیږي او نه هم د یووالي داسي قوي او ښکاره غونډی جوړیږي چې سړی یې تل په تمه وي.
په کولن کې د ملي گوروش په نامه اسلامی ټولنې څرگنده کړې چې «په آلمان کې هغه مسجدونه، کنیسې او د نورو مذهبي اقلیتونو عبادت ځایونه چې له سخت گواښ سره مخامخ دي، باید د دولت له خوا یې ساتنه وسي. دا نه سي کیدای چې نوموړي تاسیسات د بسپنو پیسو په مرسته د خپل امنیت ساتنه هم پر غاړه واخلي. حکومت مکلف دی چې د خپل اولس د امنیت ساتنه وکړي چې په هغو کې مسلمانان هم شامل دي.»
د جرمني د نوردراین ویستفالین ایالت د کورنیو چارو وزارت څرگنده کړې چې پر جوماتونو باندې بریدونه د پولیسو له خوا جدي نیول کیږي. ځایی پولیس د مسجدونو او نورو تر گواښ لاندی ځایونو څخه ساتنه کوي. د ساتنې دغه ډول تدابیر په پټ ډول تر لاس لاندی نیول کیږي او له همدې کبله یې په عام محضر کې جزیات نه ورکول کیږي.
د نوموړي ایالت په مرکز دوسلدورف ښار کې ایالتي حکومت د یوه داسي مشخص پلان غوښتنه کوي چې له مخې یې په دغه ایالت کې له ښي اړخ ډلو څخه د مسجدونو ساتنه وکړای سي.
په آلمان کي د مسجد ورځ
د اکتوبر دريمه په آلمان کي د مسجد ورځ ده. سږکال په آلمان کي په دغه ورځ د «ښه گاونډيتوب او ښې ټولني» په شعار سره د مسجدونو دروازې د ټولو وگړو پرمخ پرانيستل کيږي. په آلمان کي د مسجد د پرانيستو دروازو په اړه انځوريز راپور.
انځور: picture-alliance/dpa/U. Baumgarten
د آلمان د يووالي په ورځ مسجدونه
په آلمان کي د مسجد ورځ د ۱۹۹۷م کال د اکتوبر مياشتي له ۳ څخه هرکال لمانځل کيږي. د اکتوبر دريمه د آلمان د يووالي ورځ هم ده. د دغه هيواد د مسلمانانو مرکزي شورا اعلان کړی دی چي مسلمانان د آلمان د ټولني يوه برخه ده او په دې سره د آلمان له يووالي سره خپله پخلاينه ښيي. تمه کيږي چي په دغه ورځ نژدې ۱۰۰ آلمانان د مسجدونو ليدلو ته ورسي. انځور په برلين کي د «شهيدليک» مسجد.
انځور: picture-alliance/dpa/P. Zinken
مسجد د ټولو له پاره
په آلمان کي مسلمانان غواړي چي په دغه ورځ مسجدونو ته راغلي آلمانانو ته اسلام نور هم ورنژدې کړي او هغوی ته وښيي چي مسجد يوازي د لمانځه ځای نه، بلکي د ټولنيزو فعاليتونو او نورو مراسمو ځای هم دئ.
انځور: picture-alliance/dpa/Paul Zinken
اصول او مقررات
د اسلام پيژندلو له پاره بايد لومړني لارښووني وپيژني چي په آلمان کي ئې هم مراعتول ضروري دي. دلته هم بايد مسجد ته تر ننوتلو مخکي خپل بوټونه وکاږي او اودس ولري. داچي په مسجد کي سجده کيږي نو فرش بايد پاک وي. انځور د کولن ښار مسجد.
د آلمان د دويسبورگ ښار مسجد په دغه هيواد کي تر ټولو ستر مسجد دی. دغه مسجد په ۲۰۰۸م کال کي پرانيستل سو. د دغه مسجد اسلامي ټولنه له آلماني بنسټونو سره له نژدې کار کوي. مسجد ته ورتلونکي وگړي په دغه ورځ کولای سي چي د مسلمانانو د ماسپښين لمونځ وگوري.
انځور: picture-alliance/dpa/M. Skolimowska
د برلين په شهيد ليک مسجد کي آلمانان د لمانځه ننداره کوي.
انځور: picture-alliance/dpa/H. Hanschke
تسبيح
دغه آلماني زلمي ته په فرانکفورت کي د مسجد په ورځ تسبيح ډالۍ سوي.
انځور: picture-alliance/dpa/F. Rumpenhorst
په مسجد کي کاتوليکان
يوازي د مسجد په ورځ په آلمان کي د مسجدونو دروازې آلمانانو ته پرانيستي نه وي، بلکي د کاتوليکانو په ورځ هم په آلمان کي د مسجدونو دروازې د مسيحي وگړو پرمخ پرانيستي وي، څو د اديانو د استازو ترمنځ د خبرو اترو فرصت پيدا سي. د آلمان د مانهايم ښار په مسجد کي کاتوليکان.
انځور: picture-alliance/dpa
شين مسجد په آلمان کي څلورم پخوانی مسجد دی.
انځور: picture-alliance/dpa/M. Scholz
په هامبورگ ښار کي د عمر فضل مسجد په دغه ورځ د لويانو او کوچنيانو پرمخ پرانيستی وي. دغه مسجد په ۱۹۵۷م کال کي پرانيستل سوی دئ. په دغه مسجد کي د اکتوبر پر دريمه د اسلام د تاريخ په اړه معلومات وړاندي کيږي.
