د کردي پلوه اچ ډي پي گوند (د خلکو دیموکراتیک گوند) مشران صلاح الدین دیمیرتاس او میرمن فیگن یوکسک داغ، د ترهگرۍ په هکله د تحقیقاتو په ترڅ کې نیول شوي دي. دغه خبر د ترکیې دولتي تلویزون ټي آر ټي او آنادولو خبري آژانس ورکړی دی. زیاته شوې ده چې پر هغوی باندې د ترهگریز پروپاگند، تور لگول شوی دی.
د اپوزیسیون دغه دواړه سیاستوال د اچ ډي پي گوند د نورو ډیرو پارلماني استازو په ډله کې دي چې په تیره می میاشت کې د ولسمشر رجب طیب اردوغان په لمسون هغه له مصونیت څخه بې برخې شول. د ورکړل شوو رپوټونو له مخې دیمیرتاس په دیارباکر کې او میرمن یوکسک داغ په پلازمېنه انقره کې نیول شوي دي.
د دیمیرتاس او یوکسک داغ پر ضد له اوږدې مودې راهیسې «د ترهگریز پروپاگند او د یوه وسلوال ترهگر سازمان د غړیتوب» په شک پلټني کیدې. د ترکیې حکومت کیڼ اړخه لبرال گوند اچ ډي پي، د منع شوي کردي کارگر گوند (پي کې کې) د ملاتړي گوند په توگه یادوي، خو اچ ډي پي بیا دغه تورونه ردوي. په تیره اوونۍ کې د ترکیې یوې محکمې د اچ ډي پي مرستیالې مشرې یوکسک داغ باندې کوم بهرني هیواد ته د سفر کولو بندیز لگولی وو.
تر نیول کیدو لږ مخکي دیمیرتاس د ټولنیزي شبکې ټویټر په خپل پیغام کې لیکلي وو چې په دیار باکر کې د ده د کور مخې ته پولیس ورغلي، څو د نیولو امر پر ځای کړي.
د اچ ډي پي گوند نور سیاستوال هم پولیسو نیولي
د سي ان ان ترک، د تلویزوني چېنل د رپوټ له مخې د پولیسو د تالاشیو په ترڅ کې د اچ ډي پي گوند نور اووه تنه پارلماني استازي نیول شوي دي. زیاته شوې ده چې د ځیني نورو استازو د نیولو امرونه هم شوي، چې لا تطبیق شوي نه دي. په تیرو اوونیو کې د ترکیې حکومت لا تر مخه د کرد مېشته ولایتونو په ډیر شمیر ناحیو کې د ترهگرۍ د ملاتړ په تور د ښاروالانو په ځای سرپرست اداري چارواکي گومارلي دي.
دیمیرتاس ته د ترکیې د ولسمشر رجب طیب اردوغان د یوه مهم سیال په سترگه کتل کیږي. د اچ ډي پي گوند دغه مشر د خپلواکمنه کردي سیمو غوښتنه کوي. اردوغان له دې کبله په تیرو وختونو کې څو واري پر هغه باندې د «خیانت» تور لگولی وو.
په دیار باکر کې چاودنې ۲۰ تنه ټپیان کړي
د اچ ډي پي، د سیاستوالو تر نیولو یوازي څو ساعته وروسته په سویل ختیځ کې پروت په کرد میشته ښار دیار باکر کې د پولیسو یوې ودانۍ مخې ته چاودنه شوې. په چاودنه کې د شا او خوا ۲۰ تنو د ټپي کیدو رپوټ ورکړل شوی دی. د چاودنې علت لا معلوم نه دی او څیړنې ادامه لري.
د ترکیې سویل ختیځ کې چې زیاتره اوسیدونکي یې کردان دي، د ۲۰۱۵م کال په جولای میاشت کې د پې کې کې او د ترکیې د پوځ تر منځ د یوه اوربند تر ختمیدو وروسته کراري نه تر سترگو کیږي. له دغه نیټې راهیسې د ترکیې د امنیتي ځواکونو ۶۰۰ او د پي کې کې ۷۰۰ جنگیالي وژل شوي دي.
