له هغه وخت راهیسې چې په آلمان کې د موټر د غلاو د شمیرو ثبتول پیل شوي، د نورو کلونو پر تله تر دې دمه هیڅ وخت آلمان کې د موټرو غلا دومره نه وه کمه شوې .
د آلمان د بیمې شرکتونو د اتحادیې (GDV) د معلوماتو له مخې، په ۲۰۲۱ کال کې د غلا شویو موټرو شمیر ۹ زره ۸۰۵ و چې د ۲۰۲۰ کال په پرتله ۸ سلنه کموالی ښیي .
په جرمني کی غلا سوی لوکس موټر په اتریش کي پیدا سو
د ۱۹۹۰ لسیزو په لومړیو کې د بیمې شرکتونو په کال کې شاوخوا د ۱۰۰ زره موټرو غلاګانې ثبت کړې.
له هغه وخت راهیسې، موټر د ایموبلایزر سيسټم [غلا ضد سیستم] سره خوندي شوي او پر دې سربیره د ختیځې اروپا له هیوادونو سره د آلمان پولې ډیرې سختې کنترولیږي.
بې اسنادو موټرو ته د اسنادو ورکول
د بیمې شرکتونو د اتحادیې د شمیرو له مخې برلین لاهم د موټر د غلو لپاره په آلمان کې ترټولو مشهور ښار دی. تیر کال د آلمان په پلازمینه کې د هر اړخیز بیمې شاوخوا ۲ زره او ۲۰۰ موټرونه غلا شوي .د دغو غلاوو له امله رامنځ ته شوی اقتصادي زیان له ۴۷ ملیونه او ۵۰۰ زره یورو څخه ډیر وو. په اوسط ډول، د بیمې شرکتونو د هرې غلا لپاره ۲۱ زره او ۶۰۰ یورو ورکړي دي .
د دوو میلیونو يورو په ارزښت غلا شوی موټر و موندل شو
د ختیځې اروپا بانډونه
د آلمان د پولیسو په وینا، د موټر غلا د ختیځې اروپا څخه د ځانګړو ډلو لخوا ترسره کیږي. په برلين کې د هر اړخیزې بيمې لرونکو هرو ۱۰۰۰موټرو ۲،۲ فيصده یې غلا شوي دي. په هامبورګ کې بيا د غلا کچه ۱،۱ سلنه وه. په ملي کچه بيا دغه اوسط ۰،۲ سلنه وو. د آلمان په سویلي ایالتونو کې، د موټر غلا کچه خورا ټیټه ده.
د نورو تر څنګ د SUVs موټرو غلا خورا ډیره ده.
غله موټر د ختیځې اروپا هیوادونو ته وړي، هلته یې یا په جعلي اسنادو پلوري، یا یې ټوټې ټوټې کوي او د پرزو په توګه یې پلوري.
انځورونه: د نړۍ قیمتي موټرونه وپيژنئ
د موټرو تولیدونکي ځيني شرکتونه نه غواړي ډېر موټر تولید کړي او په کم شمیر کې توليد شوي موټر ېې ډېر مينه وال لري، خو هر څوک ېې د اخیستلو توان نه لري. دلته د نړۍ تر ټولو قيمتي صفر کيلومتر موټرونه درپيژنو: انځور: Rolls-Royce د رولز- رویس شرکت دغه موټر چې ټول د لاس جوړ دی، جوړول يې څلور کاله وخت نيولی دی. قوت ېې ۴۶۰ هارس پاوره او بيه ېې ۱۳ ميلیونه يورو ده. دغه شرکت په ۲۰۲۲م کال کې د "Rolls-Royce Boat Tail" په نوم يو بل موټر چې يوازې يو وار نندارې ته وړاندې سوی وو، په ۲۶ میلیونه يورو خرڅ کړي.
انځور: Rolls-Royce ايټالوي موټر جوړونکي شرکت، پاګاني یوازې درې عرادې «پاګاني زوندا» موټر جوړ کړي دي چې يو ېې د شرکت د رئیس په اختیار کې دی. د دغه موټر بیه ۱۵ ميليونه يورو ده. د ماشين قوت ېې ۷۶۰ هارس پاوره دی.
