تیره ورځ ترکي رسنیو په آژه سمندر کې د مهاجرو د یوې بادي کیښتې د ورکیدو چې احتمالاً ډوبه شوې به وي خبر ورکړ. د سه شنبې په ماښام د ترکیې دولتي خبري آژآنس اناتولي ولیکل چې د دغه هیواد د ساحلي ګارد له خوا د دوو تنو ماشومانو مړي چې یو یې دری او بل یې پنځه کلن ول په آژه سمندر کې موندل شوي دي.
دغه بادي کښتۍ د ترکيې له مرسي ساحلي سیمې څخه د یونان د اوروس ټاپو د ساحل پر لور په حرکت کې وه. ویل کیږي چې د ښځو او ماشومانو په ګډون په دغه کښتۍ شاوخوا ۱۰ تنه سپاره ول چې اوس هم لادرکه دي.
د سه شنبې له ماښام څخه د ترکيې او یونان د ساحلي ګارد له خوا د پلټنې عملیات پيل شوي دي. د یونان ساحلي ګارد تر اوسه پورې د خپلو عملیاتو په اړه څه نه دي ویلي.
په یوه بله پيښه کې د ترکیې ساحلي ګارد بیا د خپلې ګزمې پر مهال ۴۴ تنه مهاجر چې کیشتۍ یې د ډوبیدو په حال کې وه ژغورلي دي. دغو مهاجرو هم هڅه درلوده چې له یوې بادي کښتۍ څخه په استفادې د آژه سمندر له لارې د اروپایې اتحادیې غړي هیواد یونان ته ځانونه ورسوي.
د ساحلي ګارد ترمنځ نښته
د ترکیې لومړی وزیر بنعلي بلدریم، وایې چې د یونان له لومړي وزیر الکسس سیپراس سره یې د یوې تلیفوني اړیکي په ترڅ کې موافقه کړې چې د دواړو هیوادونو د ساحلي ګارد تر منځ رامنځته شوې شخړه به د خبرو اترو له لارې حل کړي.
تیره ورځ د یونان د ساحلي ګارد یوه کښتۍ د ترکیې د ګزمې له کښتۍ سره د ټکر په نتیجه کې زیانمنه شوې وه. د ترکیې لومړي وزیر وویل: «موږ موافقې ته رسیدلي یو چې رامنځته شوي جنجالونه به د سیاسي او دیپلوماتیک لارې حل کړو، چې دا کار د لا زیاتې کرارۍ سره مرسته کوي. د متقابل درک له لارې او د خبرو اترو د هغو کانالونو له لارې چې په دوامداره توګه خلاص دي.»
یلدیرم وویل چې د یونان او ترکیې پوځي قوماندانان به د می په میاشت کې د ناتو د غونډې په څنډه کې سره وویني.
پر اړونده موضوع زموږ له آرشیف څځه انځوریز رپوټ:
لس هيوادونه چې سږکال يې سمندر له لارې اروپا ته ډير مهاجر لرلي
د ۲۰۱۷ کال په نژدې ۱۱ مياشتو کې اروپا ته په سمندري ۱۶۰۸۴۷ تنه مهاجر رسيدلی دي. په دغه انځوريز رپوټ کې به هغه لس هيوادونه وپيژنئ چې د روان کال په لومړيو لسو مياشتو کې يې له دغو لارو تر ټولو ډير مهاجر اروپا ته رسيدلي دي.
انځور: Getty Images/AFP/A. Solaroنايجريا، سوريه، ګنيا، د عاج ساحل، مراکش، بنګله ديش، ګامبيا، مالي، الجريا او عراق هغه لس هيوادونه دي چې د کډوالو په چارو کې د ملګرو ملتونو عالي کميشنرۍ وايي چې د ۲۰۱۷ کال په لمړيو لسو مياشتو کې يې د سمندر له لارې اروپا ته تر ټولو زيات مهاجر لرلي دي. به دغې موده کې د یادو هيوادونو څخه ۱۰۲۴۰۹ مهاجر اروپا ته رسيدلي دي. دغه هیوادونه په ترتيب معرفي شوي:
د مهاجرو شمير ۱۷۴۸۷. د (UNHCR) ادارې د ۲۰۱۷م کال اکتوبر مياشتې ۳۱مې نيټې خپرو شويو ارقامو له مخې د روان کال په لمړيو لسو مياشتو کې اروپا ته د سمندري لارو په رسيدلو مهاجرو کې تر ټولو زيات يې د نايجريا هيواد اتباع دي.
د مهاجرو شمير ۱۴۹۵۴ تنه. دا د هغو سوريايي مهاجرو شميره ده چې د روان کال په لمړيو لسو مياشتو کې يوازې په سمندري لارو اروپا ته رسيدلي دي.
د مهاجرو شميره ۱۲۱۵۴. په دې حساب، ګينې تر نايجريا او سوريې وروسته په لسو هغو هیوادونو کې دريم ځای لري چې د ۲۰۱۷ کال په لمړيو لسو مياشتو کې يې اروپا ته د سمندر له لارې ډير مهاجر لرلي دي.
انځور: AP Photo/E. Morenatti مراکش څخه د ۲۰۱۷ کال په لمړيو لسو مياشتو کې په سمندر لارو ۹۵۵۸ تنه مهاجر اروپا ته رسيدلي دي.
انځور: picture alliance/dpa/NurPhoto/C. Marquardt له مالي څخه د ۲۰۱۷م کال په لمړيو لسو مياشتو کې د سمندر له لارې ۶۹۵۳ تنه مهاجر اروپا ته رسيدلي دي، چې دې سره يې د لسو مخکښو هيوادونو په ډله کې ۷ ځای خپل کړی دی.
له ګامبيا هيواد څخه د سمندري لارو اروپا ته د روان کال په لمړيو لسو مياشتو کې ۷۷۱۱ تنه مهاجر رسيدلي دي.
له الجزاير څخه د ۲۰۱۷ کال په لمړيو لسو مياشتو کې د سمندر له لارې ۶۳۹۷ تنه مهاجر اروپا ته رسيدلي دي.
عراق د ۶۳۲۹ تنه مهاجر په لرلو په وروستي يا لسم ځای کې قرار لري. دا هغه لس هيوادونه دي چې د ۲۰۱۷ کال په لمړيو لسو مياشتو کې يې د سمندري لارو اروپا تر ټولو زيات مهاجر رسيدلي دي. په ياده موده کې له دغو لسو هيوادونو څخه ټول ۱۰۲۴۰۹ مهاجر اروپا ته رسيدلي دي. سرچينه: (UNHCR). انځورونه: دويچه ويله آرشيف. چمتو کونکی: محمد کريم صالح
