پولسو هم د یوې پوښتني په جواب کي دغه خبر تایید کړی او ویلي دي، چي د هغوی دوې تنې چینایاني او یوه یې کولمبیايي وه. د پولیسو په خبره دا چي څوک د دغې قضیې تر شا لاس لري، تراوسه پوری معلومه نده. د دغو ښځو جسدونه د پنجشنبه په ورځ د روم د مرکزي برخي، پراتي په ناحیه کي پیدا سوي دي. د پولیسو د معلوماتو پراساس هغه اپارتمان چي دوې چینایاني  پیدا سوي دي، د وژل سوي کولمبیايي د اپارتمان څخه فقط ۸۰۰ متره لیري دی. د دغو ښځو د عمرونو په باب تر اوسه پوری دقیق معلومات نسته.