په سوریه کې د م.م. پر څارونکي ماموریت برید شوی دئ
۱۳۹۱ خرداد ۱۹, جمعهاعلان
د ملگرو ملتونو عمومي منشي بانکي مون تیره ورځ په نیویارک کې د عمومي اسامبلې غونډې ته د خپلې وینا پر وخت ویلي دي، چې په سوریه کې څارونکي ماموریت هغه وخت تر برید لاندې راغلی دئ چې هڅه ئې کوله هغه ځای ته ځان ورسوي چیرې چې د یوې بلې عام وژنې خبر ورکړل شوی وو. د ملگرو ملتونو د څارونکي ماموریت غړي په دغه پیښه کې روغ رمټ پاتي شوي دي او لا هم په دې هڅه کې دي چې د پیښې ځای ته ځان ورسوي.
