په جاپان کې توپانونو او غير عادي اورښتونو د نژدې ۱۰۰ انسانانو ژوند اخيستی دی. دا خبره حکومتي وياند یوشيهايده سوگا، وکړه. هغه زياته کړه چې تر اوسه د ۸۷ تنو مړينه تائيد شوې ده. همدا راز په دې ترڅ کې ۱۳ نور کسان هم مړه موندل شوي دي. سربيره پر دې اوس هم یو شمير انسانان لادرکه دي.
د دوشنبې په سهار په لويديځو او مرکزي سيمو کې چې ډيري اغیزمنې شوې وې، باران دريدلی دی. هلته ډير کلي په بشپړه توگه سیلابه لاندې کړي ول او د ځمکې ښويدو له کبله اغیزمن شوي ول. د هوا پيژندنې ادارې د اغیزمنو سيمو له پاره د خطر درجه په لومړي سر کې راټیټه کړې ده خو چارواکو د ځمکې ښويدو له خطره خبرداری ورکړې دی.
په دې منځ کې د سيلاب د زور تر ختلو وروسته ژغورونکې عمله هم هغو سيمو ته په رسیدو توانيدلې چې مخکې ورته ورتگ سخت وو. چارواکو هلته په ويجاړو شويو کورونو کې د نورو مړيو او ټپيانو په هلکه هم انديښنه څرگنده کړې ده.
مرستندويان په يوه ويجاړ شوي کور کې په ژونديو پسې لټه کويانځور: Reuters/Kyodo د حکومتي وياند يوشيهايده سوگا، په حواله په ټولیزه توگه ۵۴ زره مرستندويانو چې عسکر او پوليس هم پکښې شامل دي، د بندو پاته شويو، ټپيانو او مړو په لټه کې دي. لومړي وزیر شينزو ابې، غږ کړی چې د انسانانو د موندلو له پاره دي له هرې لارې چارې کار واخيستل شي. هغه وويل: «موږ ډير کم وخت لرو.»
د تلفاتو شمير ښايي نور هم لوړ شي
له اورښتونو او سيلابونو څخه تر ټولو زياته د هيروشيما شا او خوا سیمه اغيزمه شوې ده. هلته ۳۷ کسان مړه شوي او ۴۰ نور لادرکه دي. د جاپان په جنوب لويديځ شيکوکو سيمه کې ۲۲ کسان وژل شوی او په سونو رزه د سيلابونو له کبله د خپلو کورونو پريښودو ته اړ شوي دي.
نورو بيا د کورونو پر بامونو پناه اخيسته وه او د ژغورونې په انتظار ول. په ټولیزه توگه د جاپان د ۱۹ اداري سيمو پر کابو ۶ ميليونه وگړو د کورونو د پريښودو غږ شوی وو. د کويدو خبري آژانس په حواله په سونو کورونه زيانمن شوي دي.
dpa, afd(B.S/N.Z)
زموږ له آرشيف څخه:
په جاپان کې موسمي بارانونو لسګونه کسان وژلي
د جاپان په جنوب کې د شدیدو بارانونو له کبله سیلابونه راوتلي او په ګڼ شمیر سیمو کې ځمکې ښویدلي دي. په ځینو سیمو کې ان له یو متر څخه هم ډیر اورښت شوی چې له امله یې نږدې ۲ میلیونه انسانان د خپلو سیمو پریښودو ته اړ شوي دي.
انځور: picture-alliance/AP Photoد جاپان شدیدو بارانونو د لږ تر لږه ۶۵ کسانو ژوند اخیستی او د څلورو نورو کسانو ژوند د اندیښنې وړ ښوول شوی. سربیره پر دې لسګونه نور بیا تري تم شوي دي. د جاپان د هوا پیژندې د ادارې یوه چارواکو رسنیو ته ویلي چې موږ تر دې وړاندې دغه راز باران هیڅکله نه وو تجربه کړی.
د جاپان په کوراشیکي ښار کې د اوبو د سطحې د لوړیدو له کبله خلک بامونو او بالکونو ته ختلي دي. ځینې کسانو ان ساعتونه انتظار وکړل ترڅو وژغورل شي.
جاپاني چارواکو د اورښتونو له امله د زیانمنو شوو سیمو شاوخوا ۳،۶ میلیونه انسانانو د تخلیې امر کړی دی.
د جاپان لومړي وزیر شینزو ابې وضعیت «خورا ډیر جدي» یاد کړی او خپل حکومت ته یې امر کړی چې د قربانیانو د ژغورلو له پاره لستوڼي بډ وهي. آبي د یکشنبې په ورځ خپلو وزیرانو ته وویل: «دا له وخت سره مبارزه ده.» لا هم ځینې داسې کسان شته چې مرستو ته اړتیا لري.
د شدیدو اورښتونو له کبله د جاپان په ځینو ښارونو کې ځمکې ښویدلي دي. چارواکو د شاوخوا ۲ میلیونه انسانانو د تخلیې امر کړی دی. د حکومت یوه ویاند یوشیدي سوګا یوې خبري ناستې ته وویل: «ډیر شدید سیلابونه او د ځمکې ښوویدنې شدیدې پیښې رامنځ ته شوي دي.»
جاپان شاوخوا ۴۸ زره د پوځي سرتیرو، پولیسو او اور وژونکو ته امر کړی چې د ژغورنې هڅې ګړندی کړي. د سیلابونو يا نيزونو او اورښتونو له کبله د جاپان ځینې مهم بنسټونه لکه د اورګاډو پټلۍ هم زیانمنې شوی دی.
د جاپان د هوا پیژندنې ادارې د جاپان غربي سیمو ته تر ټولو د لوړ خطر زنګ وهلی دی. تر ټولو جګ د خطر زنګ هغه وخت وهل کیږي کله چې وضعیت ډیر د خطر وړ وي. (AFP, Reuters, AP)
