په اندونيزيا کي به ديني عالمان په واکسين کي لومړيتوب ولري
۱۳۹۹ مهر ۲۲, سهشنبه
اندونيزيا غواړي چي په روان ميلادي کال کي لا خپلو وګړو ته د کرونا ضد واکسين لګولو کامپاين پېل کړي. ديني عالمان به له لومړي کسانو څخه وي.
انځور: Reuters/W. Kurniawan
اعلان
په داسي حال کي چي په زیاتو لوېديځو هيوادونو کي اټکل کيږي چي د کرونا ضد واکسين به په راتلونکي ميلادي کال وګړو ته ورسيږي، اندونيزيا غواړي چي په روان ميلادي کال لا د کرونا ضد واکسين لګولو کامپاين پېل کړي. په دې ترڅ کي د هغو ډلو ليسټ جوړ کړل سوی دی چي په لومړي سر کي به ورته واکسين لګول کيږي. په دغو لومړيتوب لرونکو ډلو کي ديني عالمان هم شامل دي.
د اندونيزيا خبري آژانس انتارانيوز د دوشنبې ورځي (د ۲۰۲۰ کال د اکتوبر ۱۲نېټه) د يو خبر له مخي اندونيزيا اټکل کوي چي له دوو چينايي درمل جوړونکو شرکتونو (CanSino Biologics) او (Sinovac) څخه به لومړي واکسينونه ترلاسه کړي.
هغه نفوس هغه ډلې چي د واکسين کولو پر وخت به لومړيتوب ولري پکښي د ډاکټرانو، طبي پرسونال، عسکرو او پوليسو تر څنګ ديني مشران هم شامل وي. ياد لومړيتوب د ولسمشر جوکو ويدودو له خوا تېره اونۍ امر سوی و. په اکتوبر مياشت کي لا د ولسمشر مرستيال او نامتو ديني عالم معروف امين ويلي ول چي د کرونا ضد واکسين حتمي نه دی چي د اسلام د اصولو سره سم پاک واوسي.
د آنتارا نيوز خبري آژانس د معلوماتو پر اساس اندونيزيا غواړي چي د ۲۰۲۲م کال تر پايه پوري له خپل ۲۷۰ ميليونو انسانانو څخه ۱۶۰ ميليونه يې د کرونا ضد واکسين کړي. اندونيزيا د اړين واکسين ترلاسه کولو له پاره نه يوازي د يادو دوو او نورو چينايي شرکتونو سره تړونونه لاسليک کړي دي، بلکي له بريتانوي شرکت (AstraZeneca) ته يې هم د سل ميليونو کسانو له پاره د واکسين فرمايش ورکړی دی. اټکل کيږي چي د ۲۰۲۱م کال د جولای تر نيمايي پوري به د اندونيزيايي درمل جوړونکي يو شرکت (BioFarma) واکسين هم چمتو سوی وي. زياته سوې چي ياد اندونيزيايي شرکت د چينايي او بريتانوي واکسينو د جوړولو له پاره هم خپل امکانات پراخ کړي دي.
په اندونيزيا کي دمګړی د کرونا ۳۳۷۰۰۰ مثبت پيښي تصديق سوي چي پکښي ۷۸۰۰۰ يې لا فعالې پيښي بلل کيږي. د کرونا پاندمي له پيل راهيسي په دغه هيواد کي ۱۱۹۳۵کسان په کرونا مړه سوي دي. په سويل ختيځه آسيا کي اندونيزيا د فلپاين وروسته دويم تر ټولو له کرونا اغېزمن سوی هيواد دی.
آ./ا.ا./ن.ز.
پر ورته موضوع زموږ له آرشيف څخه يو انځوريز راپور(13.01.2017):
انځوریز رپوټ: د نړۍ ملکې؛ له حسن نیولې بیا تر بی کورۍ
دغه سیالۍ په ۲۰۱۳ م کال کې په اسرائیلو کې ترسره شوه، چې له ۷۰ څخه تر ۹۴ کلنۍ پورې ښځو په کې ګډون کړی وو. دغې رمانیوي ښځې د هولوکاست د ژغورل شویو د ملکې لقب ترلاسه کړ.
انځور: picture-alliance/dpa
د معیوبینو ملکه
دغه سیالي د هغو ښځو تر منځ ترسره کیږي چې خپله پښه یې د ماین په چاودنه کې له لاسه ورکړې وي. د دغو سیالیو بنسټ ایښودونکې مورتن تراوویک وایې چې دا کار د جګړو د قربانیانو د روحیې تقویه کیدو سبب ګرځي.
انځور: picture-alliance/dpa
کم عمره ملکې
اته کلنۍ نجونې له خپلو ښایسته جامو او د خپل عمر له نجونو سره د ښکلا په سیالیو کې برخه اخلي. فرانسه غواړي دغه سیالي له ۱۶ کلنۍ څخه د کم عمر لرونکو نجونو له پاره منع کړي.
انځور: Imago/XINHUA
بی کوره ملکه
تریزه فان بیله په ۲۰۰۹ کال کې په بروکسل کې د بی کوره ښځو د ملکی په توګه انتخاب شوه. د آرته فیکس خیریا ټولنې په دې توګه وغوښتل بی کوره خلکو ته د نړوالو پام را واړوي.
انځور: picture-alliance/dpa
ښځنوکي نارینه
هغه کسان چې په دې سیالیو کې د صحنې مخې ته را څرګندیږي ښځې نه بلکې نارینه دي. دغه سیالي له ۲۰۰۴ کال راهیسې ترسره کیږي، تر څو په ټولنه کې د جنسیت بدلولو د منل کیدو موضوع بهتره شي.
انځور: picture alliance/ASIAN NEWS NETWORK
د جامبو ملکې
دغه سیالي د چاقو ښځو تر منځ ترسره کیږي. ګډون کونکي باید لږ تر لږه ۸۰ کیلو وزن ولري. په ۱۹۹۷ کال کې د دې سیالۍ بنسټ کیښودل شو
