ملګرو ملتونو ویلي دي چې د سوریې په حلب ښار کې تر دوو میلیونو ډیر کسان په بشپړه محاصره کې د بند پاتېدو له ګواښ سره مخامخ دي. دې سازمان حلب ښار ته د بیړني لاسرسي غوښتنه کړې ده.
د سوریې له پاره د ملګرو ملتونو د بشري مرستو د همغږي کوونکي یعقوب الحلو، او د سوریې له پاره د ملګرو ملتونو د سیمه ایزو مرستو همغږي کوونکي کیوین کینیدي، له خوا د سه شنبې په ورځ په یوې ګډې بیانیه کې راغلي دي: «ملګري ملتونه ژوره اندیښنه لري چې که د اوبو او بریښنا شبکې بیا و نه رغول شي، نو پایلې به یې د میلیونونو ملکيانو له پاره ډیري خرابې وي.»
په حلب کې د تیري میاشتې له پای راهسیې جګړې ۱۳۰ تنه ملکي وګړي وژلي دي. جګړې همداراز روغتونونو، کلینیکونه او د ښار بنسټونه لکه د اوبو او بریښنا ویجاړ کړي دي.
په بیانیه کې راغلي دي: «ملګري ملتونه چمتو دي چې د حلب له ملکي وګړو سره مرسته وکړي. د حلب ښار ټول وګړي کړیږي.» بیانیې زیاته کړې ده: «ملګري ملتونه لږ تر لږه یو بشپړ اوربند او یا هم په جګړه کې اونیزو ۴۸ ساعته بشري وقفو ته اړتیا لري چې په حلب کې په میلیونو انسانانو ته رسیدګي وکړي او همداراز خپلې د خوراکي موادو او درملو زیرمې ډکې کړي. دغه زیرمې ډیري کمې شوي دي.»
په حلب کي ورځنی ژوند
په حلب کې ویجاړۍ او ورځنی ژوند
حلب د سوریې ستر اقتصادي ښار وو. خو نن دا یوه ویجاړه دښته ده. د سوریې د حکومتي ځواکونو او یاغیانو ترمنځ نښتو دلته خپلې نخښې پريښي دي. د یوه کلابند ښار ویجاړۍ او ورځنی ژوند په دې انځورونو کې کتلای شئ.
انځور: picture-alliance/dpa/WYD Krakow2016په داسي حال کې چې د ښار یوه برخه د ولسمشر بشارالاسد څواکونو په لاس کې ده، له بلې برخې څخه یې یاغیان دفاع کوي. دواړي برخي سختې زیانمنې شوي لکه دغه د بني زید سیمه.
ځينې کوڅې او محلونه په بشپړه توګه لوټي شوي دي. مرستندویان تر هر برید وروسته د قربانیانو لټه کوي.
ژغورونکې عمله په کار بوخته ده
د یاغیانو په دې سیمه کې د اسد ځواکونو تر بریدونو وروسته د درنو ماشینونو په مرسته د ملبې د ټولو کار روان دی.
د یاغیانو سیمې ته د اسد ځواکونو د داخلیدو د مخنیوي په موخه له هري وسیلې کار اخیستل کیږي. په دې انځور کې لیدل کیږي چې په مشهد سیمه کې ټایرونو ته اور ورته کړل شوی څو برید ګر څه ونه لیدلای شي.
چا چې کور له لاسه ورکړی باید ځانته یوه بله سرپنا پيدا کړي. خلک نه یوازې په خیمو کې اوسي، بلکې د ویجاړو شویو موټرو څخه هم د سرپنا په توګه کار اخیستل کیږي.
د سوریې حکومت د یاغیانو په ولکه کي سیمې پر اوسیدونکو د سیمې څخه د وتلو غږ کړی. دوی باید د ښار په شمال کې دغه کورونو ته پنا یوسي.
مسجدونه هم لکه دلته د قمر الحمرا د ناحیې د عمر بن حطاب مسجد هم له څو کلونو راهيسي له کورنۍ جګړې خوندي نه دی پاته.
جګړه د شپې له خوا هم روانه وي.سرې لمبې آسمان ته پورته کیږي. دا ځل د حکومتي ځواکونو د وسلې یو ډیپو په نخښه شوې.
د ویجاړیو په منځ کې باغچه
د ټولو ویجاړیو ترڅنګ انسانان باید د خپلې خیټې غم هم وخوري. عبدالله الختموي په یوه کوچنۍ ټوټه ځمکه ترکاري کرلې او په دې توګه په قسمي توګه ځان ته خواړه برابروي.
د وچې ډوډۍ د ترلاسه کولو له پاره هم بايد زیاتره وخت خلک په اوږدو کتارونو کې ودریریږي. لکه دلته د حلب په شمالي برخه کې یعني د یاغیانو تر کنترول لاندې سیمه.
د یو څو شیبو له پاره جنګ هیرول
د لوبو په دې ځای کې د حلب د ورځني ژوند یعني جګړو څخه د ماشومانو پام د یو څو شیبو له پاره اوښتې دی. د لوبو دا ځای د جولای میاشتي په سر کې په اتارب ناحیه کې جوړ کړل شو.
په حلب کې داسې صحنې هم لیدل کیږي: د یاغیانو د سیمې ماشومان په کوڅو کې له پلاستکي توپکچو سره لوبې کوي.
ټول ځایونه لا وران نه دي. د سانته ماتلده دغه کلیسا تر اوسه په امان ده. دلته په سونو ځوانانو همدا څو ورځې تر مخه د ځوانانو نړیواله ورځ ولمانځله.
حلب له اوونیو راهیسې په محاصره کې دی. بشارالاسد ته وفادارو ځواکونو د یاغیانو تر کنترول لاندې رسیدونکي ټولې لارې تړلې دي. له دې کبله د حلب ښار په ډیرو برخو کې د خوراکي موادو سخته کمښت دی.
په وروستیو وختونو کې یاغیان توانیدلي دي چې تر خپل کنترول لاندې سیمې له محاصرې یو څه خلاصي کړي خو اوس هم ملکي وګړي له دغو سیمو نه شي تیریدای.
د ملګرو ملتونو په بیانیه کې راغلي دي چې که یوه محاصر د دې لامل شي چې پر ملکي وګړو باندې د خوراکي موادو او اوبو لاره وتړل شي، نو هغه یو جنګي جنایت بلل کیدای شي.
