د ويانا پوليس وايي چې د اور لمبې په چټکۍ سره ووژل شوې او په دغه محبس کې ميشت ۴۰ نور بنديان بل امن ځان ته وليږدول شول. له دې سربيره امکان لري چې ۱۴ تنه نور د لوګي د تنفس کولو له امله مسموم شوي وي.
د رپوټ په حواله، د اوروژنې او د نيول شويو کسانو د انتقال په ماموريت کې شاوخوا سل پوليس او د اور وژنې ۷۰ کارکونکي بوخت ول.
د ويانا د پوليسو په خبره د پيښې پنځه افغان مهاجر له ۱۸ تر ۳۳ کلونو پورې عمرونه لري او ايرانی مهاجر ۳۰ کلن دی. تر اوسه لا روښانه نه ده چې دغه کسان څنګه توانيدلي چې خپلې کوټې ته اور واچوي.
د رسنيو د رپوټونو په حواله، په تير وخت کې هم په دغه محبس کې ورته ناوړه پيښې رامنځ ته شوې وې. د بيلګې په توګه، په تير کې نيول شوو کسانو «خپلې راتلونکې ته» د ناهيلۍ له وجې خپلو کوټو ته اور اچولی او يا يې د نه خوړلو پر اعتصاب لاس پورې کړی وو.
me, ah (dpa)
له آرشيف څخه يو انځوريز البوم:
انځورونه: په کمپونو کې د مهاجرو نانوايي
د سربستان د مهاجر کمپونو په اړه به مو ډير اوريدلی وي. دا ځل به په دې انځوريز رپوټ کې وګورۍ چې هلته افغان مهاجر د خپل ژوند د بقا له پاره په څومره سختو کارونو لاس پورې کوي. په هغو کې يو هم د دغي نانوايي جوړول دي.
انځور: Getty Images/P.Crom
دوي نه کومه سرپناه، نه کار او نه هم پیسې لري. هڅه کوي له همدې طريقه خپل روزګار مخته يوسي او بلاخره به ښايي وشي کړای ځانونه لويديځې اروپا ته ورسوي. په همدې دليل د پيسو په مصرف کې ډیر احتياط کوي. وطني ډوډې ته يې زړه کيدل دوي هڅولي چې دغه نانوايي جوړه کړي.
انځور: Getty Images/P.Crom
محدود امکانات
مهاجر هغه ډيري لږ پیسې چې لري په هغو اوړه اخلي او په دا ډول يې لندوي. دوي د هر کار مشخص اسباب نه لري. هغه مجرد مهاجر چې په سربستان کې بند پاتې دي چندان امکانات ورته نه برابريږي. ډیری يې په خالي شويو زړو ودانيو کې ژوند کوي. دا هم يو کمپ دی.
انځور: Getty Images/P.Crom
افغان مهاجر
په سربستان کې د بندو مهاجرو په ډله کې ډیری يې افغانان دي. په دوی کې يوازې ځوانان او تنکي ځوانان هم شته. د دوی پر مخ لارې بندې دي چې لويديځې اروپا ته ولاړ شي. په سربستان کې هم نه غواړې چې پاتې شي، ځکه نو پخپله جوړ کمپونو کې ژوند کوي.
انځور: Getty Images/P.Crom
نانوايي
د ډوډې پخولو کار په ګډه کوي. د هر چا کار معلوم دی. که کمپ خودسازه دی، نو دوی هم په کې خپل قوانين جوړ کړي دي. د بيلګې په توګه امر کوي چې په کارونو کې ټول په ګروپي ډول کار وکړې.
انځور: Getty Images/P.Crom
هم ګرمه ډوډې هم ګرم ځای
دغه نانوايي د دې تر څنګ چې د مهاجرو له پاره له اقتصادي اړخه ښه ده، په کمپ کې د بيکاره او بې برخليکه ځوان مهاجرو له پاره هم د ناستې يو ګرم ځای دی.
انځور: Getty Images/P.Crom
له زړو شيانو استفاده
په ساختګي کمپ کې مهاجر په کوچنيو خيمو کې ژوند کوي. دوی د خپل شاوخوا څخه زاړه شيان راټولوي او کار ورڅخه اخلي، لکه دغه خرابه زړه بخارۍ چې اوس ورڅخه دوي دا ډول کار اخلي.
انځور: Getty Images/P.Crom
ډوډې د پخيدو په حال کې
پلاخره ډوډې هم پخيږي. هغه شيبه چې ځوانان ورته په نوبت کې په تمه ناست وي. څرنګه چې ډوډې پخيږي سختو شرایطو دغه ځوانان، تنکي ځوانان او بې سرپرسته ماشومان هم د حالاتو پر وړاندې پاخه کړي دي. دوی اوس هغسې چې په خپلو کورونو کې آسوده او نازولي ول دلته نه دي.