د پولیسو د معلوماتو له مخې د یکشنبې په ماښام د آلمان په کسل ښار کې د کډوالو په یوه کمپ کې د بیلابیلو ملتونو په سونو کسانو په دغه آخ و ډب کې برخه اخیستې وه. زیاته شوې ده چې دغو کسانو پر یوه و بل د سوټو گوزارونه کړي او اوښکن گاز یې استعمال کړی دی.
د پولیسو ویاند ویلي دي چې په کانتین کې د ډوډۍ د ویش پر مهال د یوه ځوان او ۸۰ کلن سړي تر منځ لانجه رامنځ ته شوې ده. دغه شخړه بیا د پاکستانیانو او آلبانانو تر منځ د آخ و ډب سبب شوې ده. له هر اړخه ۶۰ کسانو پر یو بل گوزارونه کړي دي. په دغه ترڅ کې اته تنه ټپیان شوي دي.
پولیس پر دې واتونیدل چې وضعه آرامه کړي. خو ماښام تاوتریخوالي یو ځل بیا زور واخیست. د پولیسو د ویاند د وینا له مخې یو اړخ ته ۷۰ کسه او بل اړخ ته ۳۰۰ کسه وو. څو ساعته وروسته پولیس په دې وتوانیدل چې وضعه کنترول کړي.
دغه کمپ چې د یوه پخواني هوایي ډگر پر ځمکه موقعیت لري، پکښې ۵۰ تنه پولیس په دنده بوخت ول. پولیسو د مامورینو پر ضد د مقاومت او د خطرناک جسمي جراحت له کبله تحقیقات پیل کړي دي، خو څوک لا نیول شوی نه دی.
ډیرو پناه غوښتونکو چې غوښتل يې د آخ و ډب مخه ونيسي، د باندي ووتل (لکه په انځور کې چې لیدل کیږي). پولیس د یکشنبې په ماښام په دې هڅه کې ول چې په آخ و ډب کې د ښکیل یوه اړخ له پاره مؤقتي سرپناه پیدا کړي، څو د مهاجرو په کمپ کې وضعیت آرام شي.
د پولیسو د معلوماتو له مخې د کسل په کالدن سیمه کې په دغه کمپ کې د ۲۰ هیوادونو ۱۵۰۰ مهاجر په خیمو او کانتینرونو کې ژوند کوي.
نژدې دوه اوونۍ وړاندي د آلمان په هیسن ایالت کې د کډوالو په یوه کمپ کې ډیرو مهاجرو یو د بل پر وړاندي ښارخ پارونکی گاز وکاراوه. په دغه آخ و ډب کې شپیته تنه ټپیان شوي ول، چې ماشومان هم پکښې شامل ول.
جرمنيان څرنگه له مهاجرو سره مرسته کوي؟
په جرمني کي تقریباً هره ورځ د پناه غوښتونکو سرپناوي سوځي. خو د دغه تیاره اړخ تر څنگ المان روښانه او ښه اړخ هم لري. په زرونو انسانان او ټولني یې له کډوالو او مهاجرو سره مرستي کوي. په دې انځوريز راپور کي یو څو بېلگې.
انځور: picture-alliance/dpa/P. Endigپه یوتیوب او فېس بوک کي داوطلبه مرستندویان د دې غوښتنه کوي، چي له مهاجرو سره مرسته وسي. څوک چي کومک کوي، د هغه مطابق عکسونه لیږي. له ښې اشپزي سارا وینر څخه هم غوښتل سوي دي چي مرسته وکړي. هغې په برلین کي ۱۵۰ مهاجرو ته ښوروا، وچه ډوډی او خواړه برابر کړي دي.
د پوتسدام له ریل گاډي لوبډلي څخه هېنینگ ایش د ویلکم یونایتید ۰۳ لوبغاړو هرکلی کوي.دا د جرمني لومړی يوازي د مهاجرو فوټبال ټیم دی .هغوی د پوتسدام له ریل گاډي لوبډلي سره په لومړي لیگ کي لوبه وکړه او درې پر دوه یې وگټله. هغوی ته د دغي سيالۍ زمینه د SV بابلس بېرگ سیمه ایز لیگ برابره کړه.
