د ملګرو ملتونو پراختیايي پروګرام له نړیوال بانک سره د ۲۰ میلیون ډالرو د مشارکت یوه توافقنامه لاسلیک کړې ده چې موخه یې په افغانستان کې د بشري، اقتصادي او ټولنیز پرمختګ ملاتړ دی.
انځور: Wakil Kohsar/AFP
اعلان
د ملګرو ملتونو د پراختیایي چارو پروګرام (یو ان ډي پي) د پنجشنبې په ورځ د یوې اعلامیې په خپرولو سره ویلي دي چې له نړیوال بانک سره په افغانستان کې د لسونو غیر دولتي سازمانو له ملاتړ کولو له بهیر سره یو ځای شوی دی.
د دغې اعلامیې له مخې نړیوال بانک له بشر دوستانه، اقتصادي او ټولنیزو نوښتونو د پراخیدو له پاره د ملګرو ملتونو د پراختیایي چارو پروګرام سره د ۲۰ میلیون ډالر یوه توافقنامه لاسلیک کړې ده.
دغه پروګرام د افغانستان په ۳۴ ولایتونو او ۸ زونونو کې غیر دولتي او مدني نهادونو تر پوښښ لاندې نیسي او اصلي هدف یې د دغو غیر دولتي، مدني سازمانونو ظرفیت لوړونه او د چټک اغیز پروژو څخه ملاتړ دی.
په افغانستان کې د ملګرو ملتونو د پراختیایي پروګرام مرستیالې سورایو بوزوروکوفا، ویلي دي: «موږ د نړیوال بانک څخه په افغانستان کې د غیر دولتي سازمانو (ان ج اوز) او مدني نهادونو (سي اس اوز) سره د پیوستون ښوولو او د هغې د ودې له پاره له مرستې کولو چې اوس ته ورته ډیره اړتیا لري، مننه کوو.»
په اعلامیه کې راغلي دي چې د اقتصادي بیا روغاونې د ملاتړ په برخه کې د ملګرو ملتونو د پراختیایي پروګرام د څو لسیزو تجربو او تخصص ته په کتو سره به دغه اداره ۴۰۰ غیر دولتي سازمانو او مدنې نهادونه د ژر رسیدنې د ظرفیت، ښکیلتیا او پروژې د طرحې له مخې غوره کړي.
د اعلامیې له مخې په افغانستان کې د اوږدې جګړې له کبله، غیر دولتي سازمانونو او مدني نهادونو د افغانستان په لیرې پرتو سیمو کې د بشر دوستانه او پراختیایي خدماتو په وړاندې کولو کې مهم نقش لوبولی دی.
تورپېکۍ په کندهارښارکي یوه له هغو ښځو څخه ده، چي د شپږو اولادونو د ساتني او پالني مسؤلیت لري. د دې مېړه په وروستیو جنګونو کي وژل سوی دی. دا د اولادونو د مړولو له پاره بل څوک نه لري او د ښځو په نانوايي کي هره ورځ تر سلو زیاتي ډوډۍ پخوي.
انځور: M. Usman Barakat
د ښځو له پاره مناسب کارځای
په کندهار ښارکي دغه نانوايي د یو خصوصي شرکت له خوا جوړه سوې ده. په دغه نان وايي کي ۵۰ نوري ښځي هم د خپلو لاسونو په تڼاکو کورنۍ ته حلاله روزي ګټي.
انځور: M. Usman Barakat
پر ښځو اقتصادي فشارونه
د یادي نانوايي په منځ کي یوه بله ښځه د قدريې په نامه ډوډۍ پخولو ته ناسته ده. هغه هم له خپل دغه کار څخه خوشحاله ده او وايي د کورنیو اقتصاد سخت کمزوری سوی، چي تر ټولو ډېر بوج د ښځو پر اوږو دی. د دې په قول، د خصوصي شرکتونو ترڅنګ دي د طالبانو دولت او نړيوالي مؤسسې د ښځو د اقتصادي ستونزو د راکمولو له پاره لاس په کار سي، ترڅو زیاتي کورنۍ له روان ترینګلي اقتصادي حالت څخه وژغورل سي.
انځور: M. Usman Barakat
خصوصي پانګونه
په کندهارښارکي د عزیزي ګروپ په نامه د خصوصي شرکت مرستیال هدایت الله عزیزي له دویچه ویله سره په خبرو کي وویل چي دغه نانوايي يې د جمهوري نظام له سقوط څخه وروسته ځکه جوړه کړه، چي دلته یودم لوی سیاسي بدلون راغلي او ډېري کورنۍ پکښي له اقتصادي مشکلاتو سره مخامخ سوې.
انځور: M. Usman Barakat
هم ثواب هم خرما
عزیزي وايي، که څه هم په دې کار کي ډېره ګټه نه کوي، خو په دې ډېر خوشحاله دی، چي د پنځوسو غریبو ښځو ترڅنګ یوشمیر نارینه هم د همدې نانوايي څخه هرماښام کورته یوڅه ګټه وړي.
انځور: M. Usman Barakat
د هر کار له پاره مشخص کسان
د عزیزي په خبره په شرکت کې ۵۰ ښځي په ډوډۍ پخولو کي کار کوي، ۱۰ تنه اوړه خمیر کوونکي او ځوالې جوړونکي اخته دي، ۴ کسان د هري ورځي پخه ډوډۍ په منظم ډول پلاسټیکانو کي اچوي، ۱۵ کسه بیا وېشوونکي دي، چي دغه پخه سوې ډوډۍ د کندهارښار ټولو برخو ته رسوي. یو نفر منشي او بل نفر بیا زرنج لرونکی دی، چي اوړه راوړي.
انځور: M. Usman Barakat
خراب اقتصادي وضعیت او بې کاري
په کندهارکي داسي مهال پنځوس تنې ښځي په یوې نانوايي کي ډوډۍ پخوي چي د هیواد په سطحه خلک له کمزوري اقتصاد، وزګارتیا او په بازار کي د خوراکي او غیري خوراکي شیانو د لوړو نرخونو څخه شکایت کوي.
