د افغانستان د ښووني او روزني وزارت يوه وياند د آلمان خبري آژانس ته ويلي دي چي د دې پريکړي دليل په دغه هيواد کي د کرونا ويروس د پيښو ډيرښت دی.
هغه ويلي دي: «موږ له يوې مياشتي راهيسي زده کوونکو ته له ليري څخه تدرس ورکول پيل کړي دي، څو هغوی په کورونو کي خپل وخت تلف نه کړي.» هغه زياته کړې ده چي دغه تدرس به د راډيو او تلويزيون له لاري ورکول کيږي.
د افغانستان د ښووني او روني وزارت د وياند په خبره د پوهنتون د محصلانو له پاره د انلاين زده کړي زمينه برابره سوې ده.
د افغانستان د عامي روغتيا وزارت د معلوماتو له مخي په دغه هيواد کي د کرونا ويروس مثبتي پيښي تر۲۰زرو اوښتي دي او ۳۵۷ کسان مړه سوي دي. اوس د ډيرو نورو کسانو د په اخته کيدو بيره موجوده ده.
د يونيسف په حواله د کرونا ويروس بحران له څلورو لسيزو جګړې راهيسي د افغانستان د ښووني او روزني نيمګړی سيستم نورهم پسې ژور کړی دی.
د دغه ويروس د پراخيدو د مخنيوي په خاطر رامنځته سويو محدوديتونو له کبله په ميليونونو ماشومان له زده کړو پاته دي. په دې برخه کي بيا په ځانګړې توګه نجوني له سختو ستونزو سره مخامخ دي.
د يونيسيف د کلني راپور له مخي په افغانستان کي اوس هم ۳،۷ ميليونه ماشومان ښوونځي ته نه ځي. او يوازي په سلو کي ۵۴ سلنه ئې ابتدايي سر ته رسوي.
nz/bs (dpa)
زموږ له آرشيف څخه:
په دغو ۱۲ هیوادونو کې ماشومان ابتدايي ښوونځیو ته له تګه محروم دي!
د ماشومانو له پاره د ملګرو ملتونو د ملاتړ صندوق یا یونیسف د نړۍ په ډيرو هیوادونو کې د هغو ماشومانو په هکله معلومات او شمیرې را ټولې کړي دي چې د مختلفو عواملو له کبله ابتدايي ښوونځي ته له تګ څخه محروم دي.
انځور: DW/I. Jabeenد یونیسف د شمیرو له مخې په سومالیا کې د ابتدايي ښوونځي پر شرایطو برابر د ټولو ماشومانو له ډلې څخه ۷۶ سلنه یې ښوونځي ته نه ځي.
په جنوبي سوډان کې بیا د هغو ماشومانو له ډلي څخه چې ابتدايي ښوونځي ته بايد ولاړ شي، ۷۴ سلنه یې ښوونځي ته نه ځي.
د یونیسف د شمیرو له مخې په لیبریا کې بیا د ابتدايي ښوونځي پر شرایطو د برابر ماشومانو له ډلې څخه ۵۷ سلنه یې ښوونځي ته نه ځي.
یونیسف وايي چې په چاد هیواد کې بیا د ټولو ماشومانو ۵۰ سلنه یې ابتدايي ښوونځیو ته نه ځي.
د ملګرو ملتونو د شمیرو له مخې په نایجر کې بیا د داسې ماشومانو شمېر چې ابتدايي ښوونځي ته نه ځي ۵۰ سلنه ښوول شوی دی.
په بورکینه فاسو کې بیا د دغه شان ماشومانو اندازه ۴۸ سلنه ښوول شوې ده.
په مالي کې هم د ابتدايي ښوونځي پر شرایطو د برابرو ماشومانو له ډلې څخه ۴۷ سلنه یې ښوونځي ته نه ځي.
په گيني کې بیا د ابتدايي ښوونځي پر شرایط د برابر ماشومانو له ډلې څخه ۴۰ سلنه یې ښوونځي ته نه ځي.
په افریقايي استوايي ګیني هیواد کې بیا د ټولو ماشومانو له ډلې څخه ۴۰ سلنه یې ابتدايي ښوونځي ته له تګ څخه محروم دي.
د ګيني بیساو په نامه بل افریقايي هیواد کې بیا د داسې ماشومانو شمېر چې ابتدايي ښوونځي ته نه ځي، ۳۸ سلنه ښوول شوی دی.
په افغانستان کې د ابتدايي ښوونځيو پر شرایطو د برابر ماشومانو له ډلې څخه ۶۳ سلنه یې ابتدايي ښوونځي ته له تګ څخه محروم دي.
په پاکستان کې د ټولو ماشومانو له ډلې څخه ۳۶ سلنه یې ابتدايي ښوونځي ته له تګ څخه محروم دي.