کارل لنډهییر د بایرن ایالت په تانن هوسن کي پناه غوښتونکو ښځو ته افتخاري الماني درس ورکوي. دښونځي دغه متقاعد مدیر له خپلو همکارانو سره په گډه مهاجرو ته په الماني ژبه یو کتاب هم تهیه کړی دی. د لنډهییر په خبره دغه کتاب د نوو راغلو مهاجر له پاره ډیر ښه لارښود دی. کتاب ورځني ژوند ته ځانگړی سوی دی او ډیر عملي ضروري مسایل بیانوي.
کډوال او مرستندویان د مهاجرو د ښه راغلاست په یوه مېله کي نڅا کوي. د هایده ناو ۶۰۰ پناه غوښتونکي چي په یوه پخوانۍ مغازه کي ځای پر ځای سوي دي، پر شاوخوا یې اغزن دېوال راگرزیدلی دی. له دې مخکی هغوی جرأت نه کاوه چي له دغي سرپناه څخه ووزي. د ښی اړخو افراطیونو له بیري چي هلته یې ډیري ورځي اله گوله جوړه کړې وه. دغه میله د«دریسدن له نازیانو پاک اتحاد» له خوا تنظیم سوې ول.
توبیاس فلایتر د ټوگو د یوه مهاجر بایسکل ته هوا ورکوي. د بې سرحده بایسکلانو- Bikes without Borders پروژې په لومړي سر کي په پنځو بایسکلانو او دوو داوطلبه مرستندویانو باندي شروع وکړه. خو د هغوی داوطلبان اوس ۱۵ کسانو ته رسیدلي دي. هغوی په دې منځ کي تر ۲۰۰ زیات بایسکلان ترمیم کړي. دغه سازمان مهاجرو ته بایسکلان د مؤقت وخت له پاره وړیا هم ورکوي.
د برلین د مهاجرو په لیلیه کي ټوله ځایونه ډک دي. لږ وخت مخکي درې نوري مؤقتي سرپناوي هم جوړي سوې. یوه د برلین تېسکه په نوم تش ولاړ مکتب کي جوړه سوه چي تر ۲۰۰ انسانانو پوري پکښی ځاییږي. هغه چي اصلاً د توماس ټولنیزي خدماتي شبکې د کارکونکو له خوا جوړه سوې ده چي پکښي ډیرو داوطلبانو هم برخه اخیستې ده.
د الماني پوځ عسکر په خپلو کښتیو کي په مدیترانه کي ژغورل سوي مهاجر راولي. د ۲۰۱۵ م کال د می میاشتي له پیل راهيسي دالماني کښتیو عملې څه ناڅه ۷۵۰۰ انسانان له ډوبېدو ژغورلي دي. د هغوی په منځ کي یوه ۳۳ کلنه حمله داره ښځه رحمه علي ده. دغه ځوانه ښځه د سومالیا د پلازمیني موگادیشو څخه راځي او پنځه میاشتي یوازي په تیښته کي ول.
انځور: picture-alliance/dpa/Bundeswehr/T. Petersen دغه کوچنۍ نجلۍ چي صوفیه نومیږي، درې کیلو وزن لري. دا لومړی کوچنی دی چي د المان پوځ په کښتی- فریگاټه کي زیږي. د هغه سومالیايي مور رحمه علی له پاره دا یو ښه بخت وو، چي تر طبي پالني لاندي یې کوچنی دنیا ته راغی. یوه عسکر د نجلی تر زیږیدو وروسته وویل چي «تر همدغسی یو شیبې وروسته سړی احساس کوي چي یو ښه او معنی داره عمل یې تر سره کړی دی.»
مهاجرو ته د اورگاډو په تمځايونو کي ټول مقررات ور ښوول کيږي: چيري ودريږي، څرنگه ټکټ واخلي او چيري پورته سي.
آلمان ته راغلو مهاجرو ته لامبو هم ور زده کيږي. په دغه هيواد کي تقريباً هر وگړی لامبو کولای سي.
په آزاده فضا کي له مهاجرو سره سهار ناری دوی ته دا انځور ورکوي چي آلمانان خپلو مېلمنو ته څومره خوشحاله دي.
