په اندونيزيا او تاليند کې مهاجرو ماشومانو بد وضعيت
۱۳۹۷ تیر ۳, یکشنبه
د توماس رويترز بنسټ په حواله په بنکاک او اندونيزيا کې مهاجر ماشومان له سخت ژوند سره مخامخ دي. انساني قاچاق، اجباري کارونه، تعليم ته نه لاسرسی، جنسي استفاده او ناروغۍ هغه بيلګې دي چې دوی ورسره لاس او گریوان دي.
اعلان
کمپاين کوونکي وايي په بنکاک او جاکاراتا کې د قانوني حفاظت د نه موجودیت له امله په زرونو مهاجر ماشومان د انساني قاچاق دتر ټولو لوړ خطر او همدا ډول اجباري کارونو سره مخامخ کړي دي.
د تایلند او اندونيزيا په پلازمينو (بنکاک او جکاراتا) کې له ۲۰ زرو څخه ډیر مهاجر ژوند کوي، چې له دوي څخه اکثره يې ماشومان دي. دغو دواړو هیوادونو د ۱۹۵۱ کال د ماشومانو کنوانيسيون، کوم چې د ماشومانو د قانوني حفاظت ژمنه کوي، لاسليک کړی نه دی.
په بنکاک کې د نن شنبې ورځ په يوه خپور شوي رپوټ کې د ماشومانو د ژغورنې ادارې څخه د راتيروز سوپاپورن له قوله ويل شوي دي: دا په دې معنی ده چې دوي [ماشومان] د زورونې او ناوړه استفادې تر څنګ له دې هم ويريږي چې د تاوتريخوالو د رپوټ ورکولو په صورت کې به يا ونيول او يا اخراج کړل شي.
ميرمن راتيروز ويلي دي: «مهاجر له خپلو هيوادونو څخه د ليرې والي له امله هم ناهيلې وي، له دوي څخه ډیری يې يو اجنټ پورې تړلي وي، چې کيدای شي هغه ورته زيان ورسوي.»
هغې د خپلو خبرو په دوام وويل: «په کوربه هيواد کې د دوی امنيت ښه نه دی. دوی دباندي وتلو څخه ويره لري چې مبادا آزار او اذيت او يا ناوړه استفاده به ورڅخه وشي. په ځانګړې توګه ماشومان له ډير خطر سره مخ دي.»
په دغه خپور رپوټ کې همدارنگه ويل شوي دي چې په بنکاک او جاکاراتا کې ډیری مهاجر ماشومان ښوونځيو ته لاسرسی نه لري او اکثره يې د مختلو ناروغيو او رواني فشارونو څخه کړيږي.
په رپوټ کې د راتيروز سوپاپورن له قوله ويل شوي دي: « ماشومان د پيسو له پاره بهر وړل کيږي، ځکه خو له دوی څخه په کم عمر کې کار اخیستل کيږي او دا د انساني قاچاق او جنسي استفادي خطرونه لوړولی شي.»
د ماشومانو د ژغورنې رپوټ په داسې وخت کې خپريږي چې د امريکا د ولسمشر دونالد ترمپ د مهاجرت سياست هم په وروستيو کې د ماشومان په تړاو په پراخه کچه غبرګونونو له ځانه سره لرلي دي. د دغه قانون پر اساس د مکسيکو پر سرحد مهاجر ماشومان د امريکايي چاروکوا له خوا د هغوي له مور اوپلار څخه جلا کيدل او په موقتي هستوګنځایونو کې ساتل کيدل. تر ډیرو انتقادونو وروسته بلاخره ترمپ دې ته اړ شو چې له والدينو څخه د مهاجرو ماشومانو د نه بيلولو فرمان صادر کړي.
د مهاجرت پر موضوع زموږ له آرشيف څخه يو انځوريز البوم هم کتلی شئ!
انځورونه: د روهنګيا مهاجر ماشومانو دردونکی وضعيت
دولس کلن روهنګيايي مهاجر نورحافظ په يوازې سر د خپلې ۹ کسيزې کورنۍ سرپرستي کوي. پلار يې بنګله ديش ته تر مهاجر کيدو د مخه لادرکه شوی دی. نور حافظ اوس له خپلې مور، خويندو او ورونو سره په بنګله ديش کې په يوه کمپ کې اوسيږي.
