په ازبکستان کې د څرخي الوتکې رالویدو نهه تنه ووژل
۱۳۹۵ مهر ۲۹, پنجشنبه![Russischer Mi-8 Helikopter in der Luft](https://static.dw.com/image/19441374_800.webp)
د ازبکستان دولتي انترنت پاڼې اوزریپورت د دغه هیواد د دفاع وزارت د چارواکو په حواله ویلي دي چې دغه Mi-171 ډوله الوتکه د ازبکستان په فرغانه سیمه کې د سه شنبې په ورځ رالویدلې ده.
اوزریپورت زیاته کړې ده: «د دغې پیښې په پایله کې د الوتکې درې تنه عمله او د امنیتي ځواکونو شپږ غړو خپل ژوند له لاسه ورکړی دی.»
د دغې پیښې د څیړنې له پاره د دفاع وزارت یو پلاوی ټاکل شوی دی.
ازبکستان اوس د ځواک د لیږد له بهیر سره مخامخ دی. د دې هیواد پخوانی ولسمشر اسلام کریموف، د ۷۸ کلنۍ په عمر کې تیره میاشتې ومړ.
سرپرست ولسمشر شوکت میرزیاوف، چې د ۱۳ کلونو له پاره د اسلام کریموف لومړی وزیر وو، ښایي دې هیواد کې د دسمبر پر څلورمه نیټه ترسره کیدونکې ټاکنې وګټي.
ازبکستان تر ۳۰ میلیونو ډیر نفوس، او له افغانستان سره ګډه پوله لري. دا هیواد د یوې مودې له پاره د امریکا متحده ایالاتو د یوې پوځي هوایي اډې کوربه وو.