انځور: Marco Destefanis/Pacific Press/picture alliance د ايټالوي موټر جوړونکي شرکت بوګاتي له دغه موټر څخه چې په آلماني شرکت فولکس واګن پورې تړاو لري، یوازې یو عراده جوړ شوی دی. دغه موټر د يو ناپيژاندي سويسي دی. د مالیاتو پرته خالصه بېه ېې ۱۱ ميلیونه يورو ده او د ماشین قوت ېې ۱۵۰۰ هارس پاوره دی.
انځور: Loona/Abaca/picture alliance په انځور کې ښي لور ته پاګاني موټر يوازې ۵ عرادې جوړ شوي دي. د دغه موټر بیه ۵ ميليونه يورو ده او د ماشین قوت ېې ۸۲۷ هارس پاوره دی. دا له نورو ماډلونو نه يو څه سپک دی.
انځور: Liang Sen/Xinhua/picture alliance دغه لیکان هایپراسپورت موټر د لبنان د ډبلیو شرکت ساخت دی، خو ماشین ېې د آلماني شرکت «روف» RUF جوړ دی چې ۷۹۱ هارس پاوره دی. د دغو موټرو یوازې ۷ عرادې جوړ شوي چې یو ېې د دوبۍ د پولیسو په اختیار کې دی. د دغه موټر بيه نژدې ۳ ميلیونه يورو ده.
انځور: Ali Haider/dpa/picture alliance د دغه بوګاتي شیرون بیه ۴ ميلیون او ۲۰۰ زره يورو ده. د دغه موټر ماشین ۱۶۰۰ هارس پاوره دی او سرعت ېې په ساعت کې ۳۰۰ مایله دی چې په کیلومتر ۴۹۰ اعشاریه ۵ کیلومتره په ساعت کې کیږي.
انځور: Dane Andrew/Zuma/picture alliance د دغه ماډل لمبورجيني یوازې ۴ عرادې جوړ شوي دي چې دوه ېې امریکا ته استول شوي. څلورم ېې د یوه آلماني سوداګر دی چې په بایرن ایالت کې اوسیږي. د ۷۵۱ هارس پاوره قوت ماشین په لرلو سره د دغه موټر بیه ۴ میلیونه يوره وه چې اوس له دې دوه برابره لوړه بیه خرید او فروش کیږي.
انځور: Uli Deck/dpa/picture alliance د "FKP 37" په مخفف دغه لامبورجیني د فولکس واګون شرکت د رئیس، فردیناند کارل پیئش، په ویاړ جوړ شوی دی. پېئس په ۱۹۳۷م کال کې زیږېدلی او په ۲۰۱۹م کې مړ شو. هغه د فردیناند پورشه لمسی وو چې د پورشه کارخانه ېې تاسیس کړه. د دغه موټر بیه ۳ میلیون او ۳۰۰ زره يورو ده. د ماشین قوت ېې ۸۱۹ هارس پاوره دی.
انځور: Joaquim Ferreira/HMB Media/picture alliance دغه کونیگزگ موټر د یو سويډني شرکت ساخت دی چې یوازې دوه دغه ډول موټرونه ېې جوړ کړي دي. د دغه موټر بدنه له سپين کاربن څخه جوړه ده. د ماشین قوت ېې ۱۰۱۸ هارسپاوره او د موټر بیه ۴ میلیون او ۴۵۰ زره یورو ده.
انځور: Alexandre Marchi/dpa/picture alliance د دغه مایباخ د بېې ټاګل سخت دی، ځکه د ټير جوړونې شرکت، فولدا، یوازې یو عراده جوړ کړی دی. دغه موټر د نه خرڅلاو وړ اعلان شوی دی. ۷۰۰ هارسپاور ماشین لري او بيه يې د ۷ تر ۸ میلیونه يورو پورې اعلان شوې ده.
انځور: SCHROEWIG/Baganz/picture alliance د دغه موټر ماشین ۹۵۰ هارسپاوره دی. بيه ېې یو میلیون یورو ده او په پام کې ده له دغه موټر نه تر ۲۰۲۳م کال پورې ۵۰۰ عرادې توليد شي.
انځور: Owen Humphreys/PA/dpa/picture alliance بوګاتي شرکت د دغه موټر يوازې ۴۰ عرادې جوړوي. د یونیم زر هارسپاوره قوی ماشین په لرلو سره د دغه بوګاتي ديوو بیه د ۵ میلیونه يورو معادل ده. دا د فرانسوي موټر چلونکي «آلبرت اویگن دیوو» چې په ۱۹۶۶م کال کې مړ شو په نوم نومول شوی دی.
انځور: Genin Nicolas/ABACA/picture alliance