انځور: Reuters/A. Abidi
کشر خو د کور مشر
۱۲ کلن نورحافظ د بنګله ديش په پالونګ کمپ په سره ګرمۍ کې خپلې چترۍ سره ګرځې او د علاقمندو کسانو پر سر سيوری کوي تر څو يې له هغو يوه اندازه پیسې ترلاسه کړې وي. هغه چې لا ماشوم دی د خپلې ۹ کسيزې کورنۍ سرپرستې ور د غاړې شوې ده.
انځور: Reuters/A. Abidi
د يوې يورو ګټل تر ټولو ښه ورځ
نور حافظ وايي. «ځينې ورځې له۵۰ تر ۱۰۰ تاکا ګټم. کله خالي لاس کورته ګرځم. يو تاکا د يور له يو سنت سره برابر ده. په ۵۰ تاکاو سړی کولای شي د کمپ په بازار کې شاوخوا ۲۵۰ ګرام شنه مرچک واخلي. يو خوراک چرګ هم شاوخوا ۱۵۰ تاکا خرخيږي».
انځور: Reuters/A. Abidi
«پوځيانو زموږ کورنه وسوځول»
رابعه او ماشومان يې دوه میاشتې مخکې د ميانمار په راخينه ايالت کې له خپل کلي وشړل شول. دغه ۳۳ کلنه ښځه وايي: « پوځيانو زموږ کورنه وسوځول، داسې کورونه يې هم وسوځول چې لا خلک په کې ول. ما ډير کسان وليدل چې په ګوليو لږيدلي او ټپيان ول». دغه کورنۍ د خپل کور تر لاسه ورکولو وروسته د نيکه او نيا کور ته ولاړل، خو يوه ورځ وروسته هلته هم پوځيان ورسيدل.
انځور: Reuters/A. Abidi
د اتو ماشومانو مور
نور حافظ په اتو خويندو او ورڼو کې تر ټولو مشر دی. کله چې دوي د خپلې نيا او نيکه کور ته ولاړل او بيا هلته هم ورپسې ميانماري ځواکونه ورسيدل، هماغه وخت د هغه پلار وتښتيد چې تر اوسه لادرکه دی. تر هغې وروسته رابعه د خپلو اتو ماشومانو سره د بنګله ديش پر لور راوخوځيده او توانيده چې ځان د دغه هيواد کوکس بازار ته ورسوي. په کمپ کې د زيات عمر لرودونکي روهنګيايي مهاجر له هغې سره د خپل وس په اندازه مرستې کوي.
انځور: Reuters/A. Abidi
مرستو پورې تړلی ژوند
د کوکس بازار په کمپ کې د ميشتو روهنګيايي مهاجرو ژوند د کمکي موادو سره تړلی دی. د نور حافظ کورنۍ هم په همدې ډله کې راځي. روهنګيايانو د تيښتې پر مهال يوازې خپل سر، د هويت اسناد، يو څو قطعې عکسونه او له بارانه د محافظت په موخه يو يو څادر راخيستی وو.
انځور: Reuters/A. Abidi
په کمپ کې دننه اضافي لګښتونه
پر مهاجرو يوازې څو قلمه خوراکي مواد؛ لکه: غوړي، عدس او پياز په ويشل کيږي چې دا تر ډيره کافي ندي. له همدې وجې په کمپ کې وړې هټۍ هم خلاصې شوي دې چې په کې د شنه مرچ، ترکاري، د حاملګۍ ضد ګولۍ، سګرت او داسې نور شيان خرڅیږي. خو دلته نرخونه د بازار په پرتله يو څه ګران دي.
انځور: Reuters/H. McKay
نور حافظ په ميانمار کې هم کار کاوه
نور حافظ په ميانمار کې هغه توکي پلورل چې پلار به ېې له سوداګرو رانيول. بې وطنه روهنګيايانو په ميانمار کې د ورستيو راوتلو تاوتريخوالو څخه د مخه هم تعليم ته لاسرسی نه درلود. دغه مسلمان اقليت سره د کار په بازار کې هم تبعيضي چلند ترسره کيده.