د شرقي ترکستان د اسلامي غورځنګ هدف د اویغور تر تسلط لاندې د چین د شمال غربي سیمو خپلواکي ده. د یادې ډلې د بنسټونو د لمنځه وړلو په هکله د امریکا د پوځ اعلامیه وايي چې د امریکايي ځواکونو هوايي بریدونه باید د افغانستان ګاونډي آرام کړي.
په اعلامیه کې همدا راز ویل شوي چې د اویغوریانو تر ولکې لاندې دغه ترهګریزه ډله چین ته ګواښ پیښوي او زیاته شوې چې دوی د چین د پولې په اوږدو کې په بدخشان کې د طالبانو ملاتړ له ځانه سره. اعلامیه همدا راز وايي چې د امریکا د پوځ د هوايي بریدونو هدف دا دی ترڅو له افغانستان سره مرسته وکړي ترڅو خپلو ګاونډیو ته دا ډاډ ورکړي چې دغه هیواد د ترهګرو له پاره خوندي پټنځای نه دی تر څو له دې خاورې څخه د پولې بلې خوا ته عملیات ترسره کړي.
په ننګرهار کې د داعش پر ضد عملیاتو انځورونه:
په ننګرهار کې د داعش پر ضد عملیاتو انځورونه
د ننگرهار چارواکي ادعا کوي چي په خوږياڼو ولسوالۍ کي د عملياتو په ترځ کي تر اوسه پوري په لسونو داعشيان وژل شوي او څو نور يې ټپيان کړي دي. خو ډيري کورنۍ هم بې ځايه سوي دي. د دويچه ويله خبريال دغي ولسوالۍ ته ورغلی.
انځور: DW/Omid Deedar
ننګرهار کې چارواکي وايي، د دې ولایت په خوږیاڼو ولسوالۍ کې د داعش پر ضد پیل شویو عملیاتو کې تر اوسه ۲۶ داعش وسله وال وژل شوي او ۳۰ ټپيان شوي دي.
انځور: DW/Omid Deedar
ختیځ کې د ۲۰۱ سیلاب قول اردو د څلورمې پلې لوا قومندان برید جنرال محمد نسیم سنګین نن د خوږیاڼو په پیره خېلو کې دویچه ویله ته وویل، دا عملیات څلور ورځې وړاندې د افغان کومانډو ځواکونو په ګډون د ملي اردو، ملي پولیسو، سرحدي پولیسو ، نظم عامه او سیمه ییزو پولیسو له لوري پیل شوي دي.
انځور: DW/Omid Deedar
نوموړی وايي، تر اوسه دې عملیاتو کې د خوږیاڼو د پیره خېلو ساحې پنځه کلي له داعش پاک شوي او یوه اندازه وسلې او مهمات یې هم له منځه وړل شوي دي.
انځور: DW/Omid Deedar
جنرال سنګین وايي، د داعش د نښان ویشتونکو شتون، د هغوی له لوري سیمه کې د ماینونو پراخ کر او د ځانمرګو شتون د دوی د عملیاتو پر وړاندې لوی خنډ دی. دی وايي، تر اوسه یې له شلو ډېر ماینونه هم شنډ کړي او دې عملیاتو کې تر اوسه ملکي خلکو او امنیتي ځواکونو ته زیان نه دی اوښتی.
