د مهاجرو له پاره د اروپايي ټولنې په تازه پلانونو کې دا موضوع هم شامله ده چې په یونان او ایټالیا کې میشت ۱۶۰ زره مهاجر د دې ټولنې پر نورو غړو هیوادونو وویشل شي.
انځور: picture-alliance/PIXSELL
اعلان
که چیري د اروپايي ټولني دغه هڅې عملي شي نو په دې کار سره به د سپتمبر میاشتې په پای کې شاوخوا ۴۰ زره کسان وکولای شي چې نوې سرپناه پیدا کړې.
د اروپايي ټولنې د مهاجرت کمیسار، دیمیتریس اوراموپولوس د سه شنبې په ورځ وویل چې تر اوسه تر ۱۸ زرو ډیر مهاجر نورو ځایونو ته انتقال شوي. پر دې سربیره نوموړي وویل چې اوسمهال په یونان کې۱۲۵۰۰ کسان او همدا راز په ایټالیا کې۴۰۰۰ پر شرایطو برابر کسان دې ته چمتو ته دي چې نورو هیوادونو ته انتقال شي.
د اروپايي ټولنې د مهاجرت کمیسار په دې تړاو همدا راز زیاته کړه چې د روان میلادي کال د سپتمبر میاشتې تر پایه پورې به دغه ټول ۱۶۵۰۰ کسان نورو ځایونو ته انتقال شي خو یادونه کوي چې د اروپايي ټولنې ځینو غړو هیوادونو تر اوسه پورې له دې ډلې یو مهاجر هم نه دی منلی.
د دغو معلوماتو له مخي په دوهم ځای کي ايټاليا راځي چي ۸۵۰۰۰ د پناه غوښتنليکونه وړاندي سوي او د۶۸۰۰۰ په اړه ئې پريکړي سوې.
انځور: DW/D. Cupolo
تر دې وروسته بيا فرانسه ده چي د ۶۳۰۰۰ پناه غوښتنو څخه ئې د ۶۲۰۰۰ په اړه پريکړه سوې ده.
انځور: picture-alliance/dpa/E. Laurent
د اروپايي ټولني د احصايې ادارې د شمېرو له مخي په يونان کي بيا برعکس ۳۰۰۰۰ د پناه غوښتنلیکونه وړاندي سوي او يوازي د ۷۶۰۰ په اړه ئې پريکړه سوې.
انځور: Getty Images/AFP/S. Mitrolidis
۱۷ کلن محمد درویش چې له افغانستان څخه مهاجرت ته اړ سوی، اوس په بلگراد کي بند پاته دی. اروپا ته د مهاجرت پر لور په زرونو انسانان لا اوس هم په سرحدونو کي بند پاته دي.
انځور: Getty Images/AFP/A. Isakovic
په بلگراد کي زیاتره مهاجرین شکایت کوي چې د څښاک اوبه او مناسب خواړه ورته نه رسیږي. په دې انځور کې یوه ډله مهاجر لیدل کیږي چې پخلی کوي او د اور په لمبو ځانونه ګرموي.
انځور: Getty Images/AFP/A. Isakovic
دا هم د اروپايي ټولني په سرحدونو کي بند پاته افغان مهاجر دي.
