د سوريې کوباني ښار ته نزدې د ترکيې په سرحدي ښار سوروچ کي چاودني تر ۲۷ زيات انسانان وژلي او تر ۱۰۰ زيات نور ئې ټپيان کړي دي. ويل کيږي چي دا يو ځانمرگی بريد وو. د پيښي پړه تر اوسه پوري چا نه ده منلې.
انځور: picture-alliance/AA/R. Maltas
اعلان
د ترکيې په جنوب ختيځ سوروچ ښار په يوه فرهنگي مرکز کي د يوې غونډي پرمهال چاودني سخته مرگ ژوبله اړولې ده. ترکي چارواکو ويلي دي چي امکان لري يوه ځانمرگي بريد کوونکي له چاودېدونکو موادو ډک موټر چولی وي. په اړه ئې څېړني رواني دي.
د ترکيې د کورنيو چارو وزارت ويلي دي: «د لومړيو راپورونو له مخي په پيښه کي ۲۷ کسان وژل سوي او تر ۱۰۰ زيات ټپيان سوي دي. د وژل سوو کسانو شمېر کيدای سي نور هم لوړ سي.»
سوروچ ښار د سوريې د کوباني ښار په لس کيلومترۍ کي پروت دئ. د دغه ښار ډېر اوسېدونکي کردان دي او ډېری ئې د سوريې له جگړې څخه تښتېدلي وگړي دي.
په کوباني کي د کردانو او افراطي ډلي «اسلامي دولت» ترمنځ جگړه روانه ده. د روان کال د جنورۍ مياشتي په پای کي کردانو دغه ښار تر مياشتو جگړو وروسته له افراطيانو څخه آزاد کړ.
په سوريه کي د کورنۍ جگړې له پيل راهيسي د ترکيې پر سرحدي ښارونو باندي څو واري توغندی توغول سوي دي.
د سوريې کورنۍ جگړه او د کيمياوي وسلو کارونه
د سوريې په کورني جنگ کي تر اسه پوري تر سلو زرو زيات انسانان وژل سوي دي او تقريباً ۶ ميلیونه کسان کډوالۍ ته اړ سوي دي. د سوريې د کورني جنگ يو حالاتو ته يوه انځوريزه کتنه.
انځور: Reuters
۲۰۱۱ کال د مارچ ۱۵
په سوريه کي د بشارالاسد رژيم پرضد پاڅون د ۲۰۱۱ کال د مارچ د مياشتي پر ۱۵ نېټه له اعتراضونو سره پيل سوي. د اعتراضونو په لومړيو ورځو کي د کومت او احتجاج کوونکو تر منځ په اخ و ډب کي نزدې سل تنه ووژل سول.
انځور: dapd
۲۰۱۱ کال د جون ۲۳
د ۲۰۱۱ کال په جون مياشت کي لومړی ځل وو چي د سوريې له اړخه د ترکيې پرخاوره باندي توغندی لگېدلې تر هغه وروسته د سوريې او ترکيې او دغه راز لبنان او اردن تر منځ سرحدي شخړي پيل سوې.
د حمص ښار چي پاڅونکوونکو ستر مرکز وو، سخته مرگ ژوبله پکښې رامنځ ته سوه چي په دغه وخت کي په سوو انسانان ووژل سول.
انځور: dapd
د ۲۰۱۲ کال د فيبرورۍ ۲۵
د نړۍ تر ۶۰ هيواونو زيات سره راټول سول او د «سوريې د دوستانو ډله» يې جوړه کړه، تر څو په سوريه کي کړکېچ ته د پای ټکی کښېږدي.
انځور: REUTERS
د ۲۰۱۲ کال د اپريل ۱۴
د ملگرو ملتونو د امنيت شورا د پريکړي له مخي دغه سازمان سوريې ته د اوضاع د څېړلو له پاره خپل استازي ولېږل.
انځور: picture-alliance/dpa
د ۲۰۱۲ کال د اگست ۲
د ملگرو ملتونو پخوانی سرمنشي کوفي عنان چي د دغه سازمان له خوا د سوريې د کړکېچ د حل له پاره څانگړی استازی معرفي سوی وو خپله ناکامي اعلان کړه. دغه راز په دغه وخت کي د بشري حقونو سازمانونو په سوريه کي د تازه ووژنو خبر ورکړ.
انځور: Reuters
د ۲۰۱۲ کال د اگست ۲۰
د امریکا متحده ايالاتو جمهور رئيس بارک اوباما، سوريې ته گواښ وکړ چي که تر «سرې کرښي» ترسي له جدي پايلو سره به مخامخ سي. تر «سرې کرښي» تېرېدل د کيمياوي وسلو استعمال ښوول سوی وو.
تر ډيرو جنجالونو وروسته د اسد رژيم دمشق ته څيرمه د زهرجن گاز د استعمال په اړه د ملگرو ملتونو څېړنکو ته د پلټونو اجازه ورکړه.
انځور: picture-alliance/dpa
د ۲۰۱۳ کال د اگست ۲۶
د ملگرو ملتونو څانگړو پلټونو کي دمشق ته څېرمه د گازو د استعمال په اړه خپلي پلټني پيل کړې.
انځور: Reuters
د ۲۰۱۳ کال د اگست ۲۶
د امريکا متحده ايالاتو د بهرنيو چازو وزير په سپينه ماڼۍ کي وويل، چي په سوريه کي د گازو د استعمال په اړه ترديد د يقيني کېدو په حال کي دی. هغه وويل چي د اسد رژيم کيمياوي وسلې کار ولي دي.
انځور: Pierre Torres/AFP/GettyImages
د ۲۰۱۳ کال د اگست ۲۷
د فرانسي جمهور رئيس فرانسوا اولاند په يوه تلويزيوني وينا کي وويل چي په سوريه کي له زهرجن گاز څخه کار اخيستل سوی دی او په دې اړه ئې بايد مسئولین جواب ووايي.
انځور: Reuters/Kenzo Tribouillard/Pool
د ۲۰۱۳ کال د اگست ۲۷
د امريکا متحده ايالاتونو د دفاع وزير چاک هيگل وويل، چي هيواد ئې دې ته تيار دی چي د اوباما له دستور سره سم پر سوريه باندي بريد وکړي. هغه وويل چي پوځ يې حملې ته تيار دی.
انځور: Getty Images
د ۲۰۱۳ کال د اگست ۲۸
د امريکا متحده ايالاتو مرستيال ولسمشر جو بايدن په سوريه کي د اسد رژيم له خوا د زهرجن گاز د استعمال په اړه وويل: «د کيمياوي وسلو کار کوونکو ته بايد سزا ورکړل سي.» هغه زياته کړه: «زه او جمهور رئيس په دې فکر کي يو چي هغه څو ک بايد خپله کړي په سزا ورسيږي چي پر بې گنا کوچنياو، ښځو او نارينو باندي کيمياوي وسلې کاروي.»