په آلمان کې د داخلي چارو سیاستوالو تر منځ د مهاجرو د مبایلونو د پلټنۍ په اړه نوي بحثونه را پورته شوي دي. په دې توګه دوی غواړي د مهاجرو هویت مشخص کړي، خو تر اوسه پورې په دې اړه قانوني او حقوقي اساسات نه دي رامنځته شوي.
اعلان
د کډوالو له پاره د آلمان فدرالي ادراې د مهاجرو د اخراج عملي کولو له قانون سره (د هغو مهاجرو چې په آلمان کې یې د پناهندګۍ غوښتنلیکونه رد شوي دي او هویت یې معلوم نه دی) د ګرځنده تلیفونونو د پلټنې اجازه هم ترلاسه کړی ده.
د آلمان په پارلمان کې د داخلي چارو د کمیسیون مشر انسګر هیویلینګ، د دوشنبې په ورځ (د می میاشتې۲۹) د «دي ولټ» آلمانۍ ورځپاڼې ته ویلي دي: «د باصلاحیته قاضیانو محدود شمیر مثلاً د BAMP یا کډوالو له پاره د آلمان فدرالي ادارې تر ۷۰ ډيرو بنسټونو کې کفایت نه کوي چې د مهاجرو لازم شمیر تلیفونونه بررسي کړي.»
د دغه سیاستوال په اند، د پلټنۍ له پاره د مهاجرو د تلیفونو انتخاب یو حساس کار دی، له همدې امله باید په دې برخه لازم شرایط هم ډیر جدي وي. نوموړی زیاتوي: «خو تجربه لرونکي مامورين هم کولی شي دغه دنده ترسره کړي، په هغه صورت کې چې موضوع واقعاً هم د کار د کیفیت پر سر وي، نه د روزني د رسمي کیفیت پر سر.»
لیشکا دا موضوع تائیده کړه چې د کډوالو له پاره د آلمان فدرالي اداره اجازه لري چې بالاخره تر جون میاشتې ورووسته د پلټنې او رزونې له پاره د مهاجرو تلیفونونو ته لاسرسۍ پیدا کړي. البته په هغه صورت کې چې د آلمان د ایالتونو عالي شورا (بونډس رات) او د آلمان په مرکزي پارلمان کې (منځګړي کمیسیون) یې مخه ونه نیسي.
لکه څرنګه تلیفونو ته لاسرسۍ په خصوصي چارو کې جدي مداخله ګڼل کیږي، له همدې امله د آلمان سوسیال دیموکرات ګوند ته مهمه ده چې یوازې با صلاحیته قاضیان دا کار ترسره کړي.
خو د آلمان په پارلمان کې د داخلي چارو کمیسیون د رئیس انسګر هیویلینګ، په اند موجود قانون د دې کار د بررسۍ له پاره کفایت نه کوي. د هغه په خبره دا چې مبایل تلیفونونه د مهاجرو په هکله د اطلاعاتو ترلاسه کولو یوازنۍ منبع ده له دې امله «اړینه ده چې په لا زیاته پراخه پیمانه دغو تلیفونو ته د لاسرسۍ له پاره قانوني اساسات رامنځته شي.»
پر ورته موضوع زموږ له آرشیف څخه یو انځوریز رپوټ: (23.11.2015)
انځورونه: په اروپا کي سرگردانه مهاجر
د يونان او مکدونيا په سرحدونو کي په زرونو پناه غوښتونکي د اغزنو سیمانو تر شا سرگردانه د اروپا په تمه دي. امنيتي ځواکونه يوازي افغان، سوريايي او عراقي مهاجرو ته تر سرحد د تېرېدو اجازه ورکوي.
انځور: Reuters/O. Teofilovski
د يونان او مکدونيا په سرحدونو کي ايراني او پاکستاني مهاجر. دغه انځور رويترز خبري آژانس خپور کړی دئ. د راپورونو له مخي سربستان، کروشیا او مکدونيا خپلي خاوري ته يوازي افغان، سوريايي او عراقي پناه غوښتنونکي پرېږدي. له نورو هيوادونو له د جنوبي افريقا او جنوبي اسيا پناه غوښتونکي بيرته له خپلو سرحدونو شړي.
