په جرمني کې د یوه مسلمان مړی په ناپامۍ سوځول شوی
۱۴۰۱ دی ۳, شنبه
د روانې میاشتې په پیل کې د هانوور په عدلیي طب کې د دوه جسدونو له بدلیدو وروسته د یوه مسلمان جسد وسوځول شو.
د مسلمان کس کورنۍ ډېره غمجنه ده، ځکه په اسلام کې د جسد سوځول اجازه نه لري.
د دې طبي مرکز ویاند د جمعې په ورځ وویل چې «د هانوور عدلیې طب په جسدونو کې د تېروتنې له امله خفه دي او موږ د دې جسد له خپلوانو سره خواخوږي لرو».
د آلمانۍ ورځپاڼې «هانوفرشه الگماینه څایتونگ» د رپوټ له مخې د روان کال د ډسمبر په ۱۶ نیټه د یوه ۷۱ کلن سړي د جسد له سوځولو وروسته چې د ترکیې تبعه و، د هانوور پولیسو ته خبر ورکړل شو.
د دغه مسلمان جسد د هانوور ښار د یوه ۸۱ کلن سړي له جسد سره بدل شوی چې ټاکل شوې وه وسځول شي.
د بدل شوي سړي د جسد ایره تیره دوشنبه خښه کړل شوه.
د آلمان په کولن ښار کې په لومړي ځل اذان اورول کيږي
دا تېروتنه هغه مهال رابرسېره شوه چې د وژل شوي ۷۱ کلن مسلمان د کورنۍ غړو د جنازې د مراسمو لپاره چمتووالی نیوه.
وروسته له هغه چې د سوځل شوي مسلمان سړي کورنۍ په دې تېروتنه پوه شوه، پولیسو ته یې زنګ وواهه.
د پولیسو یوه ویاند تایید کړه چې « دوی د دواړو جسدونو د کورنیو له غړو سره خبرې کوي».
پولیسو ویلي دي چې «کومه جنایي څیړنه نه ده پلان شوې ځکه هیڅ داسې نښې نښانې نشته چې دا دې قصدي عمل وي.»
آ./ز.ن./ا.ا.