چاودنه د پنجشنبې په ورځ په ځایی وخت د سهار په ۰۸:۰۰ بجو رامنځ ته شوه. د والي له دفتر څخه بهر د لوړې چاودنې غږ اوریدل شوی دی. عیني شاهدانو ویلي دي چې د چاودنې په سیمه کې یې څو موټر د سوځیدو په حال کې لیدلي دي.
د ترکیې د کار وزیر محمد موزین اغلو، د «سي ان ان ترک» تلویزیون ته ویلي دي چې برید ښايي د کاردستان د ګارګرو ګوند له خوا ترسره شوی وي.
لا تر اوسه پورې د چاودنې د رامنځ ته کیدو په اړه په رسمي توګه څه نه دي ویل شوي خو د «سي ان ان ترک» تلویزیون ویلي دي چې چاودنه ښایي د یو موټر بم په واسطه چې چلوونکې یې یوه ښځه وه، رامنځ ته شوې وي.
د «سي ان ان ترک» تلویزیون یوه داسې ویدیو خپره کړې ده چې د والي د دفتر مخې ته یو موټر د اور په لمبو کې ښيي. تلویزیون روښانه کړې ده چې ډیر شمیر مرستندویه کسان د چاودنې سیمې ته رسیدلي دي.
د اروپايي ټولنې د چارو له پاره ترکي وزیر عمر سیلیک، په خپله تویتر پاڼه کې د پنجشنبې د ورځې غندلی دی. هغه لیکلي: «ملعونه ترهګرې زموږ پر خلکو بریدونو ته دوام ورکوي. موږ به د انسانیت په نوم له دې ترهګرۍ سره تر پایه پورې وجنګیږو.»
دغه ترکي وزیر روښانه کړې ده چې د ادانا له والي سره یې د تلیفون پر کرښه خبرې کړې دي.
په ترکیې کې په وروستیو وختو کې د موټر بمونو د چاودنې پیښې ډیرې شوې دي. د دغو بریدونو پړه د کاردستان د ګارګرو ګوند او د اسلامي دولت ترهګرې ډلې منلی دی.
ادانا د انجرلیک هوايي اډې ته نزدې چیرې چې د ناټو پرسونل میشت دی، پروت دی. په دې اډې کې د نورو تر څنګ آلماني سرتیری هم وخت تیروي.
یوازې په روانه اوونۍ کې ترکیې وسلوالو ځواکونو په سوریې کې د اسلامي دولت ترهګرې ډله نهه وارې تر هدف لاندې راوستې ده.
د آلمان په کولن ښار کې د اردوغان د پلویانو مظاهره
د آلمان په کولن ښار کې د ترکیې د جمهور رییس رجب طیب اردوغان شاوخوا ۳۰ زره پلویان مظاهره کوي. په عین وخت کې د ترکیې د ولسمشر مخالفینو، او یوې ښې اړخې ډلې هم مظاهرو ته چمتوالی ښوولی دی. انځور: DW/D. Cupolo په دې انځور کې د پلان شويو مظاهرو یو شمیر تنظیموونکي ښوول کیږي.
انځور: picture-alliance/dpa/H. Kaiser په آلمان کې میشت ډیر شمیر ترکان د آلمان په کولن ښار کې ډیر شمیر ترکان ژوند کوي. د دغو ترکي اتباع رایي په ترکیې کې د میشتو سیاستوالو له پاره ډیر اهمیت لري.
انځور: DW/C.Bleiker په آلمان کې د ترکیې کورني مسایل دغه میرمن د ترکیې او آلمان بیرغونه له ځان سره لیږدوي. د آلمان د بهرنیو چارو وزیر شتاینمایر، ویلي دي چې دا سمه نه ده چې د ترکیې کورنۍ ستونزې آلمان ته راوړل شي. هغه په بیلابیلو ډلو د ځغم غږ کړی دی.
انځور: picture-alliance/dpa/H. Kaiser پولیسو د څلور مظاهره کوونکو اړخونو تر منځ د احتمالي تاوتریخوالي د مخنیوي له پاره شدید امنیتي تدابیر نیولې دي. د اردوغان پلویان، د هغه مخالفان او ښي اړخي په یوه وخت کې مظاهره کوي.
انځور: picture-alliance/dpa/O.Berg د کولن ښار پر یوه پله باندې د پولیسو اوبه پاشوونکی موټر ولاړ دی. د احتمالي تاوتریخوالي د مخنیوي له پاره ۲۷۰۰ پولیس په دې سیمه کې توظیف شوي دي.
انځور: picture-alliance/dpa/H. Kaiser هر څوک باید خپل نظر وشي ویلی د آلمان د زرغون ګوند مشر چم ازدمیر، ویلي دي چې د اردوغان منتقدین باید د هغه د پلویانو له خوا و نه ویرول شي.
انځور: picture alliance/dpa/C.Hardt په آلمان کې میشت په زرهاو ترکان د اردوغان ملاتړ کوي. د هغوی له ډلې څخه یوه یې دویچه ویله ته وویل: «اردوغان زموږ قوماندان دی او موږ یې سرتیري یو.». انځور له ارشیف څخه.
انځور: DW/D. Cupolo د سیاسي اسلام په لور حرکت ۳۳ کلن اسماعیل دویچه ویله ته وویل چې د اردوغان ملاتړ کوي ځکه هغه د ترکیې دولت د ټولنې اسلامي ریښو ته نزدې کوي. انځور له ارشیف څخه.
انځور: DW/D. Cupolo د اردوغان ډیر شمیر پلویان په دې اند دي چې هغه د ترکیې اقتصاد پیاوړی کړی.
انځور: DW/D. Cupolo اردوغان په خپل ضد تر ناکامې کودتا وروسته ډیر شمیر کسان نیولې او یا هم له دندو ګوښه کړي دي.
انځور: DW/D. Cupolo اردوغان وایي چې فتح الله ګولن یې پر ضد کودتا رهبري کړې وه. ګولن په امریکا متحده ایالاتو کې دی او په کودتا کې خپله ښکیلتیا ردوي.
انځور: DW/D. Cupolo
