د ایران د قضایه قوې د معلوماتو له مخې پنځه تنه چې د ډله یيز جنسي تیري په تور په اعدام محکوم شوي وو. د ایران قضايي ادارې د چهارشنبې په ورځ د «میزان انلاین» په نوم په خپله وېبپاڼه کې اعلان کړی وو چې دغو کسانو د ۲۰۲۲ کال د مې په میاشت کې د مارند په ښار کې یوه ښځه تښتولې او جنسي تېری یې ورباندي کړی وو.

«ايران په ۴۸ ساعتو کې ۱۱ بلوڅان اعدام کړي دي»

لکه څنګه چې میزان خبري اژانس لیکلي، ټولو پنځو تورنو کسانو "د پوښتنو گروېږنو پر مهال په خپلو جرمونو اعتراف کړی دی."
یاد خبري آژانس د عمومي څارونوال له قوله ویلي چې دغه تورن کسان د جنسي تیري په تور په اعدام محکوم شوي دي.

د ایران په زاهدان کې څلور پولیس په ډزو وژل شوي

د دغو کسانو اعدام د اگست په ۹ نېټه چهارشنبه ترسره شو. د هغوی نومونه نه دي په ډاګه شوي.
تر دې دمخه هم د جولای په میاشت کې درې تنه اعدام شوې ول. دغه تورن کسانو د ایران په جنوب کې یو شمیر ښځې د پلاستیکي جراحی جعلي کلینیک ته استخدام کړې وې، وروسته یې بیا بیهوشه او جنسي تیری ورباندي کړی وو.