جرمونه
په جرمني کی غلا سوی لوکس موټر په اتریش کي پیدا سو
۱۳۹۹ اردیبهشت ۶, شنبه
اعلان
د اتریش پولیس پرون جمعه (د اپریل میاشتي ۲۴ مه) د یوې بلي قضیې د پلټني په خاطر د موټرو یوه ورکشاف ته ورغلي وه، چي د دغه لوکس سپورټي موټر سره مخامخ سول. پولیسو اوس دغه لامبورجیني موټر د ځان سره بیولی دی.
لکه څنګه چي د جرمني پولیسو نن شنبه (د اپریل میاشتي ۲۵ مه) تایید کړه، دغه موټر د ۲۰۱۹ م کال په سپټمبر کي د هیسن ایالت د شریکن باخ ناحیې د یوه کور د ګاراج څخه غلا سوی ؤ.
د اتریش پولیسو همدارانګه ویلي دي، چي غلا سوي موټر اصلأ تور رنګ درلود او اوس تازه هغه ته تیز زرغون رنګ ورکول سوی ؤ. خو دوی اطمینان لري چي دا به همهغه په جرمني کي غلأ سوی موټر وي. وروستۍ پلټني به دا خبره په اثبات ورسوي.