د خوست امنیه قوماندان جنرال محمد داود امین دویچه ویله ته وویل چې په دغه موټر کې ۸۵۰ کیلو ګرامه چاودیدونکي توکي چې یو پکښې د الوتکې۵۰۰ کیلويي بم وو، ځای پرځای شوي ول.
امين وويل: «دوښمن غوښتل په خوست کې د موټربم خونړۍ حمله وکړي، خو د خوست پولیسو په هلو ځلو دغه موټر بم کشف شو.» په دغه موټر کې له الوتکي څخه غورځونکی بم «نيپال» هم ځای پر ځای شوی وو.
جنرال امین وایي، وسله والو مخالفینو غوښتل، دغه موټر بم برید د خوست ښار په یوه ګڼې ګوڼې ساحه کې ترسره کړي، چې په وینا یې سخت مالي او ځاني تلفات به یې اړولې وای.
د خوست ولايت امنيتي چارواکو ويلي دي چې دغه موټر بم يې په موسي خيلو ولسوالۍ کې تيره شپه د عملياتو پرمهال نیولی دی. د دوی په خبره عمليات هم د دغه موټر بم د کشف په موخه پيل شوي ول.
پوليسو ويلي دي چې د دغه موټر بم په اړه يې وختي لا معلومات لرل. د دغه موټر په تړوا تر اوسه پوري څوک نيول شوي نه دي، خو پوليس وايي چې د موټر بم سيمه يې کلابنده کړې او پلټني رواني دي.
عرفان الله سمسور
زموږ له آرشیف څخه:
په افغانستان کې تر ټولو وژونکي بریدونه
د طالبانو په يوه برید کې د سه شنبې په ورځ په پکتیا ولایت کې تر۳۰ زیات کسان ووژل شول او تر۲۰۰ تنو زیات نور پکښې ټپیان شول. کومو وسله والو بریدونو په افغانستان کې ډیر تلفات رامنځ ته کړي؟
انځور: Reuters/O. Sobhaniد ۲۰۰۷ کال د نومبر ۶مه نیټه
یوه ځانمرګي برید په بغلان ولایت کې د ۵۹ ماشومانو او د پارلمان د شپږو غړو په ګډون ۷۹ کسان ووژل.
انځور: picture-alliance/dpaد ۲۰۰۸م کال د فبروري میاشتې ۱۷مه نیټه
په کندهار کې د سپو جنګولو په موخه د راټولو شویو کسانو په منځ کې ځانمرګي برید د ۵۰ امنیتي ځواکونو په ګډون ۱۴۰ تنه ووژل.
انځور: picture-alliance/Photoshot/S. Seiamد ۲۰۰۸م کال د جولای میاشتي ۷مه نیټه
په کابل کې د هندوستان پر سفارت برید ۶۰ کسان ووژل.
انځور: Getty Images/AFP/S. Maraiد ۲۰۰۹ کال د اګست ۲۵مه نیټه
په کندهار کې یوه موټر بم ۴۳ ملکيان ووژل.
انځور: Getty Images/AFP/J. Tanveerد ۲۰۱۰ کال د جون میاشتې ۹مه نیټه
یوه ځانمرګي برید کوونکي د واده په یوه محفل کې چاودنه وکړه او ۵۰ تنه یې ووژل.
انځور: dapdد ۲۰۱۱م کال د دسمبر میاشتې ۶مه نیټه
په کابل کې د عاشورا مراسمو پر مهال یوه برید ۸۰ کسان ووژل.
انځور: Reuters/O. Sobhaniد ۲۰۱۲ کال د اکتوبر میاشتې ۲۶مه نیټه
په شمالي ولایت فاریاب کې په یوه مسجد کې چاودنه وشوه چې له کبله یې ۴۲ تنه ووژل شول.
انځور: Reutersد ۲۰۱۳م کال د اپریل میاشتې ۳مه نیټه
طالبانو په فراه ولایت کې د محکمې مخې ته برید وکړ او د ۱۰ امنیتي ځواکونو په ګډون یې ۴۶ کسان ووژل. طالبانو غوښتل خپل هغه غړي آزاد کړي چې محاکمې یې جریان لره.
