دغه آزموینې «د وبا پر وړاندې د چمتوالی نوښتونو» له نړیوالې ډلې سره په ګډه ترسره کیږي. دغه ډله د ویروسي ناروغیو پر ضد د ژر واکیسن جوړولو په برخه کې کار کوي.
په دې ترتیب سره به نو په لومړي سر کې د واکسین له پاره دوه کاندان چې اکسفورد پوهنتون او یوې امریکایي کمپنۍ له خوا جوړ شوي دي و آزمويي. دغه دوه کاندان د روغتیا له نړیوال سازمان سره په مشوره انتخاب شوي دي.
د عامو خلکو له پاره واکسین اوس هم ۱۸ میاشتې لیرې دی
هغه زیاته کړې ده: «موږ به د دغه عام دښمن تر ناکامه کولو پورې خپل کار ته دوام ورکړو.»
اوس به نو ساینس پوهان د ویروس موثریت د معلومولو او د تطبیق د تر ټولو ښې لارې د موندلو له پاره آزموینې وکړي. بیا به نو روښانه شي چې واکسین د پیچکاري له لارې او که د قطرو په واسطه تطبیق شي.
د استرالیا د ساینس پوهانو د ملي ادارې مشر روب ګرینفیل، بیا رویترز خبري آژانس ته ویلي دي چې د کرونا ویروس پر ضد به هیڅ واکسین د راتلونکي کال تر وروستیو میاشتو پورې جوړ نه شي. خو هغه دا هم ویلي دي چې پر انسانانو د ممکنه واکسینونو آزموینه ښايي په همدې میاشت کې پیل شي.
په امریکا کې هم ښايي پر انسانانو باندې د یوه احتمالي واکسین آزموینې پیل شي. اسرائیل هم د یوه واکسین د آزمویلو په حال کې دی. پر دې سربیره بیا په زرهاو استرالیایي روغتیایي کارکوونکي د تبرکلوز له پار یو پخوانی واکسین آزمويي چې روښانه کړي ایا د کرونا ویروس پر وړاند ګټور دی او که نه.
له بلې خوا بیا چینایي ساینس پوهانو هم ویلي دي چي ډیر داسې «انتي باډي» یې موندلي دي چې کیدای شي په راتلوکې کې ترې د کوید-۱۹ ناروغۍ په درملنه او یا یې هم په مخنیوي کې و کارول شي.
که سړی له داسې يوه حالت سره مخامخ شي چې په کور کې قرنطين شي او يا یي د رخصتۍ پلان شوی سفر د کرونا ويروس له کبله لغوه شي، نو څه ډول دغه وخت په يوې ښې رخصتۍ بدلولی شي، دلته د يو څو وړانديزونو په اړه لوستلی شئ.
انځور: picture-alliance/dpa/C. Klose
هر څه د انسان په ليد پورې اړه لري
د کرونا ويروس چټک خپريدل په رښتيا هم د انسان پر روان اغیز لرلی شي. په ځانگړي توگه هغه وخت چې په نظر کې نيول شوې رخصتي او سفر یې لغوه شي او يا دا چې سړی بايد قرنطين شي. آیا تاسې د داسې څه سره مخ شوي ياست؟ دلته تر ټولو مهمه دادي چې انسان پر دې څه ډول غبرگون ښيي. که سړی خفه او يا په غوسه شي نو دا وضعيت نور هم پسې خرابوي. نو د دې پر ځای به ښه داوي چې تر څو چې روغ ياست د دې وزگار وخت څخه خوند واخلئ.
انځور: picture-alliance/dpa/F. Gabbert
رخصتي په بالکون کې
ونو غوټۍ سپړلي دي او د سپرلي گلان د ځمکې راټوکيږي. ژمی به ژر پای ته ورسيږي. له دې وخت څخه د خپل باغ په سمون کې کار واخلئ او يا په بالکون کې د بوټو او گلانونو سره وخت تیر کړئ. او بيا چې کله لمر وي نو د لمر عينکې مو پر سترگو کړئ، ميوزک واورئ او فکر وکړئ چې د سمندر پر غاړه ياست.
انځور: picture-alliance/S. Pilick
کتاب ولولئ
که نور څه نه وي نو پر کوچ يا کټ کښېنئ او هغه کتابونه ولولئ چې له دېرې مودې راهيسې مو په آلمارۍ کې پراته دي او د لوستلو وخت مو یې نه لاره. د نورو ملکونو په اړه معلومات پيدا کړئ، سفر نامې ولولئ. په دې توگه به تاسې تر کرونا وروسته د سفر کولو نور ځایونه هم موندلي وي.
دا چې سړی په اوس وخت کې سفر نه شي کولی دا معنی نه لري چې سېل او ساعت تیري نه لري. تاسې له نورو سفر کوونکو له سفرونو خوند اخيستلی شئ. د نړۍ بېلا بېلو برخو ته د سفر مستند فلمونه ليدلای شئ.
انځور: DW/S. Bonney-Cox
ځان مو آرام کړئ
آیا ستاسو هغه رخصتۍ خوښيږي چې مساږونه پکې وکړئ او د پوست د تازه کیدو ماسکونه مو پر مخ ووهل شی؟ نو بيا په خپل کور کې خپل ټپ ته ورشئ او د ځان د آرامولو له پاره حمام وکړئ. تاسې به حتماً په خپل آلمارۍ کې د مخ ماسک هم پیدا کړئ.
انځور: picture-alliance/dpa/L. J. Nukari
د کورنۍ له پاره وخت
د رخصتۍ او سفر پر وخت تر ټولو ښه خبره داوي چې سړی له خپلې کورنۍ او دوستان سره وخت تیروي. د نن سبا په مصروف ژوند کې تاسې د خپلې کورنۍ سره څومره وخت تیروئ؟ له ماشومانو سره مو لډو او ورته نورې لوبې وکړئ او يا ورسره په گډه د تېرو سفرونو عکسونه وگورئ.
