په اروپا کې د «یوفا» په نامه د فوټپال د سیالیو په لړ کې د ریال مادرید او منچستر یونایتید لوبډلې د یو بل پر وړاندې لوبیږي، خو مینه والو بیا له اوبو سره ځان بسیا کړی دی. دلته د تودوخې درجه ۳۸ درجو ته رسیدلې. چارواکي روغتیايی خبرداري ورکوي او له خلکو غواړي چې ماشومان او د ډیر عمر لرونکي خلک دې غرمه مهال له کورونو نه وځي.

د هسپانیا د پالمان دو مالورکا په نامه د لویې کلیسا مخې ته سیلانیان د سیورې په لټه کې دي. ګرمې هوا د هغوی د سیاحت پلانونه خراب کړي او له بیلابیلو سیمو راغلي کسان د هسپانیا د لیدو پر ځای، د ونو سیورې لټوي.

ان د شپې په ورستی برخه یعنې سهار مهال، د مالورکا په مرکز کې هوا نه سړیږي. دغه انځور چې خالي ښکاري، د تودوخې د ډیریدو ښکارندويي کوي.

د فرانسې په نیس ښار کې د اګست میاشتې په لومړیو کې تودوخه او ګرمې نوي اوج ته رسیدلې. ماشومان لیدل کیږي چې د اوبو له فوارو سره لوبې کوي او په دې توګه له ګرمۍ څخه یخو اوبو ته پناه وړي.

هر چېرته چې د اوبو ډنډ لیدل کیږي، خلک غواړي پکې ولامبي. د هنګري په پلازمینه بوداپست کې ان سپینږیري له ګرمۍ څخه د تیښتې له پاره د اوبو حوضونو ته تللي دي.

ایټالیا او بالکان د ګرمۍ له دې څپو ډیر اغیزمن شوي دي. د رومانیا په ځینو سیمو کې ګرمې هوا د ځايي اوسیدونکو حال خراب کړی دی.

په مونتینیګرو کې د دې ځای د تودوخې درجه ۴۷ ته هغه وخت رسیدلې چې د «لوسیفر» په نامه د ګرمۍ څپې دې هیواد ته رسیدلې. چارواکو خلکو ته خبرداری ورکړی چې په سیورې کې اوسي او ډیرې اوبه او مایعات واخلي.

تیره اوونۍ د واتیکان د سنت پیتر په میدان کې سیلانیانو د چتریو په مرسته ځانونه د لمر له تودو څپو ساتل. د دې هیواد په ځینو برخو کې د ډیرې ګرمۍ له امله اورونه بل شوي. په ځینو سیمو کې د تودوخې درجه ان ۴۰ سانتې ګريد ته لوړه شوې.

په آلمان کې د جولای په میاشت کې د تودوخې درجه له ۴۰ پورته وه. آلمانیان چې له دغه شان تودوخې سره عادت نه لري په دې میاشت کې ډیر وخت په لامبو بوخت وو.

په نورو اروپايي هیوادونو کې هم وضعیت آلمان ته ورته دی. په دغه انځور کې ایټالیاویان د هوا د تودوخې له کبله د پکې کارولو ته اړ شوي دي.

تودوخې هم اروپایان له سرګرمې پرې نه ښودل. په سویس کې چې د هواد درجه ۳۵ وه، خلکو یو پر بل باندې اوبه واچولې.

دا د هغو کسانو له پاره چې غواړي ساحل ته ولاړ شي او ځان آرامه کړي، تر ټولو ښه وخت دی. په دې انځور کې خلک په پولند کې د یوه ساحل تر څنګ ښوول شوي دي.

په آلمان کې ډیر خلک په تودې هوا خپل وخت په پرانیستو رستورانتونو کې تیروي.

توده هوا کولای شي چې حیواناتو ته هم زیان ورسوي. د آلمان د حیواناتو د ساتنې انجمن ویلي دي چې د کورنیو حیواناتو خاوندان باید ځان ډاډه کړي چې د هغوی حیوانات په دې هوا کې کافي ابو او سیورې ته لاسرسی لري.

هغه سیلانیان چې اروپا ته راغلي دي له هوا څخه خوند اخلي. په هسپانیا کې له اکوادور څخه راغلی ۶۵ کلن سیلانی وایي چې هغه ښه وخت تیروي.

ساینس پوهان وایي چې دغه د تودوخې دغه څپه د اقلیم د بدلیدو پایله ده.