انځور: picture-alliance/Photoshotد ۲۰۱۴ کال د نومبر میاشتې ۲۳مه نیټه
طالبانو په پکتیکا ولایت کې د هغو کسانو په منځ کې چې د والیبال د یوې لوبې لیدو ته راټول شوي ول، چاودنه وکړه او ۵۷ کسان یې ووژل.
انځور: picture-alliance/dpa/Ahmadullah Ahmadiد ۲۰۱۵ کال د نومبر میاشتې ۹مه او ۱۰مه نیټې
طالبانو د کندهار پر هوایي ډګر برید وکړ او لږ تر لږه ۵۰ کسان یې ووژل.
انځور: picture alliance/ZUMA Press/S. Saiemد ۲۰۱۶م کال د اکتوبر۲۶مه نیټه
په داعش ترهګرې ډلې پورې تړلو کسان له غور ولایت څخه ۳۰ تنه برمته کړل او بیا یې ووژل. په وژلو شویو کسانو کې ماشومان هم شامل ول.
انځور: picture-alliance/AP Photoد ۲۰۱۶ کال د اپریل میاشتې ۱۹مه نیټه
په کابل له چاودیدونکو موادو ډکه یوې لارۍ موټر چاودنه رامنځ ته کړه چې بیا یې په تعقیب د سپکو وسلو جګړه پیل شوه. په پیښه کې ۶۴ کسان ووژل شول او ۳۴۰ تنه نور ټپیان شول.
انځور: picture-alliance/AP Photo/R. Gulد ۲۰۱۶م کال د نویمبر میاشتې ۲۱مه نیټه
داعش په کابل کې د شعیه مسلمانانو پر یوه مسجد د برید پړه پر غاړه واخیسته چې په پایله کې یې ۲۷ تنه ووژل شول او ۶۴ تنه نور ټپیان شول.
انځور: picture alliance/AA/H. Sabawoonد ۲۰۱۷ کال د جنوري میاشتې ۱۰مه نیټه
په کابل کې پارلمان ودانۍ ته نزدې غبرګونۍ چاودنې وشوې چې پکښې ۳۸ تنه ووژل شول او ۸۶ تنه نور ټپیان شول.
انځور: Reuters/O.Sobhani د ۲۰۱۷ کال د مارچ میاشتې ۸مه نیټه
د ډاکترانو په جامو کې برید کوونکي د کابل پوځي روغتون ته ننوتل او تر ۵۰ زیات کسان یې ووژل. په دې برید کې تر ۱۰۰ ډیرو کسانو د وژل کیدو خبره هم کیږي. د برید پړه ترهگري ډلي داعش پر غاړه واخیسته.
انځور: Reuters/M. Ismailد ۲۰۱۷م کال د اپریل ۲۱مه نیټه
طالبانو په مزارشریف ښار کې پر یوې پوځې اډې برید وکړ او ۱۴۴ تنه یې ووژل.
انځور: Reuters/A. Usyanد ۲۰۱۷م کال د مې میاشتې ۳۱مه نیټه
په کابل کې د آلمان سفارت ته نزدې چاودني تر۱۵۰ ډیر کسان ووژل او په سونو تنه نور یې ټپیان کړل.
انځور: REUTERS/O. Sobhaniد ۲۰۱۷ کال د اګست میاشتې لومړۍ نیټه
په هرات ولایت کې په یوه مسجد کې چاودنې لږ تر لږه ۳۳ کسان ووژل. د برید پړه داعش ترهګري ډلې پرغاړه واخیسته.
انځور: Getty Images/AFP/H. Hashimiد ۲۰۱۷ کال د اګست میاشتې ۲۵مه نیټه
په کابل کې د شعیه مسلمانانو په مسجد کې چاودنه وشوه چې له کبله یې ۲۸ کسانو خپل ژوند له لاسه ورکړ او ۵۰ تنه نور ټپیان شول. د اسلامي دولت ترهګرې ډلې د برید پړه پر غاړه واخیسته.
انځور: Reuters/O. Sobhani