چارواکو د دوشنبې په ورځ وویل چې په پلازمینه ریاض کې یې پر دولتي ودانیو باندې د بریدونو مخه نیولې ده. د چارواکو په خبره دوه یمنيان چې د ترهګري ډلي داعش غړي دي د پلان شویو بریدونو په تړاو نیول شوي دي.
د SPA خبري آژانس په حواله دواړه کسان مخکې له دې چې خپلو هدفونو ته ورسیږي ونیول شول او رامنځ ته کیدونکی ګواښ يې دفع کړای شو.
زیاته شوې ده چې د سعودي عربستان دوه وګړي هم نیول شوي دي او اوس یې له نيول شوو یمنيانو سره د اړیکو په اړه څیړنې روانې دي.
وسلې هم موندل شوي
د SPA خبري آژانس په حواله له نیول شویو کسانو څخه دوه ځانمرګي واسکټونه چې هر یو یې اووه کیلو وزن لاره، وسلې او په کور کې جوړ شوي لاسي بمونه ترلاسه شوي دي.
چارواکو په ریاض کې د یوه کور په اړه معلومات ترلاسه کړي ول چې ورڅخه د پټنځای او د بریدونو د پلانولو په موخه کار اخیستل کید.
د ۲۰۱۶م کال په جولای میاشت کې د داعش ځانمرګو برید کوونکو د سعودي عربستان په څلورو سیمو کې چاودنې وکړې. یوه چاودنه د مدینې په مسجد کې رامنځ ته شوې وه او بله د القطیف په یوه مسجد کې چې د امریکا متحدو ایالاتو قنسلګري ته نزدې دی.
«اسلامي دولت» (داعش) له کلونو راهیسي پر سعودي عربستان باندې له لویدیځو هیوادونو سره د نزدې اړیکو لرلو له کبله نیوکې کوي. د سعودي چارواکي همداراز په یمن کې د هغوی د عملیاتو له کبله هم تر نیوکو لاندي دي.
زموږ له ارشيف څخه:
انځورونه: سعودي عربستان د يمن هوايي ډگر بمبار کړ
په دې انځوريز راپور کي به د يمن ويجاړ سوی هوايي ميدان او الوتکي وويني چي سعودي عربستان بمبار کړی دئ. ويل کيږي چي سعودي دا کار د يوې ايرانۍ الوتکي د کښېناستو د مخنيوي په خاطر کړی دئ. انځور: Reuters/K. Abdullah د يمن هوايي ډگر دوې ورځي بمبار سو. اوس خبري آژانسونو د دغه ميدان عکسونه خپاره کړي دي. ويل کيږي چي هوايي ډگر ځکه بمبار سو چي د ايرانۍ الوتکي د کښته کېدو مخنيوی وسي.
انځور: Reuters/K. Abdullah د سعودي عربستان جنگي جټ الوتکو د سه شنبې په ورځ په يمن کي د صنعا پر هوايي ډگر باندي په بمباريو سره د يوې ايرانۍ الوتکي د کښته کېدو مخه ونيوله.
انځور: Reuters/K. Abdullah په يمن کي د سعودي عربستان د پوځي عملياتو مشر جنرال احمد عاصري له رويترز خبري آژانس سره په خبرو کي ويلي دي چي د ايراني پيلوټانو د بې توجهۍ له کبله د دوی هوايي ځواک د يمن د پلازمېني صنعا هوايي ډگر بمبار کړ.
انځور: Reuters/K. Abdullah په دغه بمبار کي په هوايي ډگر کي ولاړي څو الوتکي سوځېدلي دي.
انځور: Reuters/K. Abdullah د صنعا هوايي ډگر د سعودي عربستان له خوا تر بمبار وروسته. سعودي عربستان د يوې ايرانۍ الوتکي د کښته کېدو د مخنيوي په خاطر هوايي ډگر بمبار کړ.
انځور: Reuters/K. Abdullah د هوايي ډگر ځغاست ليکه هم ويجاړه سوې ده.
انځور: Reuters/K. Abdullah د ايران د رسمي خبري آژانس «ايرنا» د معلوماتو له مخي يوه ايرانۍ الوتکه چي له عمان څخه يمن ته روانه وه د سعودي عربستان د جنگي الوتکو د گواښ سره سره هوايي ډگر ته کښته کېدو ته ځان تيار کړ خو د سعودي الوتکو د ميدان د کنترول برج او ځغاست ليکه بمبار کړه.
انځور: Reuters/K. Abdullah په هوا کي د سعودي عربستان جنگي الوتکي ايراني الوتکي ته ډېر ور نژدې سوې او گواښ ئې ورته کاوه چي ميدان ته کښته نه سي.
انځور: mehrnews دا د سعودي عربستان جنگي الوتکي دي، چي د يمن پر فضا گرځي.
انځور: mehrnews د يمن د پلازمېني صنعا هوايي ډگر د سعودي عربستان د جنگي الوتکو تر بمبار وروسته.
انځور: Reuters/K. Abdullah په دغه بريد کي څو الوتکي سوځېدلي دي.
انځور: Reuters/K. Abdullah ايران وايي چي په دغه الوتکه کي ئې مرستي بار وې او صنعا ته ئې بشردوستانه مرستي رسولې.
انځور: Reuters/K. Abdullah د يوې ايرانۍ الوتکي د کښېناستو د مخنيوي په خاطر د صنعا ټول هوايي ډگر ويجاړ سوی.
انځور: Reuters/K. Abdullah د يمن چارواکو ويلي دي چي د هوايي ډگر تر بيا رغاولو پوري به پروازونه له حديده ښاره څخه کيږي.
انځور: Reuters/K. Abdullah سعودي عربستان د مارچ مياشتي له وروستيو راهيسي په يمن کي د حوثي ياغيانو پر ضد هوايي يرغلونه پيل کړي دي.
انځور: AFP/Getty Images/M. Huwais ايران او سعودي عربستان له څو کلونو راهيسي د ځينو هيوادونو لکه سوريه، عراق، لبنان، بحرين او يمن په ځينو سیمو کي په نيابتي جنگ اخته دي.
انځور: AFP/Getty Images/M. Huwais د صنعا په هوايي ډگر چي هسي هم څه نه وه پاته اوس نور هم ويجاړ سوی دئ.
انځور: AFP/Getty Images/M. Huwais ايران پر يمن باندي د سعودي عربستان تر هوايي بمباريو دمخه صنعا ته خپل ملکي پروازونه پيل کړي ول.
انځور: AFP/Getty Images/M. Huwais د هغه شرک الوتکي (ماهان اير) چي د سعودي عربستان جنگي الوتکو ئې د صنعا په هوايي ډگر کي د کښېناستو مخه نيولې ده، دمخه لا د امريکا متحدو ايالاتو له خوا داسي شرکت پيژندل سوی وو، چي په سيمه کي د حزب الله او نورو وسله والو ډلو ته وسلې او تجهيزات رسوي.
انځور: AFP/Getty Images/M. Huwais