انځور: Reuters/O. Teofilovski
د ملگرو ملتونو د کډوالو ادارې د راپور له مخي سربستان يوازي هغه مهاجر خپلي خاوري ته پرېږدي چي د افغانستان، سوريې يا عراق څخه راغلي وي. نور مهاجر بيرته مکدونيا ته لېږل کيږي.
انځور: Reuters/O. Teofilovski
د مکدونيا او يونان په سرحد کي د ايراني او پاکستاني مهاجرو اعتراض. دغو مهاجرو ځکه اعتراض کړی دئ چي ولي يوازي افغانان، عراقيا او سوريايان پرېږدي چي له سرحدونو تير سي او نور بايد وشړل سي.
انځور: picture-alliance/dpa/G. Licovski
د يونان او مکدونيا په سرحد کي له مهاجرو سره کوچنيان هم سته.
انځور: picture-alliance/dpa/G. Licovski
د يونان او کدونيا په سرحد کي د يوه ايراني مهاجر نیول. له مهاجرو سره مرسته کوونکي فعالان وايي چي د يويان په سرحدونو کي وضعيت خراب دئ.
انځور: Reuters/A. Avramidis
د سږکال له دوبي راهيسي په زرونو مهاجر د بالکان هيوادونو له لاري اروپا ته ځانونه رسولي دي. د دوی ډيری غواړي چي آلمان ته ورسيږي. د دغو هیوادونو اندېښنه دا ده چي آلمان به يو وخت د پناه غوښتونکو پر مخ سرحد وتړي او ټول مهاجر به دوی ته پاته سي.
انځور: Reuters/A. Avramidis
دا يو ايرانی پاسپورت دی چي د يونان په لسبوس ټاپو کي د اژه درياب پر غاړه پيدا سوی دئ. اژه درياب په وروستيو مياشتو کي د «پناه غوښتونکو په هديره» بل سوی دئ. په دغه درياب کي ډېري کښتۍ ډوبي سوي دي او انسانان پکښې وژل سوي دي.
انځور: picture-alliance/dpa/A. Widak
د ملگرو ملتونو د راپور له مخي همدا اوس د کروشيا په سرحد کي ۴۰۰ مهاجر بند دي. د سرحد يوه پوليس ويلي دي چي دوی ته لارښوونه سوې ده چي هغه مهاجر چي له پاکستان، مراکش، تونس، بنگله دېش، سوماليا او يا الجزاير څخه راځي کروشيا ته د ننوتلو اجازه ورنه کړي.
انځور: Reuters/O. Teofilovski
پوليس وايي هغه کسان چي کوښښ کوي پر پښو له سرحده تير سي هغو مرکزونو ته انتقاليږي چي د پناه غوښتونکو له پاره جوړ سوي دي.
انځور: Reuters/A. Avramidis
ملگرو ملتونو ويلي دي چي ۱۰ زره مهاجر اروپا ته د تگ په نيت په بالکان هيوادونو کي سرگردانه دي.
انځور: Reuters/O. Teofilovski
په زرونو مهاجر د مکدونيا او يونان په سرحدي سيمي کي د اروپايي ټولني هيوادونو ته د تگ په تمه شپې او ورځي تيروي.
انځور: Reuters/A. Avramidis
په دې وروستيو ورځو کي د کدونيا د عامه نظم ځواکونو خپلي خاوري ته د پناه غوښتونکو د ننوتلو پرمهال اوښکن گاز استعمال کړی او اغزن سيمان ئې غځولي دي.
انځور: Reuters/A. Avramidis
څو ورځي مخکي ملگرو ملتونو اعلان وکړ چي په مکدونيا کي د مهاجرو حالت په اړه اندېښمن دي او تيار دي چي د مهاجرو په برخه کي له دغه هيواد سره مرستي وکړي.
انځور: Reuters/A. Avramidis
د مکدونيا د کورنيو چارو وزارت اعلان کړی دئ، چي هيواد ئې د دومره مهاجرو د ځای پر ځای کولو ظرفيت نه لري.
انځور: Reuters/A. Avramidis
د سربستان او کدونيا په سرحد کي سرگردانه مهاجر.
انځور: Getty Images/AFP/R. Atanasovski
په اروپا کي هوا ورځ تر بلي يخيږي او اوس هم په زرونو پناه غوښتونکي پر سرحدونو کي سرگردانه دي.