نور مطالب:
د ترکيې ناکامه کودتا په انځورونو کي
د ترکيې د يو شمېر پوځيانو له خوا د کودتا هڅه ناکامه شوه. رجب طيب اردوغان د کودتا په وخت په رخصتيو کې وو. د ترکيې ولسمشر د ترکيې له ولسونو وغوښتل چې کوڅو ته په راوتلو سره د کودتاچيانو په وړاندې ودريږي.
انځور: Getty Images/G.Tanپه ترکيه کې کودتا ناکامه وه
کودتا د استانبول په وخت د شپې په نه نيمو بجو پيل شوه.
د ترکيې پلازمېنه انقره د خونړیو نښتو شاهده وه.
په ځينو سيمو کې پوليس له کودتاچيانو سره ونښتل.
په زرګونو خلک د کودتاچيانو په وړاندې
په زرونو خلک د پوځي کودتا په وړاندې له پله واوښتل او استانبول ته ورداخل شول.
وګړو يو زغرور پوځي محاصره کړی دی.
د ترکيې ولسمشر، رجب طیب اردوغان، د تلويزيوني پيغام له لارې له خلکو وغوښتل چې د کودتاچيانو په وړاندې مقاومت وکړي.
پوځيانو په دغه شپنۍ کودتا کې اعلان وکړ چې پوځي حکومت يې رامنځ ته کړی دی.
رجب طیب اردوغان دلته د استانبول په هوايي ډګر کې ليدل کيږي.
په ترکيه کې پوځي کودتا په کوڅو کې د عامو خلکو په لاس مات شو.
د پوځيانو اعلان د نورو رسنيو تر څنګ د "آرتیآر" خبري راډيو تلويزيون له لارې هم خپور شو.
په سړکونو کې د دولت پلويان
په زرګونو خلکو په کوڅو کې د کودتاوالو پر ضد لاریون وکړ.
په هوايي ډګر کې د اردوغان پلويان
اردوغان د خپلې روغتيا ډاډ ورکړ او ويې ويل چې هيڅوک دې اندېښنه ونه لري. له ولسه يې وغوښتل چې د اتاترک هوايي ډګر او کوڅو ته راووځي.
ويل کيږي چې کودتا د منځنۍ رتبې د قوماندانانو له خوا شوې ده. لومړی يې لوی درستيز برمته کړی وو.
د دولت پلويان د کودتاچيانو په وړاندې
د کودتا مخالفينو په دې کې مرسته وکړه چې د پوځي کودتاچیانو اهداف ناکامه پاته شي.
د اردوغان او جنرال هولوسی آکار تر منځ ليدنه
د اردوغان او جنرال هولوسی آکار تر منځ ليدنه وشوه. آکار د ترکيې لوی درستيز دی چې کودتاچيانو يرغمل کړی وو.
قهرېدلو خلکو پر کودتا پلوو سرتېرو بريد وکړ
د کودتاچيانو پر ټانکونو (شوبلو) يرغل
خلک له کودتاچیانو سره د مقابلې او د ټانک د نيولو پر مهال
د پارلمان پر ودانۍ بمباري
په انقره کې د پارلمان پر ودانۍ بمباري وشوه
پولیسو او خلکو يو ځای له کودتاچي پوځيانو سره مقابله وکړه
کودتا به ورته «ګرانه» تمامه شي
د انادولو د خبري اژانس په حواله اردوغان پوځي کودتا «ستر خيانت» بللی دی او ويلي يې دي چې هغه به کودتاچيانو ته په ډېره جګه بيه تمامه شي.
د دولت پلويان د پله د پاسه
د دولت پلويان د پله د پاسه د دغې «تاریخي» ورځې په پلمه عکسونه اخلي.
